Artsakhpress

Քաղաքական

Արցախի ԱԺ պատվիրակությունը ընտրությունների ընթացքը ՀՀ ընտրական օրենսգրքի և ժողովրդավարության սկզբունքներին խիստ համապատասխան է համարում

Արցախի խորհրդարանական պատվիրակությունը Հայաստանում է` դիտորդական առաքելություն իրականացնելու դեկտեմբերի 9-ին կայացող Ազգային ժողովի ընտրություններին:

Արցախի ԱԺ պատվիրակությունը ընտրությունների ընթացքը ՀՀ ընտրական օրենսգրքի և ժողովրդավարության սկզբունքներին խիստ համապատասխան է համարում

Արցախի ԱԺ պատվիրակությունը  ընտրությունների ընթացքը ՀՀ ընտրական օրենսգրքի և ժողովրդավարության սկզբունքներին խիստ համապատասխան է համարում

ՍՏԵՓԱՆԱԿԵՐՏ, 9 դեկտեմբերի, ԱՐՑԱԽՊՐԵՍ: Արցախի Հանրապետության «Ազատ Հայրենիք» կուսակցության գրասենյակի տնօրեն, Արցախի Ազգային ժողովի «Հայրենիք» խմբակցության ղեկավար Արթուր Թովմասյանն ասաց, որ Արցախից ժամանած պատվիրակության կազմում ութ պատգամավոր է: «Մինչ երեկոյան ժամը 20:00-ը մենք շրջելու ենք ընտրատեղամասերում: Մեր պատվիրակության անդամները վաղ առավոտից արդեն եղել են Դավթաշենի, Ավանի, Էջմիածնի ընտրատեղամասերում: Օրվա երկրորդ կեսին կլինենք Էրեբունիում, նաև մարզերում»,- ասաց նա՝ հավելելով, որ ընտրատեղամասերը ընտրում են պատահականության սկզբունքով:

Թովմասյանը նշեց, որ Հայաստանում ընտրությունների ընթացքը բավարար են գնահատում: «Մինչ այս պահը որևէ խախտում չենք արձանագրել: Կարևորն այն է, որ ընտրողների աչքերում երջանկություն կա»,- ընդգծեց նա:

Արցախի խորհրդարանական պատվիրակության ղեկավարը նշեց, որ այս համապետական ընտրությունները ՀՀ պետականաշինության առաջնային խնդիրներից մեկն են, և այս պահին կարելի է միանգամայն ասել, որ ընտրություններն ընթանում են ՀՀ ընտրական օրենսգրքի և ժողովրդավարության սկզբունքներին խիստ համապատասխան:

«Ժողովրդին է տրված որոշելու, որն է լինելու երկրի առաջատար քաղաքական ուժն ու ով է լինելու առաջնորդը՝ վարչապետի կարգավիճակով»,- ասաց նա:

Արթուր Թովմասյանն ասաց, որ իրենց պատվիրակությունը Հայաստանում Արցախի Հանրապետության դեսպանի ուղեկցությամբ կհանդիպի նաև ՀՀ նախագահ Արմեն Սարգսյանի հետ: «Նախագահին ներկայացնելու ենք մեր դիտորդական առաքելության արդյունքները: Նշելու ենք, որ մարդիկ ոգևորված են մասնակցում ընտրություններին»,- ընդգծեց նա:

Հարցին, թե ինչպես է գնահատում Թովմասյանն այն հանգամանքը, որ ՀՀ ԱԺ ընտրություններին մասնակցող կուսակցությունների կազմում հիմնականում երիտասարդներ են, նա նշեց, որ ինքն էլ երիտասարդ տարիքում եղել է Արցախի ԱԺ նախագահ: «Երիտասարդներին պետք է հնարավորություն տալ, երիտասարդին պետք է վստահել: Ես շատ եմ կարևորում ոչ միայն նրանց, այլև կանանց դերը թե՛ օրենսդիր, թե՛ գործադիր իշխանությունում»,- շեշտեց խորհրդարանական պատվիրակության ղեկավարն ու հավելեց. «Որպեսզի անվտանգ Արցախ ունենանք, պետք է ունենանք հզոր Սփյուռք և կայուն Հայաստան»:


     

Ռազմական

Հասարակական

Տնտեսական

Ամենադիտված

ամիս

շաբաթ

օր

Հադրութի քաղաքապետի հայտարարությունը զրպարտանք է. «Ղարաբաղ Տելեկոմ»

Թուրք ցեղասպանագետ. Պատմական օր է ոչ միայն հայերի, այլև Թուրքիայի ժողովրդի համար

Նախագահը կոնկրետ հանձնարարականներ է տվել ճանապարհային երթեւեկության անվտանգության խնդիրները կարգավորելու համար

Ստեփանակերտում կազմակերպվել է բարեգործական համերգ. հասույթը տրամադրվելու է Նանար Պողոսյանի բուժմանը

Հայտնի են «Երեխաների իրավունքներն իմ աչքերով» խորագրով լուսանկարների և տեսանյութերի մրցույթի արդյունքները

Արցախցի մարզիկներն արժանացել են ոսկե մեդալների

Ստեփանակերտի շուրջ 25 փողոցներում կառուցվելու է երթևեկության արհեստական անհարթություններ. նախարար

Բակո Սահակյանն օրենքներ է ստորագրել

Առաջիկա օրերի եղանակն Արցախում

Search