Artsakhpress

Հասարակական

«Թուֆենկյան» բարեգործական հիմնադրամն ու Ամերիկայի Հայ Ավետարանչական ընկերակցությունը Մարտունիում տուն են վերանորոգել

«Թուֆենկյան» բարեգործական հիմնադրամի և Ամերիկայի Հայ Ավետարանչական ընկերակցության համատեղ ուժերով վերանորոգվել է Արցախի Հանրապետության Մարտունի քաղաքի բնակիչ, զինծառայող, Արցախյան 3-րդ պատերազմում վիրավորված 19-ամյա Կամո Պետրոսյանի՝ պատերազմի ընթացքում վնասված բնակարանը:

«Թուֆենկյան» բարեգործական հիմնադրամն ու Ամերիկայի Հայ Ավետարանչական ընկերակցությունը Մարտունիում տուն են վերանորոգել

«Թուֆենկյան» բարեգործական հիմնադրամն ու  Ամերիկայի Հայ Ավետարանչական ընկերակցությունը Մարտունիում տուն են վերանորոգել

ՍՏԵՓԱՆԱԿԵՐՏ, 16 սեպտեմբերի, ԱՐՑԱԽՊՐԵՍ: «Արցախպրես»-ի թղթակցի հետ զրույցում Ամերիկայի Հայ Ավետարանչական ընկերակցության Արցախի մասնաճյուղի սոցբաժնի պատասխանատու Լուսինե Աբրահամյանն ասել է.

«Ամերիկայի Հայ Ավետարանչական ընկերակցությունն Արցախում օժանդակության տարբեր ձևերով նպաստում է ժողովրդի կյանքի բարելավմանը, ֆինանսական, բժշշկական և այլ տեսակի օգնություններ է տրամադրում նրանց: Ուզում եմ նշել, որ Ավետարանչականը համագործակցում է Ֆրանսիայի «Հույս Հայաստանի համար» կազմակերպության հետ: Թող խաղաղություն լինի Արցախ աշխարհում, որպեսզի մարդիկ ապրեն, արարեն ու ծաղկեցնեն մեր երկիրը»,- նշեց Լ. Աբրահամյանը:

Բնութագրությունը հասանալի չէԲնութագրությունը հասանալի չէ

Մինչ պատերազմը «Թուֆենկյան» բարեգործական հիմնադրամն Արցախի տարբեր շրջաններում մեծ գործունեություն էր ծավալում, ինչը լայն թափ է ստացել պատերազմից հետո:

Բնութագրությունը հասանալի չէ

«Տարիներ ի վեր «Թուֆենկյան» հիմնադրամն Արցախում կարևոր աշխատանքներ է իրականացնում, մանավանդ՝ պատերազմից հետո: Այս պատերազմից անմիջապես հետո, համագործակցելով Արցախի պատկան մարմինների հետ, հիմնադրամը որոշել է Մարտունի քաղաքում և մոտակա համայնքներում ծավալել իր աշխատանքները: Մենք ամեն ինչ պետք է անենք, որ արցախցին շարունակի ապրել ու արարել իր սեփական հողի վրա»,- նշել է «Թուֆենկյան» բարեգործական հիմնադրամի արտաքին կապերի տնօրեն Ռուբեն Ջանբազյանը:

Պետրոսյանների ընտանիքի մայրը՝ Նելլի Պետրոսյանը, իր երախտիքի խոսքն է հայտնել Թուֆենկյան բարեգործական հիմնադրամին և Հայ ավետարանչական ընկերակցությանը՝ այս դժվարին պահին իրենց կողքին լինելու համար:

Բնութագրությունը հասանալի չէ

«Մեր բնակարանը ստացել ենք 2016 թվականին՝ Հայաստան համահայկական հիմնադրամի շնորհիվ՝ որպես բազմազավակ ընտանիք. 11 հոգի ենք: Արկի պայթյունից տունը լրիվությամբ ավերվել էր: Չէինք հավատում, որ կարող ենք նորից քարը քարի վրա դնել ու նոր, վերանորոգված բնակարան ունենալ: Երկու ամսվա ընթացքում վերանորոգման բոլոր աշխատանքները կատարվել են և այսօր ապրում ենք բարեկեցիկ պայմաններ ունեցող մեր տանը»,- ասել է Ն. Պետրոսյանը:


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Ինչպե՞ս կկազմակերպվի երթևեկությունն այլընտրանքային ճանապարհով. Հայկ Խանումյանը մանրամասներ է ներկայացրել

«Արցախում աշխատանք կա». Ստեփանակերտում աշխատանքի տոնավաճառ է կազմակերպվել

ԱԽ գրասենյակը հայտնել է, թե ինչու է Բալասանյանը ՌԴ խաղաղապահների և Ադրբեջանի ներկայացուցիչների հետ այցելել Բերձոր

Մասնակի զորահավաքի վերաբերյալ տեղեկատվական շտաբը հանդես է եկել լրացուցիչ պարզաբանմամբ

Հայ–ադրբեջանական սահմանին հակառակորդի կրակոցից զինծառայող է վիրավորվել․ ՀՀ ՊՆ

Արայիկ Հարությունյանը մասնակի զորահավաքի ընթացքում զորակոչվածներին զորացրում կատարելու մասին հրամանագիր է ստորագրել

Ավարտվել են ավելի քան 4 ժամ տևած Պուտին-Էրդողան բանակցությունները. ընդունվել է համատեղ հայտարարություն

Կարմիր խաչի ներկայացուցիչներն այցելել են Բաքվում պահվող հայ գերիներին

Ստեփանակերտում բողոքի ակցիա է կազմակերպվել՝ Արցախի ժողովրդի անվտանգության պատշաճ ապահովման պահանջով

Search