Artsakhpress

Հասարակական

Հանրապետության բուժհիմնարկներում կատարվել է 6840 վիրահատություն. Արայիկ Բաղրյան

2019 թվականին հանրապետության բուժհիմնարկներում արձանագրվել է շուրջ 511 հազար ամբուլատոր հաճախում՝ 2018 թվականի նույն ժամանակահատվածի 510 հազարի դիմաց:

Հանրապետության բուժհիմնարկներում կատարվել է 6840 վիրահատություն. Արայիկ Բաղրյան

Հանրապետության բուժհիմնարկներում կատարվել է 6840 վիրահատություն. Արայիկ  Բաղրյան
ՍՏԵՓԱՆԱԿԵՐՏ, 24 հունվարի, ԱՐՑԱԽՊՐԵՍ։ «Արցախպրես»-ի  թղթակցի  հաղորդմամբ՝   այս  մասին     այսօր՝  հունվարի  24-ին  կայացած    մամլո  ասուլիսի   ժամանակ  ասել է  ԱՀ  առողջապահության  նախարար   Արայիկ  Բաղրյանը՝  նշելով, որ  հիվանդանոցային բուժօգնություն է ստացել ավելի քան 20.000 մարդ, 2018 թվականի՝  19.200-ի դիմաց:
 
Նրա  խոսքով՝  բնակչության լիարժեք բուժսպասարկման համար 2019 թվականին  կատարվել են  285  հազար  610 լաբորատոր-գործիքային և  38  հազար  597 դժվարամատչելի    հետազոտություններ,  դրանք  2018 թվականին կազմել են  համապատասխանաբար 295   հազար  209  և 32  հազար  219 հետազոտություն:
 
«Հիվանդությունների վաղ հայտնաբերման ուղղությամբ իրականցվել են մի շարք հետազոտություններ, այդ թվում՝  թոքային ախտահարումների բացահայտման նպատակով 19.638   ֆլյուորոգրաֆիկ,  արգանդի վզիկի քաղցկեղի բացահայտման նպատակով 583  հիստոլոգիական,  կրծքագեղձի քաղցկեղի բացահայտման նպատակով՝  2304  մամոգրաֆիկ,  ոսկրանյութի խտությունը որոշելու համար՝  739 դենսիտոմետրիկ, 38 597՝  դժվարամատչելի հետազոտություններ,  համակարգչային շերտագրիչի միջոցով  ստուգվել  է  3127 անձ,   մագնիսառեզոնանսային տոմոգրաֆիայի միջոցով՝     1318  անձ,  կատարվել  է   355
կորոնարոգրաֆիա  և 226  ստենտավորում:  Հաշվետու տարում հանրապետության բուժհիմնարկներում կատարվել է 6840 վիրահատություն, որից ստացիոնար՝ 5240 և ամբուլատոր՝ 1600»,-ավելացրել    է  նախարարը։  
 
 
 
Նա   ասել  է  նաև, որ  ամենամյա առողջապահական պետական նպատակային ծրագրերի շրջանակներում շարունակվել է բնակչության առողջության առաջնային պահպանման ապահովումը: Իրականացվել են առաջնային բուժօգնության որակի բարձրացմանն ուղղված միջոցառումներ` հատուկ ուշադրություն դարձնելով գյուղական բնակչության կարիքներին: Առաջնային բուժօգնության օղակի աշխատանքները լիարժեք իրականացնելու նպատակով  «Գյուղական բնակչության մասնագիտացված բուժօգնության կազմակերպում»  ծրագրի շրջանակներում շրջանային բուժհիմնարկների կողմից կազմակերպվել է 403 գյուղական այց, որի արդյունքում կատարվել են բնակչության մասնագիտացված բժշկական խորհրդատվություններ:
 Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -41-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Search