Artsakhpress

Հարցազրույց

100-ամյակդ շնորհավո՛ր, հարգելի՛ գործընկեր. «Արմենպրես»-ն ամփոփում է մեկդարյա գործունեությունը

Այսօր լրանում է «Արմենպրես» լրատվական գործակալության հիմնադրման 100-ամյակը:

100-ամյակդ շնորհավո՛ր, հարգելի՛ գործընկեր. «Արմենպրես»-ն ամփոփում է մեկդարյա գործունեությունը

100-ամյակդ շնորհավո՛ր, հարգելի՛ գործընկեր. «Արմենպրես»-ն ամփոփում է մեկդարյա գործունեությունը
ՍՏԵՓԱՆԱԿԵՐՏ, 18 դեկտեմբերի, ԱՐՑԱԽՊՐԵՍ: Մեկդարյա գործունեության ընթացքում հայկական լրատվադաշտի նահապետը միշտ գտնվել է իր բարձրության վրա՝ պահելով լրատվամիջոցին հատուկ անկողմնակալ և պրոֆեսիոնալ գործունեության բոլոր սկզբունքները:
«Արցախպրես» լրատվական գործակալության ողջ թիմը ջերմորեն շնորհավորում է «Արմենպրես»-ի իր գործընկերներին՝ գործակալության տնօրեն Արամ Անանյանի գլխավորությամբ, եւ մաղթում արդյունավետ աշխատանք ու բարի երթ դեպի նոր հարյուրամյակներ: Մեկ անգամ ևս արձանագրում ենք, որ հիմնադրման օրվանից «Արցախպրես»-ը իր թիկունքում մշտապես զգացել է «Արմենպրես»-ի գործուն աջակցությունը՝ ինչպես գործակալության կայացման, այնպես էլ Արցախի մասին լրատվությունը աշխարհով մեկ սփռելու առումներով:
Տոնի կապակցությամբ ստորև ներկայացնում ենք  «Արմենպրես» լրատվական գործակալության տնօրեն Արամ Անանյանի հետ մեր հարցազրույցը:
-Պարո՛ն Անանյան, նախ շնորհավորում ենք Ձեզ «Արմենպրես» լրատվական գործակալության 100-րդ տարեդարձի կապակցությամբ։ Ի՞նչ եք կարծում, ի՞նչ նշանակություն ունի տարիքը լրատվամիջոցի համար:
-Մեր գործակալության համար հարյուրամյա հոբելյանը առավելապես ապագային նայելու առիթ ու հնարավորություն է։ Լրատվական գործակալությունները եղել եւ մնում են լրատվական դաշտի ամենապահանջված ձեւաչափը։ Թե՛ մեկ հարյուրամյակ առաջ, թե՛ այսօր մեր առաքելությունն է տեղեկատվության հավաստի, օպերատիվ պատրաստումը։ Ներկա ժամանակներում տեղեկատվական ձևաչափերը շատ արագ են փոփոխվում, զարգանում, իսկ այսօրվա մեդիա սպառումը եւ մեդիա արտադրությունը շատ ավելի են տարբերվում անցյալից։ Այս առումով է, որ գործակալության տարիքն ուղղակի պայմանականություն է դառնում։ Ժամանակակից աշխարհում գործակալությունները պետք է չկորցնեն ժամանակի զարկերակը։ Անկախ անցած ճանապարհից՝ դա հեշտ մարտահրավեր չէ։
-Հետաքրքիր է, արդյո՞ք «Արմենպրես»-ն ունի ավանդույթներ, որոնք պահպանվել են գործակալության ձևավորման օրից մինչև այսօր:
- Կարծում եմ՝ ամենակարևոր ավանդույթը հավաստի լրատվության աղբյուր լինելու նշաձողը պահպանելն է։ Մյուս կարևոր ավանդույթը հարգանքն է մեր բաժանորդների ու ընթերցողների նկատմամբ։ Ընթերցողն ու մեր բաժանորդներն են մեր ուժը։ Կարևոր է նաև շարունակաբար ինքնակատարելագործվելու հրամայականը։
Իմ գործընկերները սիրում են կատակել, թե չկա նախկին արմենպրեսական, եւ այդ ասածի մեջ ավելի շատ ճշմարտություն կա, քան առասպել։ Մենք տեսնում ենք այն կապվածությունը, որ կա գործակալության եւ մեր վետերանների, ներկայիս գործընկերների, նաեւ «ժամանակավորապես նախկին» գործընկերների մոտ, ինչու ժամանակավորապես, որովհետեւ շատ շատերը վերադառնում են. 100-ամյակն այդ առումով ավելի շատ յուրաքանչյուր արմենպրեսականի տոնն է։ Այսօր էլ «Արմենպրես»-ը ոչ միայն կադրերի դարբնոց է, այլեւ վայր, որտեղ լրագրողները կարողանում են իրենց մասնագիտորեն ինքնաիրացված զգալ։
- Հե՞շտ է լինել պետական լրատվական գործակալություն և մշտապես պահել անկողմնակալության սկզբունքը։
-Այդ հարցը մեզ շատ հաճախ են տալիս։ Մենք չենք հակադրում պետական կարգավիճակը լրագրության լավագույն չափանիշների հետ։ Պետության շարունակական հոգածությունը գործակալության նկատմամբ զգում ենք ու գիտացում ենք, որ «Արմենպրես»-ի կատարած աշխատանքը կարևոր է եւ մեծապես գնահատված: Որպես պետական գործակալություն՝ հասկանում ենք, որ ներկա մեդիամիջավայրում մրցակցությունը չի թուլանալու. եւ, անկախ «Արմենպրեսի» սեփականության ձևից, պետք է լինենք թե՛ օպերատիվ, թե՛ հավաստի։
-Որո՞նք են այսօր գործակալության առջև եղած խնդիրները։ Առաջիկայում ի՞նչ ծրագրեր եք նախատեսում իրականացնել:
-Ծրագրերը շատ են, ու տարին հագեցած է լինելու «Արմենպրեսի» հարյուրամյա հոբեյլանին նվիրված միջոցառումներով, որոնց նպատակը լինելու է ոչ միայն անցյալի նվաճումների ու պատմության մասին խոսելը, որքան դեպի ապագան արժեորումներ կատարելը։ Անելիքները, իսկապես, շատ են, դրանք վերաբերում են թե՛ բովանդակության հարստացմանը, թե՛ տեխնոլոգիական առաջընթացից հետ չմնալուն, թե՛ մասնագիտական նորանոր նախաձեռնությունների իրականացմանը։
-2015 թվականին համագործակցության հուշագիր է կնքվել «Արմենպրես» եւ «Արցախպրես» լրատվական գործակալությունների միջև։ Ինչպե՞ս կգնահատեիք համատեղ աշխատանքի մակարդակը:
-«Արմենպրես»-ի եւ «Արցախպրես»-ի համագործակցությունը սկզբնավորել է այդ հուշագրի ստորագրումից շատ առաջ։ Այս առումով հուշագիրը ավելի շուտ ամրագրեց արդեն իսկ ձևավորված հարաբերություններն ու համագործակցությունը։ Եվ դա բնական է, մեր համագործացկությունը վաղուց արդեն ավելի լայն ու համընդգրկուն է, քան սահմանված է հուշագրում։ Հաջող համագործակցության օրինակները շատ են, դեռ 2016-ին մեր երկու գործակալությունները և Արցախի ժուռնալիստների միությունը համատեղ անցկացրեցին Արցախի երիտասարդ լրագրողների ուսուցման ծրագիր։ Վստահաբար, առաջիկայում էլ մի քանի համատեղ նախագծեր կյանքի կկոչենք։                                                                     
Հարցազրույցը՝ Անի Ավանեսյանի

     

Քաղաքական

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր

Ֆրանսիայի Ազգային ժողովի Ֆրանսիա-Հայաստան բարեկամական խմբի ղեկավար Անն-Լորանս Պետելի գլխավորած պատվիրակությունը մարտի 27-ին այցելել է Հայոց ցեղասպանության հուշահամալիր՝ ՀՀ ԱԺ Հայաստան-Ֆրանսիա բարեկամական խմբի ղեկավար Վլադիմիր Վարդանյանի և ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիի ուղեկցությամբ:

ՀՀ-ի և ԵՄ-ի միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար. «Հայաստանի բարեկամներ» ցանցի զեկույցը

Հայաստանի և Եվրոպական միության միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար։

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

Search