Այսօր՝ ապրիլի 13-ին, Բյուրականի աստղադիտարանի տնօրեն Արեգ Մելիքյանը «Դպրոցից դեպի տիեզերք» ծրագրի շրջանակներում Ստեփանակերտի Ա. Գրիբոյեդովի անվան համար 3 ռուսական թեքմամբ դպրոցում Հադրութի և Շուշիի 9-րդ, 10-րդ և 11-րդ դասարանների աշակերտների համար հանդես է եկել աստղագիտական դասախոսությամբ:
«Դպրոցից դեպի տիեզերք». արցախցի դպրոցականների համար աստղագիտական դասախոսություններ են կազմակերպվում
ՍՏԵՓԱՆԱԿԵՐՏ 13 ապրիլի, ԱՐՑԱԽՊՐԵՍ: «Արցախպրես»-ի թղթակցի հետ զրույցում Արեգ Միքայելյանը նշել է, որ Բյուրականի աստղադիտարանն արդեն ութ տարի է, ինչ աստղադիտական դասախոսություններով հանդես գալու ծրագիր է իրականացնում Հայաստանի և Արցախի դպրոցներում:
«Ծրագրի շրջանակներում պրոֆեսիոնալ աստղագետներն այցելում են դպրոցներ, դասախոսություններ կարդում, աստղագիտական նյութեր բաժանում: Մենք նպատակ ունենք ի հայտ բերել տաղանդավոր երեխաների, որոնց հետ կապ պահպանելով` հրավիրում ենք մեզ մոտ` տարբեր միջոցառումների, ներգրավում նաեւ ճամբարներում։ Բացի գիտական հիմնարկ լինելուց, Բյուրականի աստղադիտարանը նաև մեծ թվով կրթական և հանրային միջոցառումներ է անցկացնում»,-ասել է Ա. Միքայելյանը:
Նա տեղեկացրել է, որ նախաձեռնության շրջանակում դասախոսություններով հանդես են եկել Մարտակերտում, իսկ վաղը կլինեն Մարտունիում և Ասկերանում:
«Ես շատ հիացած եմ Արցախի երեխաների ունեցած տաղանդով, և մեր պարտքն եմ համարում հաճախ կազակերպել տարբեր միջոցառումներ և նման այցելություններ: Արցախի Գիտական կենտրոնում Աստղագիտական լաբորատորիա հիմնելով` Աստղագիտությունը մուտք գործեց Արցախ: Եվ ես գտնում եմ, որ Արցախը պետք է մտնի միջազգային աստղագիտական հանրության մեջ, ինչի շնորհիվ միջազգային աստղագիտական հանրությունը կճանաչի, որ նաև Արցախը ունի աստղագիտություն»,-ընդհանրացրել է մեր զրուցակիցը:
