Tert.am-ը ՀՀ արտակարգ և լիազոր դեսպան, Արցախի նախկին արտգործնախարար Արման Մելիքյանի հետ զրուցել է Արցախի հետընտրական գոործընթացների մասին:
Անվավեր քվեաթերթիկները կարող են լինել Արցախի նախագահական ընտրությունների 2-րդ փուլն ապահոված գործոն, պետք է տեսնել, թե ում օգտին են եղել դրանցում առկա, բայց անվավեր ճանաչված քվեները. Արման Մելիքյան
ՍՏԵՓԱՆԱԿԵՐՏ, 2 ապրիլի, ԱՐՑԱԽՊՐԵՍ: Նա նշում է, որ գոնե առերևույթ տեղի է ունենալու ռուսական ու արևմտյան կողմնորոշման կրողների քաղաքական մրցավեճ, որի ելքը կանխորոշված է: Կանխորոշված է նաև խորհրդարանական ընտրությունների արդյունքներով՝ Արայիկ Հարությունյանն իր պոտենցիալ դաշնակիցների հետ միասին արդեն իսկ ունի մեծամասնություն խորհրդարանում:
- Առիթն օգտագործելով՝ հիշեցնեմ, որ ԽՍՀՄ փլուզումից ի վեր ընտրությունների միջոցով հայկական իշխող վերնախավերի փոփոխություն երբևէ տեղի չի ունեցել: Մեզանում ընտրությունները իշխող վերնախավի իշխանության պահպանումը լեգիտիմացնելու անխափան գործիք են: Իշխող վերնախավի փոփոխության երկու դեպք ունենք միայն՝ 1998թվականին Լևոն Տեր-Պետրոսյանի հրաժարականի և դրանից 20 տարի անց՝ 2018 թվականին Նիկոլ Փաշինյանի գլխավորած համազգային փողոցային ընդվզման արդյունքում:
Արցախյան այս ընտրությունները իմ կողմից հիշատակված օրինաչափության դրսևորում կարող ենք համարել: Ինչ վերաբերում է նրան, որ նախագահական ընտրությունների երկրորդ փուլում մրցակցելու են Արայիկ Հարությունյանն ու Մասիս Մայիլյանը, ապա այս տարբերակն ավելի ինտրիգային ու դիտարժան է առավելապես այն պատճառով, որ մրցակիցները ներկայացվում են որպես տարբեր արտաքին քաղաքական կողմնորոշում ունեցող գործիչներ և, այսպիսով, գոնե առերևույթ տեղի է ունենալու ռուսական ու արևմտյան կողմնորոշման կրողների քաղաքական մրցավեճ, որի ելքը կանխորոշված է: Կանխորոշված է նաև խորհրդարանական ընտրությունների արդյունքներով՝ Արայիկ Հարությունյանն իր պոտենցիալ դաշնակիցների հետ միասին արդեն իսկ ունի մեծամասնություն խորհրդարանում:
- Մասիս Մայիլյանի քաղաքական ուժը՝ «Նոր Արցախ» դաշինքը խորհրդարան չանցավ: Սա ինչո՞վ կպայմանավորեք, երբ թեկնածուն երկրորդ տեղում է նախագահի ընտրություններում, իսկ նրա քաղաքական ուժը խորհրդարանական ընտրություններում անցողիկ շեմը չի հաղթահարում:
- Սա կարելի է պատճառաբանել նրանով, որ Մասիս Մայիլյանի նախագահական քվեներն ապահովվել են հիմնականում Սամվել Բաբայանի կուսակիցների և աջակիցների շնորհիվ, թեև ինքս այս արդյունքը մեր ընտրական «ավանդույթի» ուրույն դրսևորման ձևը կհամարեի:
- Պարոն Մելիքյան, դեռ չի չեզոքացել կորոնավիրուսի վտանգը, ընտրությունների երկրորդ փուլն էլ ապրիլի 14-ին է, այս իմաստով վտանգ կա՞, թե՞ ոչ:
- Չգիտեմ, թե ինչպիսի նոր քաղաքական հանգամանքներ պետք է ի հայտ գան, որ ի զորու լինեն խախտելու Արցախում առկա կորոնավիրուսային ստերիլությունը: Համենայն դեպս, մեր սիրելի արցախցի հայրենակիցները թող անվերապահորեն պահպանեն անձնական հիգիենայի կանոնները՝ գուցե հաջողվի Արցախում առհասարակ խուսափել աշխարհը պատած կորոնավիրուսային ցավից:
- Անվավեր քվեաթերթիկների թիվը կազմել է 2625, այստեղ որևէ խնդիր տեսնո՞ւմ եք:
- Սա հատուկ ուսումնասիրություն պահանջող հարց է: Ամեն դեպքում այդ քվեաթերթիկները նախագահական ընտրությունների երկրորդ փուլն ապահոված գործոն կարող են լինել, պետք է տեսնել, թե կոնկրետ ում օգտին են եղել դրանցում առկա, բայց ինչ-ինչ պատճառներով անվավեր ճանաչված քվեները:
- ՀՀ միջամտություն կա՞ր արցախյան ընտրություններին:
-Եթե անգամ այն եղել էլ է, ապա, գոնե արտաքուստ, նկատելի չէր: