Artsakhpress

Հասարակական

Քարահունջում հուշաղբյուր է բացվել՝ ի հիշատակ զոհված համագյուղացու

Արցախի Հանրապետության Մարտունու շրջանի Քարահունջ գյուղում, Արցախյան 3-րդ պատերազմում զոհված քարահունջեցի զինծառայող Անդրեյ Դանիելյանի հիշատակին նվիրված հուշաղբյուր է կանգնեցվել:

Քարահունջում հուշաղբյուր է բացվել՝ ի հիշատակ զոհված համագյուղացու

Քարահունջում հուշաղբյուր է բացվել՝ ի հիշատակ զոհված համագյուղացու
ՍՏԵՓԱՆԱԿԵՐՏ, 30 հուլիսի, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ հուշաղբյուրի բացմանը, որը տեղի է ունեցել հուլիսի 29-ին, հերոսի հարազատները, համագյուղացիներն ու մարտական ընկերները ծաղիկներ են խոնարհել նրա շիրիմին և հարգանքի տուրք մատուցել: Հուշաղբյուրի բացման պատիվը տրվեց Քարահունջի դպրոցականներ՝ Կարեն Լալայանին և Թամարա Ղահրամանյանին:
 
«Հուշաղբյուրը կառուցվել է Մարտունու շրջվարչակազմի ղեկավար Էդիկ Ավանեսյանի և համայնքի ղեկավար Արսեն Ղահրամանյանի միահամուռ ջանքերով. աշխատանքներին ակտիվ մասնակցել են գյուղի երիտասարդները, ովքեր նույնպես մասնակցել են 44-օրյա պատերազմին: Անդրեյը կյանքից շատ էր սիրում հայրենիքը: Նա կռվեց մինչև իր արյան վերջին կաթիլը և ընկավ քաջի մահով: Մենք երախտապարտ ենք մեր հերոսին»,- մեզ հետ զրույցում նշեց գյուղի ակումբավար Սուսաննա Դանիելյանը: Հերոսի մարտական ընկերները մեծ հպարտությամբ են խոսում նրա մասին՝ հիշելով միասին անցկացրած լավ ու վատ օրերը, պատերազմի դաժան պահերն ու հերոսական դրվագները:
 
«Անդրեյը, պատերազմի առաջին օրերից, նետվել է մարտի դաշտ. կռվել է Ջաբրայիլում, Հադրութում: Ինքնակամ մասնակցել է Տողի ինքնապաշտպանական մարտերին, որտեղ շնորհիվ պրոֆեսիոնալիզմի, իր զինվորներին մի քանի անգամ դուրս է բերել շրջափակումից, և հենց այդ ժամանակ էլ ստացել է լեյտենանտի կոչում: Ջաբրայիլում մարտնչելու ժամանակ, երբ իր երեք զինակից ընկերների հետ գտնվում էր խրամաբջջում, հրետանու և դիպուկահարի կրակից ընկերներից մեկը վիրավորվում է: Անդրեյը կրակահերթի տակ առաջին բուժօգնություն է ցուցաբերել զինվորին, այնուհետև ոչնչացրել դիպուկահարին, ինչի շնորհիվ կարողացել են վիրավորին դուրս բերել ռազմադաշտից և փրկել կյանքը: Նրա մարտական ոգին միշտ բարձր էր: Դժբախտաբար, նոյեմբերի 1-ին Անդրեյը զոհվեց Մարտունու շրջակայքում՝ Գուրուչուխ կոչվող տարածքում: Զուսպ ու հավասարակշռված էր, հայրենասեր և ընկերասեր, ժպիտը միշտ անպակաս էր իր դեմքից, հարգված էր ընկերական շրջապատում: Մենք միշտ վառ կպահենք մեր մարտական ընկերոջ հիշատակը»,- նշել է մարտական ընկեր Սերգեյ Բալասանյանը՝ նշելով, որ Անդրեյը հայրենիքի փրկությունը վեր դասելով իր կյանքից՝ նետվեց մարտադաշտ և ընկավ իմացյալ մահով:
 Բնութագրությունը հասանալի չէ
Հուշաղբյուրի բացման արարողությանը ներկա էին Մարտունու շրջվարչակազմի ղեկավար Էդիկ Ավանեսյանը, տեղակալ Վադիմ Դանիելյանը, շրջվարչակազմի աշխատակազմի կրթության և սպորտի բաժնի վարիչ Անի Խաչատրյանը, «Մարտունու շրջանային բուժմիավորում» ՓԲԸ գործադիր տնօրեն Ռուբեն Բաղդասարյանը, հերոսի հարազատները, մարտական ընկերներն ու համագյուղացիները:
Բնութագրությունը հասանալի չէ
Լուսանկարները՝ Ամարաս թերթի

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Էլեկտրաէներգիայի սակագների փոփոխության վերաբերյալ որոշումն ուժը կորցրած է ճանաչվել. Հայկ Խանումյան

Ադրբեջանական սադրանքի հետևանքով հայկական կողմն ունի 3 զոհ․ ՀՀ ՊՆ

Ադրբեջանական ԶՈՒ-ին Վարդենիսի ուղղությամբ հաջողվել է գրավել մի քանի մարտական դիրք. ՀՀ ԳՇ պետի տեղակալ

Ռուսական ուժերը ոչնչացրել են «Բայրաքթար» դրոնների կառավարման վերերկրյա կայանը

ՀայՓոստ նշած բոլոր շահառուների դրամական աջակցության փոխանցումները կատարվել են. ԱՀ բնակարանային հարցերի կոմիտե

Ադրբեջանի ԶՈւ-ն ականանետերի և խոշոր տրամաչափի հրաձգային զինատեսակների կիրառմամբ կրակ է բացել հայ-ադրբեջանական սահմանի արևելյան ուղղությամբ

Սեպտեմբերի 27-ին ժամը 11:00-ին Ստեփանակերտում կհայտարարվի Լռության րոպե, կկայանա Խաչերթ

Արցախյան «Հաթերք ֆուդ»-ը ոսկե մեդալի է արժանացել Լոնդոնում կայացած հեղինակավոր մրցույթում

Ջավախքում բեռնատարների կուտակումները խանգարում են բերքահավաքին

Search