«Սիրիայում Թուրքիայի «Խաղաղության ակունք» գործողության ժամանակ ազատագրված Թալ Աբյադ քաղաքում «Քրդստանի աշխատավորական կուսակցության հետ կապ ունեցող (PKK) քրդական Ժողովրդական ինքնապաշտպանության ջոկատները (YPG) անփութորեն օգտագործում էին հայկական եկեղեցին`որպես շտաբ, ինչը ցույց է տվել տարածաշրջանից ստացված կադրերը»,-այս մասին գրում է թուրքական պրոիշխանական Daily Sabah թերթը։
Քրդական խմբավորումները Սիրիայի հյուսիսում հայկական եկեղեցին օգտագործել են որպես կենտրոնակայան
ՍՏԵՓԱՆԱԿԵՐՏ, 21 հոկտեմբերի, ԱՐՑԱԽՊՐԵՍ: Նշվում է, որ թուրքական զինուժը և Սիրիայի ազգային բանակը (SNA) հոկտեմբերի 13-ին ազատել են քաղաքը Թուրքիայի սահմանի ողջ երկայնքով, որի նպատակն է Սիրիայի՝ Եփրատից արևելք գտնվող ահաբեկչական տարրերի մաքրումը:
Daily Sabah-ը գրել է, որ եկեղեցու բեմը պատված է եղել PKK-ի առաջնորդ Աբդուլլահ Օջալանի պաստառներով, որոնք տեղադրված էին խաչերի տակ: Կայքը նշում է նաև բեմի հայերեն անունը՝ «խորան», ու նշում, որ այն դիտվում է որպես սուրբ վայր, որն օգտագործվում է միայն եկեղեցու հովվի կողմից:
Եկեղեցին այժմ գտնվում է Սիրիայի ազգային բանակի (SNA) պաշտպանության ներքո։
«Երբ մենք մտանք քաղաքի կենտրոն, չէինք ուզում գնալ եկեղեցի մոտակայք, քանի որ չէինք ուզում, որ այն վնասվի մարտերի ժամանակ», - «Անադոլու» գործակալությանը ասել է SNA-ի հրամանատար Էբու Աբդոն:
Նա քրիստոնյաներին ու հայ «եղբայրներին ու քույրերին» հորդորել է վերադառնալ Թալ Աբյադ:
«Նրանք կարող են գալ իրենց եկեղեցի և անցկացնել իրենց կրոնական ծառայությունները», - ասել է Էբու Աբդոն:
Հիշեցնենք, որ հոկտեմբերի 9-ին Թուրքիան հարձակում սկսեց Սիրիայի հյուսիսում՝ հիմնականում քրդաբնակ տարածքներում։ Պաշտոնական նպատակն է, ըստ Թուրքիայի նախագահ Էրդողանի թվիթերյան գրառման, «կանխել հարավային սահմանին ահաբեկչական միջանցքի ստեղծումը և խաղաղություն բերել տարածաշրջանին», հայտնում է Panorama.am-ը։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -22-:
