Ռուսաստանի պաշտպանության նախարարությունը հայտնել է, որ Բելգորոդի շրջանի տարածքում ուկրաինական անօդաչու թռչող սարքեր են խոցվել։
Ռուսաստանն ու Ուկրաինան հայտնել են փոխադարձ հարվածների մասին
30 մարտի, ԱՐՑԱԽՊՐԵՍ։ Զոհերի մասին տեղեկություններ չկան, փոխանցում է 1lurer-ը։
Բելգորոդը թիրախավորվել էր նաև երեկ: Նահանգապետ Վյաչեսլավ Գլադկովը հայտնել է, որ բնակելի շենքին ուկրաինական հարվածի հետևանքով կան վիրավորներ և մեկ զոհ:
Ռուսական ուժերը ևս հարվածել են Ուկրաինայի տարածքին, մասնավորապես՝ Օդեսային, Դնեպրոպետրովսկին, Խերսոնին. հայտնի է խաղաղ բնակչության շրջանում զոհերի և վիրավորների մասին:
Ուկրաինական կողմը նաև հայտնում է, որ մարտի 22-ի զանգվածային հրթիռակոծության հետևանքով ամբողջությամբ ավերվել է Խարկովի «Զմիևսկայա» ՋԷԿ-ը:
Ուկրաինայի վարչապետ Դենիս Շմիհալն էլ քաղաքացիներին հորդորել է ավելի քիչ էլեկտրաէներգիա սպառել, քանի որ էներգետիկ օբյեկտներին ռուսական հարվածների պատճառով երկրում բարդ իրավիճակ է ստեղծվել:
