Կերարտադրության ոլորտի աճման տեմպերը պետք է երկու անգամ առաջ ացնեն անասնաբուծության զարգացման տեմպերից, որպեսզի մենք ունենաք կերային կայուն բազա:
Հանրապետությունում անհրաժեշտ է ընդլայնել կերային կայուն բազայի հնարավորությունները. ոլորտի մասնագետ
ՍՏԵՓԱՆԱԿԵՐՏ, 4 հոկտեմբերի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է Հայաստանի ազգային ագրարային համալսարանի դասախոս Ռուդիկ Նազարյանը, ով այսօր մասնակցել է Շուշիում կազմակերպված «Գյուղատնտեսության ներկան և ապագան» խորագրով գիտագործնական կոնֆերանսի երկրորդ փուլին:
Նրա խոսքով՝ անասնաբուծության զարգացման և դրա արտադրանքի ծավալների ավելացման համար յուրաքնչյուր երկրում պետք է ապահովված լինի կայուն կերի բազան:
«Կախված բնակլիմայական պայմաններից լինում են տարիներ, որ անսանակերերի պակասի լուրջ խնդիր ենք ունենում, և ներկրման գործընթացը ցույց է տալիս, որ տեղական արտադրանքի տեսանկյունից ինքնաբավ չենք: Ներկրումն ու արտահանումը հիմնականում պայմանավորված է առաջարկվող պահանջարկով և գնային տարբերություններով: Եթե մենք տեղում ունենանք մրցունակ գներ, բնականաբար, չենք ներկրի: Առանց համապատասխան կերային բազայի մենք չենք կարող ստանալ բարձրորակ անասնաբուծական արտադրանք: Նշեմ նաև, որ կայուն կերային բազա չունենալու դեպքում լինում են նաև հարկադիր սպանդեր: Ցավոք սրտի, առայժմ ՀՀ-ում և ԱՀ-ում չունենք ձևավորված խոշոր ֆերմերային տնտեսություններ, որոնք հիմնականում պետք է զբաղվեն դաշտային ցանովի կերերի արտադրությամբ: Կերային արտադրության ոլորտում ինքնաբավության հասնելու համար ՀՀ-ում գործում է մի շարք պետական օժանդակության ծրագրեր՝ այդ թվում ֆերմերներին տրամադրվող մատչելի վարկերը: Համոզված եմ, որ եթե պետական նույն օժանդակությունը լինի ԱՀ-ում, այստեղ հնարավոր կլինի խնդրին լուծում տալը: Հանրապետությունում անհրաժեշտ է ընդլայնել կերային կայուն բազայի հնարավորությունները»,-մասնավորապես ավելացրել է Ռ. Նազարյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -32-:
