ՍՏԵՓԱՆԱԿԵՐՏ, 13 սեպտեմբերի, ԱՐՑԱԽՊՐԵՍ: Այսպիսի եզրակացություն են կատարել Ցյուրիխի սառցագիտության դաշնային տեխնիկական համալսարանի (ETH Zurich) գիտնականները՝ կատարած 3D մոդելավորման արդյունքում, փոխանցում է News.am-ը:

ՅՈՒՆԵՍԿՕ-ի համաշխարհային ժառանգության ցուցակի մեջ ներառված ավելի քան 20 կմ երկարությամբ Ալչիական սառցադաշտը Ռոն գետի հովտի ջրի կարեւոր աղբյուրն է եւ միաժամանակ գրավիչ տեսարժան վայր ամբողջ աշխարհից բազմաթիվ զբոսաշրջիկների համար: Վերջին տասնամյակում այն, ինչպես եւ իր եղբայրակիցները, տաքացման պատճառով աստիճանաբար ծավալով նվազել է: 2000 թվականից նրա «լեզուն» 1 կմ-ով կարճացել է:

ETH Zurich-ի մասնագետներ Գիյոմ Ժյուվեն եւ Մաթիաս Հուսը մոդելավորել են սառույցի հալչելու տարբեր արագություններ՝ հաշվի առնելով մթնոլորտում СО2-ի խտությունը եւ Շվեյցարիայում կլիմայի փոփոխությունները: Եթե մարդկությանը հաջողվի Երկրի ջերմաստիճանի աճը պահել Ցելսիուսի 2 աստիճանի սահմաններում՝ 2015 թվականի Փարիզի համաձայնագրին համապատասխան, ապա մինչեւ ներկայիս հարյուրամյակի վերջը Ալչիական սառցադաշտը կկորցնի իր ծավալի կեսից ավելին, պարզել են գիտնականները: Բայց եթե միջազգային հանրությունը չկարողանա տաքացումը պահել այս «շրջանակում», եւ դրա հետեւանքով 2100 թվականին Շվեյցարիայում ջերմաստիճանը բարձրանա 4-8 աստիճանով՝ 1960-1990 թվականների ժամանակահատվածի համեմատությամբ, Ալպերի խոշորագույն սառցադաշտից կմնա 2 աննշան բիծ, կարծում են փորձագետները:

Սառցադաշտը չի փրկի նաեւ բավականին քիչ հավանական վերջին 30 տարում մոլորակին հատուկ կլիմայական պայմանների անփոփոխ մնալու սցենարը: Այս դեպքում այն 2100 թվականին կփոքրանա մեկ երրորդով: Իսկ եթե պահպանվեն վերջին 10 տարվա պայմանները, ապա Ալչիական սառցադաշտը կզրկվի իր ներկայիս ծավալի կեսից: «Սառցադաշտն այլեւս կլիմայի հետ հավասարակշռության մեջ չէ»,- ամփոփել են գիտնականները: