Artsakhpress

Քաղաքական

2019 թ-ի առողջապահության բնագավառի ծախսերը կազմել են 6 մլրդ 923 մլն ՀՀ դրամ. Արայիկ Բաղրյանը հանդես է եկել մամուլի ասուլիսով

Արցախի Հանրապետության 2019 թվականի պետական բյուջեի նախագծով նախատեսված առողջապահության բնագավառի ծախսերը կազմել են 6 մլրդ 923 մլն ՀՀ դրամ՝ 2018 թվականի 6 մլրդ 151 մլն հազար դրամի փոխարեն. այն ԱՀ պետական բյուջեում կազմում է 5.7 %:

2019 թ-ի առողջապահության բնագավառի ծախսերը կազմել են 6 մլրդ 923 մլն ՀՀ դրամ. Արայիկ Բաղրյանը հանդես է եկել մամուլի ասուլիսով

2019 թ-ի առողջապահության բնագավառի ծախսերը կազմել են  6  մլրդ  923  մլն    ՀՀ  դրամ.    Արայիկ    Բաղրյանը  հանդես  է  եկել   մամուլի  ասուլիսով
ՍՏԵՓԱՆԱԿԵՐՏ, 24 հունվարի, ԱՐՑԱԽՊՐԵՍ։ «Արցախպրես»-ի  թղթակցի  հաղորդմամբ՝   այս  մասին     այսօր՝  հունվարի  24-ին  կայացած    մամլո  ասուլիսի   ժամանակ  ասել է  ԱՀ  առողջապահության  նախարար   Արայիկ  Բաղրյանը:
 
Նրա  խոսքով՝   Արցախի առողջապահության համակարգի 2019թ. կատարողականը կազմել է 6  մլրդ   720 մլն  ՀՀ դրամ.  բյուջեն կատարվել է  97,1 %-ով:
 
«Արցախի առողջապահության նախարարությունը հաշվետու տարում ուշադրություն է դարձրել հանրապետության բնակչության, ինչպես  նաև  մոր և մանկան առողջության պահպանմանը, ծննդօգնության մակարդակի, բժշկական օգնության և սպասարկման որակի ու մատչելիության բարձրացմանը, բոլոր բուժհիմնարկները անհրաժեշտ սարքավորումներով և պարագաներով համալրման գործընթացին, ֆինանսական միջոցների արդյունավետ օգտագործմանը, անվճար և արտոնյալ պայմաններում դեղորայք ստանալու իրավունք ունեցող բնակչությանն անհրաժեշտ դեղորայքով ապահովմանն ու այլ խնդիրների: Բնակչության առողջության պահպանումը պետության կողմից դիտարկվում է որպես ազգային անվտանգության ապահովման կարևորագույն խնդիրներից մեկը: Մեր  համակարգն,    իրագործելով բնակչության առողջության պահպանման վերաբերյալ Արցախի նախագահի նախընտրական ծրագրի դրույթները և առաջնորդվելով այս ոլորտում ԱՀ կառավարության որդեգրած քաղաքականությամբ, մշտապես ուշադրության կենտրոնում է պահում առողջապահական կառույցների համաչափ զարգացման գործընթացը»,-մասնավորապես  ասել է  նախարարը:
 
Ըստ   Ա. Բաղրյանի՝ 2019 թվականին առողջապահության նախարարությունն  իր գործունեությունն   իրականացրել է թվով 17 բուժհիմնարկների միջոցով (11 փակ բաժնետիրական ընկերություններ, 6 պետական ոչ առևտրային կազմակերպություններ), որոնցից 7-ը շրջանային  բուժմիավորումներ են: 2019 թվականի հունվարից վերակազմակերպման ձևով «Հանրապետական բժշկական կենտրոն»-ին է միացվել «Ուռուցքաբանական դիսպանսերը», իսկ «Արևիկ» մանկական բուժմիավորմանը՝ ինֆեկցիոն հիվանդանոցը։
 
«Նշված բուժհիմնարկների միավորման արդյունքում հաստիքների կրճատում չի նախատեսվել։ Արդյունքում ունենք բուժսպասարկման մատչելիություն ու որակի բարձրացում, ինչպես նաև հնարավորությունների և ներուժի արդյունավետ տնօրինում ու նպատակային ֆինանսավորում։ Նախարարության ենթակայության տակ գործում են նաև թվով 5 տեղամասային հիվանդանոցներ, 20 գյուղական բժշկական ամբուլատորիաներ և 205 բուժակ-մանկաբարձական կետեր:   Ընդհանուր առմամբ՝ համակարգի բուժհիմնարկներում աշխատում  է  336 բժիշկ, 1366 բուժքույր, 923 ադմինիստրատիվ և այլ մասնագետներ: Բուժհիմնարկների մահճակալային ֆոնդը կազմում է 755։  Արցախի առողջապահության համակարգում առկա է 41 միավոր սանիտարական տրանսպորտային միջոց և 7 ռեանիմոբիլ: Նախատեսվում է 2020 թվականին պարկը համալրել 10 նոր մեքենայով»,-ավելացրել  է   նախարարը։
 
Ասուլիսի   վերջում    Ա. Բաղրյանը    պատասխանել  է    լրագրողների  հարցերին:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -30-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Արցախի նախագահական ընտրություններին մասնակցելու հայտ է ներկայացրել 12 թեկնածու

Մակրոնի հրահանգով կարգելվի թուրք իմամների մուտքը Ֆրանսիա

Համապետական ընտրություններին մասնակցելու հայտ է ներկայացրել 14 նախագահի թեկնածու, 2 կուսակցությունների դաշինք և 10 կուսակցություն

Քաղաքացին խաբեության զոհ է դարձել. ԱՀ ոստիկանություն

Պայմանագրային զինծառայող է զոհվել

Արցախցի երիտասարդին անհրաժեշտ է ֆինանսական աջակցություն բուժման ծախսերը հոգալու համար

Կասպից ծովն առափնյա հատվածներում կարմրել է

Գորիս-Սիսիան ավտոճանապարհահատվածը փակ է. ԱԻՊԾ

2020 թ-ի հուլիսի 1-ից Արցախի հետ բջջային կապի ռոումինգ ծառայության սակագները դարձյալ կնվազեն

Search