Աշխարհով մեկ արագ տեմպերով տարածվում է կորոնավիրուսային վարակը: Ստատիստիկ տվյալներով, վերջերս, ամենօրյա հետազոտությունների արդյունքում, պարզվել է, որ վարակվածների թիվը շեշտակի ավելացել է: Մեծացել է հիվանդության տարածումը նաև հղիների շրջանում:
Պետք է լուրջ վերաբերել կորոնավիրուսային հիվանդությանը. «Մոր և մանկան առողջության պահպանման կենտրոն»֊ի գործադիր տնօրեն
ՍՏԵՓԱՆԱԿԵՐՏ, 21 հոկտեմբերի, ԱՐՑԱԽՊՐԵՍ: Համավարակի դեմ կանխարգելիչ միջոցառումների ձեռնարկման մասին «Արցախպրես»-ի թղթակիցը զրուցել է Ստեփանակերտի «Մոր և մանկան առողջության» պահպանման կենտրոն ՓԲԸ գործադիր տնօրեն Վարդգես Օսիպով հետ:
«Հետպատերազմական ժամանակաշրջանում հղիների շրջանում գրանցվել են կորոնավիրուսային հիվանդությամբ վարակման դեպքեր: Բարեբախտաբար դեռ չենք հանդիպել այնպիսի դեպքերի, որ վարակը լուրջ ազդեցություն ունենա հղիության ընթացքի և նորածնի առողջության վրա: Բայց գրանցվել են դեպքեր, երբ նորածին երեխաններն ունեին շնչառական խնդիրներ: Այսօրվա դրությամբ ունենք 5 հղիներ, որոնք վարակվել են վիրուսով և գտնվում են բժիշկների ամենօրյա հսկողության տակ, և կան այնպիսիները, ովքեր մեկուսացված են տանը: Նրանց վիճակը գնահատվում է բավարար: Բժշկական խիստ միջամտություններ չեն արվում»,- ներկայացրել է Վ. Օսիպովը՝ հավելելով, որ վիրուսի հաղթահարումից հետո հղիները կհետազոտվեն, և այդ ժամանակ հստակ գնահատական կտրվի նրանց վիճակին:
Մեր զրուցակիցն ընդգծել է, որ պետք է լուրջ վերաբերել կորոնավիրուսային հիվանդությանը, պահպանել հակահամաճարակային բոլոր կանոնները՝ կրել դիմակ, հաճախակի լվանալ ձեռքերը, զերծ մնալ խմբային կուտակումներից:
