Արցախի Հանրապետության քաղաքաշինության նախարարի պաշտոնակատար Ազատ Համբարձումյանը նախօրեին շրջայց է կատարել Իվանյան և Հովսեփավան համայնքների՝ «Հայաստան» համահայկական հիմնադրամի ֆինանսավորմամբ կառուցվող նոր թաղամասերում։
Քննարկվել են Իվանյանում և Հովսեփավանում բնակարանների ու առանձնատների շինաշխատանքներն ավարտին հասցնելու հնարավորությունները
ՍՏԵՓԱՆԱԿԵՐՏ, 23 մարտի, ԱՐՑԱԽՊՐԵՍ։ Այս մասին տեղեկացնում են ԱՀ քաղաքաշինության նախարարությունից:
Աղբյուրի տեղեկատվությամբ՝ հաշվի առնելով, որ նախորդ տարեվերջին նախատեսված էր շահագործման հանձնել որոշակի քանակի բնակարաններ ու բնակելի տներ, և այն առկախվել է Ստեփանակերտ-Գորիս ավտոճանապարհի արգելափակման հետևանքով, ուստի շինարարական կազմակերպությունների ներկայացուցիչների հետ տեղերում դիտարկվել են նշված իրավիճակում շինաշխատանքներն ավարտին հասցնելու հնարավորությունները։
Քննարկվել են ավարտական փուլին առնչվող հարցեր, նաև առկա ռեսուրսների ներգրավմամբ ավարտման փուլում գտնվող բնակելի շենքերի և առանձնատների շահագործման հանձնելու հնարավորություններն, ու այդ առումով քաղաքաշինության նախարարության և շինարարական կազմակերպությունների անելիքները։