Artsakhpress

Հասարակական

Ասկերան քաղաքն արժանացել է «Որակի նշան» մրցանակի

Նոյեմբերի 14-ին Երևանի Առնո Բաբաջանյան համերգասրահում կայացած Հայաստան-Արցախ-Սփյուռք համահայկական ամսագրի «Որակի նշան 2019» մրցանակաբաշխությանը «ԷՅ-ԷՅ-ԴԻ Փաբլիշինգ» ՍՊԸ-ի կողմից «Որակի նշան» անվանակարգում պարգևատրվել է Ասկերանի քաղաքապետ Սամվել Աղաջանյանը:

Ասկերան քաղաքն արժանացել է «Որակի նշան» մրցանակի

Ասկերան քաղաքն արժանացել է «Որակի նշան» մրցանակի
ՍՏԵՓԱՆԱԿԵՐՏ, 19 նոյեմբերի, ԱՐՑԱԽՊՐԵՍ։ «Արցախպրես»-ի թղթակցի հետ զրույցում Սամվել Աղաջանյանն ասել է, որ մրցանակը հանձնվել է համայնքի վերաբնակեցման, բարեկարգման և իրականացված մի շարք բարեփոխումների համար:
 
«Մրցանակաբաշխության մասին մեզ տեղեկացրել էին միջոցառումից մի քանի օր առաջ, ինչը մեզ համար անակնկալ էր: Սա ոգևորիչ և, միաժամանակ, պարտավորեցնող մրցանակ է, որպեսզի օրեցօր էլ ավելի զարգացնենք մեր քաղաքը և բարեկարգման աշխատանքները շարունակենք ավելի մեծ թափով: Կարծում եմ՝ «Որակի նշան» անվանակարգում հանձնված մրցանակը խթան կհանդիսանա, որպեսզի Ասկերանում ապրող յուրաքանչյուր քաղաքացի իր նպաստը բերի քաղաքի զարգացմանը»,- նշել է Ս. Աղաջանյանը:
 
Նշենք, որ «Որակի նշան» մրցանակաբաշխության նպատակը իրենց գործունեությամբ աչքի ընկած լավագույն կազմակերպություններին և անհատներին խրախուսական մրցանակներ հանձնելն ու խրախուսելն է: Այն ձևաչափ է՝ գնահատելու տնտեսության, առողջապահության, կրթության, հանրային կառավարման ոլորտներում մասնագիտական բարձր պատրաստվածություն ցուցաբերած անձանց հետևողական աշխատանքը, պրոֆեսիոնալիզմը, սոցիալական պատասխանատվությունը, պարտաճանաչությունը և տնտեսության զարգացման գործում ունեցած անգնահատելի ավանդը:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Կորոնավիրուսային վարակի նոր օջախ է հայտաբերվել Ստեփանակերտ քաղաքում

Կորոնավիրուսային վարակը հաստատվել է ևս 3 քաղաքացու մոտ

Յուրաքանչյուր ընտանիքի առանձին բնակարան ծրագիրը կմեկնարկի գալիք տարվա հունվարին. Արայիկ Հարությունյան

COVID-19֊ը հաստատվել է Ստեփանակերտի ևս 1 բնակչի մոտ. ընդհանուր դեպքերի թիվը 115 է

Նախագահը հաստատել է կառավարության որոշումներ

Ջալալ Հարությունյանն ընդունել է ծառայողական հետագա առաջխաղացման ներկայացված մի շարք սպաների

Սերգեյ Լևոնի Գրիգորյանը նշանակվել է Արցախի Հանրապետության Նախագահի ներկայացուցիչ՝ հատուկ հանձնարարությունների գծով

Ընթացիկ տարվա հուլիսի 1-ից սոցիալական վճարների հաշվարկման օբյեկտի առավելագույն ամսական շեմը կփոխվի

Արայիկ Հարությունյանը պետական բարձր պարգևներ է հանձնել ԱՀ քննչական կոմիտեի մի խումբ աշխատակիցների

Search