Artsakhpress

Հասարակական

ՅՈՒՆԵՍԿՕ-ն դեռ աշխատում է Արցախ առաքելություն ուղարկելու ուղղությամբ․ Ադրբեջանը կրկին խոչընդոտում է

Արցախյան 44-օրյա պատերազմից մեկ տարի անց կազմակերպության առաքելությունն այդպես էլ չի կարողանում այցելել Արցախ․ ՅՈՒՆԵՍԿՕ-ն դեռ աշխատում է այդ ուղղությամբ։

ՅՈՒՆԵՍԿՕ-ն դեռ աշխատում է Արցախ առաքելություն ուղարկելու ուղղությամբ․ Ադրբեջանը կրկին խոչընդոտում է

ՅՈՒՆԵՍԿՕ-ն դեռ աշխատում է Արցախ առաքելություն ուղարկելու ուղղությամբ․ Ադրբեջանը կրկին խոչընդոտում է
ՍՏԵՓԱՆԱԿԵՐՏ, 6 դեկտեմբերի, ԱՐՑԱԽՊՐԵՍ։ Factor.am-ի փոխանցմամբ, այս մասին ադրբեջանական Report գործակալությանը հայտնել են կազմակերպության մամուլի ծառայությունից։
 
«Ներկայում մենք աշխատում ենք Ղարաբաղ այդ առաքելության կազմակերպման ուղղությամբ։ Հուսով ենք, որ դա հնարավոր կդառնա մոտ ժամանանկներում, սակայն ներկայում անհրաժեշտ պայմաններ չկան։ Մենք փորձում ենք մանրամասն տեղեկություն ստանալ այդ թեմայով»,- ասել են ՅՈՒՆԵՍԿՕ-ից։
 
Ստացվում է, որ ադրբեջանական կողմը կրկին համաձայնություն չի տալիս ու տարատեսակ խոչընդոտներ է ստեղծում Արցախ ու նրա գրավյալ տարածքներ առաքելության այցի համար։
 
 Նշենք, որ ամիսներ առաջ Ադրբեջանի մշակույթի նախարար Անար Քերիմովը լրագրողների հետ զրույցում հայտնել էր, որ ՅՈՒՆԵՍԿՕ-ի առաքելության այցի շուրջ բանակցությունները շարունակվում են, և նշել, որ ադրբեջանական կողմի  պայմաններն ու առաքելության կազմակերպման տեխնիկական մանրամասները փոխանցվել են ՅՈՒՆԵՍԿՕ-ին։
 
«Կազմակերպությունը պետք է որոշում կայացնի այդ հարցով։ Մենք նրանցից ակնկալում ենք արդար ու անաչառ դիրքորոշում, որ կազմակերպությունը հարցը չի քաղաքականացնի, այլ կգործի բացառապես իր մանդատին համապատասխան»,-ասել էր Քերիմովը։
 
Ադրբեջանական կողմը Հայաստանի, Ադրբեջանի ու Ռուսաստանի ղեկավարների՝ նոյեմբերի 9-ի եռակողմ հայտարարությունից հետո ամեն ինչ անում է՝ թույլ չտալու ՅՈՒՆԵՍԿՕ-ի առաքելության մուտքն Արցախ ու նրա գրավյալ տարածքներ։ ԵԱՀԿ Մինսկի խմբի համանախագահ պետությունները ևս հայտարարություններ են արել հայկական մշակութային ժառանգության պահպանման անհրաժեշտության և այդ աշխատանքներում ՅՈՒՆԵՍԿՕ-ի ներգրավման մասին, որը մերժում է պաշտոնական Բաքուն՝ շարունակելով տարբեր մեղադրանքներ հնչեցնել կազմակերպության հասցեին։
 
Օգոստոսի վերջին էլ Ադրբեջանի նախագահ Իլհամ Ալիևը երկրում ՄԱԿ-ի նորանշանակ մշտական համակարգող Վլադանկա Անդրևայի հետ հանդիպմանը կրկին անհիմն մեղադրանքներ էր հնչեցրել Հայաստանի հասցեին ու նշել, որ հայկական կողմ է խոչընդոտում ՅՈՒՆԵՍԿՕ-ի առաքելության մուտքին։
 
«Պատերազմից հետո մենք ՅՈՒՆԵՍԿՕ-ից ազդանշաններ ստացանք, որ նրանք ցանկանում են գալ։ Իհարկե, մենք զարմացանք, քանի որ նրանք երբեք չէին գալիս, երբ մենք կանչում էինք, կարելի է ասել՝ գրեթե 30 տարի, իսկ պատերազմից հետո որոշեցին գալ։ Մենք համաձայնեցինք, և ինչքանով ինձ հայտնի է՝ վերջին տեղեկությունն այն է, որ առաքելությունը ձևավորված է, սակայն հիմա Հայաստանը դեմ է դրան։ Դրա համար էլ առաքելությունը կրկին հետաձգվում է»,- ասել էր Ադրբեջանի նախագահը։
 
 Ալիևի այս հերթական կեղծիքին անդրադարձել էր նաև ՀՀ ԱԳՆ-ն։ Բացի այդ՝ ՅՈՒՆԵՍԿՕ-ն էլ իր հերթին է հասցեական հայտարարություններով նշել, որ առաքելության մուտքի հիմնական խոչընդոտն Ադրբեջանն է։
 
Մասնավորապես, դեկտեմբերին կազմակերպության մշակույթի հարցերով գլխավոր տնօրենի տեղակալ Էռնեստո Օտտոնեն հայտարարել էր, որ Ադրբեջանից դեռ պատասխան չեն ստացել Արցախ կազմակերպության փորձագիտական առաքելություն ուղարկելու համար։
 
«Առայժմ միայն Ադրբեջանի պատասխանին ենք սպասում, որպեսզի ՅՈՒՆԵՍԿՕ-ն կարողանա առաջ շարժվել առաքելություն ուղարկելու ուղղությամբ»,- ասել էր նա։
 
 Հավելենք, որ միայն մայիս–հունիս ամիսներին էր ադրբեջանական կողմից կազմակերպության Արցախ այցի շուրջ դրական տեղաշարժ նկատվում։ Ալիևը հայտարարել էր, թե ՅՈՒՆԵՍԿՕ-ի հետ քննարկումներ են անցկացնում ու դրանք գտնվում են առաքելության ժամանման բանակցությունների վերջին փուլում, ինչից հետո՝ հունիսի վերջին, Ադրբեջանի ԱԳՆ մամուլի ծառայության ղեկավար Լեյլա Աբդուլլաևան էր հաղորդել, որ Բաքուն և ՅՈՒՆԵՍԿՕ-ն քննարկում են Արցախի գրավյալ տարածքներ կառույցի առաքելության կազմակերպման հարցը։ Խոսքը Ակնայի (Աղդամ), Վարանդայի (Ֆիզուլի) շրջանների և Շուշիի մասին է։
 
Սակայն պաշտոնական Բաքուն վերջին ամիսներին կրկին դիմում է ագրեսիվ հռետորաբանության ու գործողությունների՝ ամեն կերպ փորձելով անհնարին դարձնել կազմակերպության առաքելության մուտքն Արցախ։ Էմմա Չոբանյ

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Հանրապետությունում հայտարարվել է մասնակի զորահավաք  

Ինչպե՞ս կկազմակերպվի երթևեկությունն այլընտրանքային ճանապարհով. Հայկ Խանումյանը մանրամասներ է ներկայացրել

Մեկնարկել է 40 հազար դրամի չափով աջակցության հայտերի ընդունումը

Թշնամու հարվածային ԱԹՍ-ի կիրառումից մահացու վիրավորում է ստացել մեկ զինծառայող. կան վիրավորներ. ՊԲ

«Արցախում աշխատանք կա». Ստեփանակերտում աշխատանքի տոնավաճառ է կազմակերպվել

Մասնակի զորահավաքի վերաբերյալ տեղեկատվական շտաբը հանդես է եկել լրացուցիչ պարզաբանմամբ

Հայ–ադրբեջանական սահմանին հակառակորդի կրակոցից զինծառայող է վիրավորվել․ ՀՀ ՊՆ

Խաղաղապահ զորախմբի հրամանատարը վստահեցրել է, որ ՌԴ-ն կձեռնարկի բոլոր միջոցները հետագա սրումը կանխելու համար

Արցախի թեմի առաջնորդն այցելել է զինհոսպիտալում բուժում ստացող վիրավոր զինծառայողներին

Search