ՍՏԵՓԱՆԱԿԵՐՏ, 30 հուլիսի, ԱՐՑԱԽՊՐԵՍ: Կարլսենը քառորդ եզրափակիչի երկու խաղերում էլ հաղթել է ֆրանսիացուն: Կիսաեզրափակիչում նրա մրցակիցը կլինի լեհ Յան-Քշիշտոֆ Դուդան, ով 1,5: 0,5 հաշվով հաղթել է հնդիկ Վիդիտ Գուջրատիին, փոխանցում է SHANTNEWS.am լրատվական կայքը:

Ավելի վաղ նշել էինք, որ կիսաեզրափակիչ է դուրս եկել նաև ռուս շախմատիստ Վլադիմիր Ֆեդոսեևը, ով հաղթել է իրանցի Ամին Տաբատաբաեին:  Ֆեդոսեևի մրցակիցը կիսաեզրափակչում կլինի Կարյակին- Շենքլանդ զույգի հաթղը: Այս դիմակայությունում առայժմ հաշիվը 1-1 է:

Տղամարդկանց աշխարհի գավաթի խաղարկությունը կավարտվի օգոստոսի 6-ին: Մրցաշարի ընդհանուր մրցանակային ֆոնդը 1.89 միլիոն դոլար է: Մրցաշարի լավագույն երկու շախմատիստները, բացառությամբ Կարլսենի, կստանան հավակնորդների մրցաշարի ուղեգրեր:

Հիշեցնենք, որ Աշխարհի գավաթի խաղարկությունում Հայաստանի ներկայացուցիչ Հայկ Մարտիրոսյանը 1/8 եզրափակչի թայ-բրեյքի երկրորդ պարտիայում պարտվեց Իրանի ներկայացուցիչ Ամին Տաբատաբայեին ու դուրս մնաց հետագա պայքարից։