Artsakhpress

Միջազգային

Թրամփի իմփիչմենթի վերաբերյալ բանավեճերը կսկսվեն չորեքշաբթի

ԱՄՆ նախագահ Դոնալդ Թրամփի իմփիչմենթի վերաբերյալ բանակցությունները Սենատում կսկսվեն չորեքշաբթի, կողմերից յուրաքանչյուրին կտրվի 24 ժամ իրենց դիրքորոշումն արտահայտելու համար։

Թրամփի իմփիչմենթի վերաբերյալ բանավեճերը կսկսվեն չորեքշաբթի

Թրամփի իմփիչմենթի վերաբերյալ բանավեճերը կսկսվեն չորեքշաբթի
ՍՏԵՓԱՆԱԿԵՐՏ, 21 հունվարի, ԱՐՑԱԽՊՐԵՍ: Այսպիսի կարգ է առաջարկել Սենատում հանրապետական մեծամասնության ղեկավար Միչ Մակքոնելը հրապարակված բանաձեւի նախագծում, որը վերաբերում է պետության ղեկավարի իմփիչմենթի ընթացակարգի դիտարկմանը, տեղեկացնում է News.am-ն։
Ներկայացուցիչների պալատն անցած շաբաթ իմփիչմենթի գործը հանձնել էր Սենատին նախագահի հանդեպ դատավարություն սկսելու համար։ Երդում են տվել Գերագույն դատարանի դատավոր Ջոն Ռոբերտսը, որը նախագահելու է դատավարությունը, եւ սենատորները, որոնք կատարելու են ատենակալների պարտականությունները։ Մեղադրող կողմը ներկայացնելու են յոթ դեմոկրատ կոնգրեսականներ՝ Ադամ Շիֆի գլխավորությամբ։
Համաձայն բանաձեւի նախագծի, որը, ինչպես սպասվում է, կընդունվի սենատորների ձայների մեծամասնությամբ, կոնգրեսականները պետք է չորեքշաբթի մինչեւ տեղական ժամանակով ժամը 9.00-ն ներկայացնեն բոլոր փաստաթղթերը, իսկ նախագահի կողմը պետք է տա դրանց պատասխանը մինչեւ ժամը 11.00-ն։ Կողմերի բանավեճերը կսկսվեն ժամը 13.00-ին, մեղադրող կողմին, իսկ հետո պաշտպանության կողմին կտրվի Սենատի  երկուական նստաշրջան (մաքուր 24 ժամ)։
Դրանից հետո սենատորները կունենան ընդհանուր առմամբ 16 ժամ, որպեսզի հարցեր տան կողմերին, որոնց իրենց հերթին այնուհետեւ կտան եւս չորս ժամ բանավեճերի համար։
Նախագծում ներկայացված են նաեւ վկաներ կանչելու կամ լրացուցիչ փաստաթղթեր ներգրավելու պայմանները. առաջարկվում է այդ հարցերը լուծել Սենատում քվեարկության միջոցով։ Ելույթից առաջ վկաները պետք է գրավոր ցուցմունքներ տան երդմամբ։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -43-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Արցախի նախագահական ընտրություններին մասնակցելու հայտ է ներկայացրել 12 թեկնածու

Սամվել Բաբայանի գրասենյակը կեղծ հայտարարություն է տարածել. պարզաբանում

Արցախում երկու զինծառայող է զոհվել

Դատարանը հրապարակեց Սամվել Բաբայանի դատական գործով որոշումը

Սամվել Բաբայանի ղեկավարած կուսակցությունը կսատարի Մասիս Մայիլյանի թեկնածությունը

Ստեփանակերտում կկառուցվի նոր, իր չափերով գուցե ամենամեծ բնակելի թաղամասը. Արայիկ Հարությունյան

Համապետական ընտրություններին մասնակցելու հայտ է ներկայացրել 14 նախագահի թեկնածու, 2 կուսակցությունների դաշինք և 10 կուսակցություն

Ստեփանակերտ-Երևան երկկողմանի ճանապարհները փակ են. ԱԻՊԾ

Աջակցում ենք նախագահի թեկնածու Արայիկ Հարությունյանին. ավելի քան մեկ տասնյակ հասարակական կազմակերպություններ հանդես են եկել հայտարարությամբ

Search