Արցախի Հանրապետության մշակութային ժառանգության պահպանության հարցի շուրջ ԿԳՄՍ նախարարությունը ինտենսիվ աշխատում է։
Արցախում մնացած մշակութային ժառանգությունը գույքագրել ենք, կա ամբողջական տվյալների բազա. Ժաննա Անդրեասյան
ՍՏԵՓԱՆԱԿԵՐՏ, 27 դեկտեմբերի, ԱՐՑԱԽՊՐԵՍ: Այս մասին այսօր՝ դեկտեմբերի 27-ին, տարեվերջյան մամուլի ասուլիսում նշեց ԿԳՄՍ նախարար Ժաննա Անդրեասյանը:
«ԱԳՆ գործընկերների հետ մի ամբողջ գործողությունների պլան ունենք, թե ինչպես ենք իրականացնելու ԼՂ տարածքում մնացած մշակութային ժառանգության պաշտպանության հարցը»,- նշեց նա։
Ժաննա Անդրեասյանը հայտնեց, որ ԼՂ տարածքում մնացած նյութական և ոչ նյութական մշակութային արժեք ունեցող ժառանգությունը գույքագրվել է, կա ամբողջական տվյալների բազա. «Գույքագրում ենք նաև վանդալիզմի դեպքերը և դրանք ինտեսիվ փոխանցում ենք բոլոր հնարավոր միջազգային գործընկերներին: Նաև էլեկտրոնային շտեմարաններ, կայքեր են ստեղծվում, որոնք պարզ ու տեսանելի են դարձնում այդ ամենը: Պլանավորել ենք նաեւ ցուցահանդեսներ, համաժողովներ և Հայաստանում, և արտերկրում, բոլոր համապատասխան հարթակներում։
Մենք նաեւ հավաքագրում եւ տպագրում ենք մշակութային ժառանգության մասին, որոնք ակտիվորեն տարածքում ենք նաեւ ԱԳՆ-ի միջոցով այն բոլոր տեղերում, որոնք պետք է լինեն եւ հասանելի լինեն»,- ասաց ԿԳՄՍ նախարար:
