Եվրոպայի ֆիզիկների միության («European Physical Society») նախաձեռնությամբ Գերմանիայում կազմակերպվել է «Young Minds» խմբերի 6 ամիսների կատարած աշխատանքների ամփոփիչ մրցույթ, որին մասնակցել է նաև «Artsakh Young Minds»-ը:
«Artsakh Young Minds» խումբն արժանացել է լավագույն տիտղոսի
ՍՏԵՓԱՆԱԿԵՐՏ, 28 մայիսի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է «Artsakh Young Minds»-ի ղեկավար, «Դասավանդի՛ր, Հայաստան» ծրագրի անդամ, ֆիզիկայի ուսուցիչ Արա Հարությունյանը:Մրցույթին մասնակցել են 15 պետության 30 ներկայացուցիչներ:
Ա. Հարությունյանի խոսքով՝ «European Physical Society»-ին կից աշխարհի տարբեր երկրներում գործում է «Artsakh Young Minds» խմբեր, որի անդամները մրցույթի ժամանակ ներկայացրել են իրենց խմբի լավագույն աշխատանքների ցուցադրությունը: «Young Minds»-ի նպատակն է երիտասարդության շրջանում ակտիվություն և հետաքրքրություն մտցնել ֆիզիկա առարկայի նկատմամբ:
«Ժյուրիի անդամները շատ գոհ էին մեր ցուցադրած աշխատանքներից. մրցույթում մեր թիմը նրանց կողմից արժանացել է լավագույն տիտղոսի»,-նշել է Ա. Հարությունյանը:
Խոսելով «Artsakh Young Minds»-ի մասին՝ մեր զրուցակիցն նաև ասել է, որ մոտ 6 ամիս առաջ Արցախում ևս ստեղծվել է «Young Minds» խումբ, որի շրջանակներում իրականացվել է մի շարք ծրագրեր: Մայիսի 13-ին կազմակերպել են նաև համաարցախյան ֆիզիկայի «Բրեյն-ռինգ» խաղ-մրցույթի եզրափակիչ փուլը: Ամռանը նախատեսվում է երեխաների այցելություն Բյուրական: «Artsakh Young Minds»-ն ունի ֆեյսբուքյան էջ, որտեղ պարբերաբար ներկայացվում են կատարված աշխատանքները:
