ՍՏԵՓԱՆԱԿԵՐՏ, 17 հունիսի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին նախօրեին Խորհրդարանում կայացած 2019 թ.-ի պետական բյուջեի կատարման տարեկան հաշվետվության քննարկմանն ասել է ԱՀ կրթության, գիտության և մշակույթի նախարար Լուսինե Ղարախանյանը և ավելացրել, որ, ընդհանուր առմամբ, ծախսվել է 112 միլիոն 755 հազար 800 դրամ կամ 96.5%-ը:

Նախարարի խոսքով՝ 2019 թ. ԱՀ պետական բյուջեով նախատեսված միջոցներով նպատակային ծրագրեր են իրականացվել հանրապետությունում մշակութային կյանքի զարգացման ու աշխուժացման, գեղարվեստական կրթության կատարելագործման, մշակութային ժառանգության պահպանման ու հանրահռչակման, մշակությաին կապերի ընդլայնման ու միջազգային համագործակցության զարգացման ուղղությամբ:

Պետբյուջեի կատարողականին, ըստ առանձին ոլորտների Լ. Ղարախանյանը ներկայացրել է իրականացված ծրագրերը:

Այսպես՝ «ՀՀ և արտերկրի հետ համագործակցություն» ծրագրին հատկացվել է 13 միլիոն  603 հազար դրամ: «Արցախի շնորհալի և տաղանդավոր երեխաների ստեղծագործական կարողությունների զարգացում» ծրագրի ծախսերը կազմել են 6 միլիոն 830 հազար դրամ: «Արցախի շրջաններում մշակույթի զարգացում» ծրագրի համար էլ հատկացվել է 3 միլիոն 374 հազար 800 դրամ: Ծրագիրը միտված  Արցախի շրջաններում նպատակային մշակութային քաղաքականության իրաանացմանը, մշակութային կյանքի աշխուժացմանը, խթանմանն ու զարգացմանը:

Նախարարը նշել է, որ Արցախի շրջաններում մշակութային կյանքի աշխուժացման նպատակով բաժինը մշտապես ուշադրության կենտրոնում է դարձնում նաև շրջաններում թատերահամերգային կոլեկտիվների հյուրախաղերի կազմակերպման աշխատանքներին: «Կենտրոնացված հյուրախաղերի կազմակերպում» ծրագրին հատկացվել է 6 միլիոն դրամ: Ծրագրի շրջանակներում կազմակերպվել են համերգային շրջագայություններ և հյուրախաղեր ինչպես Արցախում, այնպես էլ Հայաստանում:

«Թատերահամերգային կազմակերպությունների և անհատ կատարողների հյուրախաղերը ՀՀ-ում ու արտերկրում» ծրագրին հատկացվել է  10 միլիոն դրամ: «Նոր համերգային ծրագրերի և թատերական բեմադրությունների պատվիրում» ծրագրին էլ հատկացվել է 19 միլիոն 560 հազար դրամ: «Տոնական և հիշատակի միջոցառումների կազմակերպում» ծրագրին էլ հատկացվել է 13 միլիոն 820 հազար 820 դրամ: «Թանգարանային գործի զարգացման» ծրագրի շրջանակներում կատարվել են մի շարք աշխատանքներ: Ծրագրի համար հատկացվել է 4 միլիոն 958 հազար դրամ:

«Ցուցահանդեսների, ցուցադրությունների կազմակերպում» ծրագրին էլ հատկացվել է 1 միլիոն 962 հազար դրամ: «Ցուցանմուշների ձեռքբերման ծախսեր» ծրագրին էլ հատկացվել է 4 միլիոն 490 հազար դրամ: «Արցախում մշակութային նախագծեր» ծրագրին էլ հատկացվել է 1 միլիոն 940 հազար դրամ: «Մեթոդական և մասնագիտական օգնության միջոցառումներ» ծրագրին հատկացվել է 4 միլիոն 459 հազար դրամ: «Համատեղ նախագծեր» ծրագրին հատկացվել է 21 միլիոն 154 հազար 480 դրամ: «Մշակութային ժառանգության պահպանում և մշակութային ինքնության վերարտադրություն» ծրագրին հատկացվել է 3 միլիոն 270 հազար 900 դրամ: «Հրատարակչական ծախսեր» ծրագրին հատկացվել է 4.5 միլիոն դրամ: «Կենտրոնացված կարգով գույքի՝ երաժշտական գործիքների և հագուստի ձեռքբերում» ծրագրին հատկացվել է 20 միլիոն դրամ:

ԿԳՄ նախարարը պատասխանել է նաև պատգամավորների բարձրացրած հարցերին: