Artsakhpress

Քաղաքական

Գերմանիան շարունակելու է աջակցությունը Հայաստանին. ԳԴՀ տնտեսական համագործակցության դաշնային նախարար

Հայաստանն ու Գերմանիան գործակցության նոր մակարդակի հասնելու պայմանավորվածություն են ձեռք բերել:

Գերմանիան շարունակելու է աջակցությունը Հայաստանին. ԳԴՀ տնտեսական համագործակցության դաշնային նախարար

Գերմանիան շարունակելու է աջակցությունը Հայաստանին. ԳԴՀ տնտեսական համագործակցության դաշնային նախարար
ՍՏԵՓԱՆԱԿԵՐՏ, 2 հուլիսի, ԱՐՑԱԽՊՐԵՍ։ Այս մասին հայտարարել է 1lurer.am-ը։
Հայաստանի էկոնոմիկայի նախարարի հետ համատեղ ասուլիսում հայտարարեց Գերմանիայի տնտեսական համագործակցության և զարգացման դաշնային նախարարը: Գերմանիան շարունակելու է աջակցությունը Հայաստանին՝ բարեփոխումների ճանապարհին, ընդգծում է Սվենյա Շուլցեն:
Սվենյա Շուլցե (Գերմանիայի տնտեսական համագործակցության և զարգացման դաշնային նախարար) - Այս մարտահրավերներով լի ժամանակներում մենք կարևորում ենք այն երկրների հետ գործակցությունը, որոնք նպատակամղված գնում են բարեփոխումների ճանապարհով, և Հայաստանը այդ երկրների շարքում է , մասնավորապես` ժողովրդավարության, իրավական և ընտրական բարեփոխումների ոլորտներում:
Վերականգնվող էներգետիկա, ջրածնային տեխնոլոգիաներ, պարենային անվտանգություն և միջին մասնագիտական համակարգ: Քննարկվել են երկու երկրների հարաբերությունները սերտացնելու հնարավոր նոր ձևաչափեր, նշում է Վահան Քերոբյանը` առանձնացնելով Գերմանիայի օժանդակությունը մեր երկրին զբոսաշրջության ոլորտում:
Ջի Այ Զեթ-ի նախաձեռնությամբ բազմաթիվ նախագծեր են իրագործվել, որոնցից է զբոսաշրջության նոր բրենդի մշակումը, վերջերս էլ գերմանական զբոսաշրջային 70 ընկերությունների ներկայացուցիչներ այցելեցին Հայաստան: Տնտեսական արտադրողականության բարձրացման նպատակով Հայաստան կգործուղվեն նաև բարձրակարգ, բայց արդեն թոշակի անցած մասնագետները:
Գերմանացի լրագրողի հարցին, ինչ քայլեր է պատրաստվում անել կառավարությունը ժողովրդավարությունը ավելի ամրապնդելու համար, նախարար Քերոբյանը պատասխանում է:
Վահան Քերոբյան (ՀՀ Էկոնոմիկայի նախարար) - Դրանցից առաջինը պետություն- մասնավոր հատված երկխոսության ամրապնդումն է, ՓՄՁ կշռի մեծացումն է:
Առաջիկա հինգ տարում նախատեսվում է փոքր և միջին ձեռնարկությունների բյուջե վճարած հարկերի մասնաբաժինը 27 տոկոսից 55 տոկոսի հասցնել: Հայաստանի բիզնես միջավայրը բարելավելու ճանապարհային քարտեզ է մշակել:
Վահան Քերոբյան - Միջավայրային առումով Հայաստանն առաջատար է տարածաշրջանի և ԵԱՏՄ երկրների շարքում:
Շատ կարևոր են Հայաստանի կառավարության կողմից իրականացվող ժողովրդավարական բարեփոխումները, կոռուպցիայի դեմ տարվող աշխատանքը, արդարադատության ոլորտում բարեփոխումները: Սրանք այն երաշխիքներն են, որոնք երկիր ներդրումներ կբերեն, ընդգծում է գերմանացի բարձրաստիճան պաշտոնյան:

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Ռուբեն Վարդանյանն արձագանքել է Նախագահ Հարությունյանի առաջարկին

Թաղավարդում մահվան ելքով դժբախտ պատահար է տեղի ունեցել

Անվտանգության խորհրդի նիստում Արցախի հարցով միաձայն հայտարարություն է ընդունվել

Դոլարի փոխարժեքը նվազել է

Սամվել Բաբայանը Ստեփանակերտում հանդիպել է քաղաքացիների հետ

Սպառվող էլեկտրաէներգիայի ծախսերի որոշ մասի սուբսիդավորումը կիրականացվի նախկին կարգերի համաձայն

Հայաստանում տեղակայված ընկերությունը ընդգրկվել է ԱՄՆ-ի պատժամիջոցների նոր ցանկում

Ադրբեջանի ԶՈւ ստորաբաժանումները կրակ են բացել հայկական մարտական դիրքերի ուղղությամբ

Մեխիկոյում կազմակերպված ցուցահանդեսում Հայաստանը ներկայացել է հայկական ժանյակի ցուցադրությամբ

Search