Artsakhpress

Հարցազրույց

Արցախի նախագահն իր ասելիքը կհայտնի, երբ ժամանակը գա. Տիգրան Աբրահամյան

Արցախում նախընտրական շրջանում որոշ քաղաքական գործիչների կողմից կանխատեսվող «ցնցումների», երկրի ներքաղաքական զարգացումների մասին NEWS.am-ի հետ զրույցում խոսել է Արցախի նախագահի խորհրդական Տիգրան Աբրահամյանը:

Արցախի նախագահն իր ասելիքը կհայտնի, երբ ժամանակը գա. Տիգրան Աբրահամյան

Արցախի նախագահն իր ասելիքը կհայտնի, երբ ժամանակը գա. Տիգրան Աբրահամյան
ՍՏԵՓԱՆԱԿԵՐՏ, 25 հուլիսի, ԱՐՑԱԽՊՐԵՍ: Հարցազրույցն ամբողջությամբ ներկայացնում ենք ստորև.
Մամուլում մի քանի անգամ գրվել է, այդ մասին ակնարկել են նաև որոշ գործիչներ, որ առաջիկայում Արցախում ցնցումներ են սպասվում, արտահերթ գործընթացներ և այլն: Ի՞նչ իրավիճակ է Արցախում:
- 8-9 ամսից Արցախում համապետական ընտրություններ են, յուրաքանչյուր ուժ իր պայքարի մարտավարությունն ունի, սակայն դրանք պետք է տեղավորվեն օրինականության շրջանակներում, հակառակ դեպքում, համապատասխան կառույցները, օրենքով վերապահված իրենց լիազորությունների շրջանակներում կգործեն ու կկանխեն ցանկացած գործընթաց, որը կվտանգի մեր ներքին և արտաքին անվտանգությունը:
Ուզում եմ հույս ունենալ, որ ողջամտությունն ու տրամաբանությունը կգերիշխեն և ընտրություններին մասնակցի ուժերն ու գործիչները կգործեն բացառապես ռացիոնալ դաշտում:
Կա՞ թեկնածու, որին աջակցում է նախագահ Բակո Սահակյանը:
-Եթե այս պահին նման գործիչ լիներ, դրա մասին հասարակությունը կիմանար: Պետք չէ կարծել, թե կա գաղտնի գործընթաց, որտեղ նախագահն ունի իր ֆավորիտները և կուլիսային ձևով նրանց առաջ է մղում: Նախագահն իր ասելիքն այդ մասով կհայտնի, երբ ժամանակը գա և պարզ լինի թեկնածուների այն շրջանակը, ովքեր պայքարելու են այդքան պատասխանատու պաշտոնի համար:
Սպասե՞նք, որ նախագահն այդ գործընթացներում ակտիվ է լինելու:
Հաջորդ տարի սպասվող ընտրական գործընթացներին ընդառաջ, նախագահի առաջնային խնդիրն Արցախը ներքին և արտաքին վտանգներից զերծ պահելն է, ցնցումներն ու անկայուն պրոցեսները չպետք է տեղ գտնեն մեր կյանքում, դա անթույլատրելի է:
Այս տեսանկյունից, նախագահն իր լիազորությունների շրջանակներում անելու է առավելագույնը համապետական ընտրությունները՝ օրինականության և արդարության շրջանակներում անցկացման և քաղաքական գործընթացների սահունության ապահովման հարցում:
Ինչ մնում է նախագահի ակտիվությանը, ապա ընտրություններից հետո էլ նախագահն իր ակտիվությունը պահպանելու է և իր գործունեությամբ նպաստելու է մեր երկրի տնտեսական զարգացմանն ու անվտանգության ամրապնդմանը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ջաբրայիլի հոսպիտալի բժիշկները բարդ վիրահատությամբ փրկել են 18-ամյա զինծառայողի կյանքը

Սահմանված անվանակարգերում հայտնի են բերքի տոնի հաղթողները

Արցախը երբևիցե ՀՀ մարզ չի լինելու. Վիտալի Բալասանյան

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Սիրիայում Թուրքիայի հարձակման հետևանքով ավելի քան 130 000 մարդ փախստական է դարձել. ՄԱԿ

Էրդողանը մեկնում է Բաքու

Search