Մարտի 18-20-ը Երևան քաղաքում կայացած քիքբոքսինգի ՀՀ առաջնությանը մասնակցել են նաև ԱՀ քիքբոքսինգի ֆեդերացիայի մարզիկներ, ովքեր գրավել են մրցանակային տեղեր: Արցախի քիքբոքսինգի հավաքական թիմի մարզիկները Ստեփանակերտի մանկապատանեկան մարզադպրոցի կողմից պարգևատրվել են պատվոգրերով և թանկարժեք նվերներով: Արարողությանը ներկա էին Ստեփանակերտի փոխքաղաքապետ Սուրեն Թամրազյանը և Ստեփանակերտի մանկապատանեկան մարզադպրոցի տնօրեն Էմիլս Հովհաննիսյանը, ովքեր կարևորել և ողջունել են նման արդյունքները:
Ստեփանակերտում կազմակերպվել է Քիքբոքսինգի ՀՀ առաջնությունում մրցանակային տեղեր զբաղեցրած արցախցի մարզիկների պարգեւատրման արարողություն(լուսանկարներ)
ՍՏԵՓԱՆԱԿԵՐՏ, մարտի 26, ԱՐՑԱԽՊՐԵՍ։ «Արցախպրես»-ի թղթակցի հետ զրույցում Արցախի քիքբոքսինգի ֆեդերացիայի գլխավոր մարզիչ Արմեն Ղահրամանյանն ասել է, որ առաջնությունը անց է կացել բարձր մակարդակով, մարզիկներն էլ կարողացել են իրենց արդարացնել:
«Առաջնությանը մասնակցում էին 17 մարզիկներ։ Նրանցից յոթը գրավել են 1-ին, երեքը՝ 2-րդ, չորսը՝ 3-րդ հորիզոնականները»,-նշել է Ա. Ղահրամանյանը:
Էդվարդ Սահակյանը տեղեկացրել է, որ ունեցել է հինգ մենամարտ՝ երեք քիքլայթ և երկու լայթ: