ՄԱԿ-ի Անվտանգության խորհրդի նիստին չեն մասնակցել Միացյալ Նահանգների, Մեծ Բրիտանիայի, Էստոնիայի և Ուկրաինայի ներկայացուցիչները։ Այդ նիստը հրավիրված էր Ռուսաստանի կողմից ու նվիրված էր Ղրիմի խնդրին։
Չորս պետություն բոյկոտել է Ղրիմի հարցով Ռուսաստանի հրավիրած ՄԱԿ ԱԽ նիստը
ՍՏԵՓԱՆԱԿԵՐՏ, 23 մայիսի, ԱՐՑԱԽՊՐԵՍ։ SHANTNEWS.am-ի փոխանցմամբ, այս մասին հայտնում է ռուսական «Իզվեստիան»։
Նշվում է, որ նիստի ժամանակ տեսակապով շփում է եղել Ղրիմի բնակիչների հետ, ու ռուսական կողմն ափսոսում է, որ հատկապես Ուկրաինայի ներկայացուցիչները չեն օգտվել ղրիմցիների հետ շփվելու հնարավորություներից։ Այս նիստը եղել է ի պատասխան նախորդ նիստի, որի ժամանակ, չնայած ռուսական կողմի ջանքերին, ղրիմցիների հետ տեսակապ չի իրականացվել։
Ռուսաստանի ներկայացուցչությունը հայտարարել է, որ այդպիսի վարվելակերպը հակասում է վերջին շրջանում ձևավորված ավանդույթներին և անտեսում է Ղրիմի բնակիչների խնդիրները։
