Artsakhpress

Միջազգային

Թուրքական պետական հեռուստաալիքն ակնհայտ կողմնապահություն է արել նախընտրական ամսվա ընթացքում

Թուրքիայի Ռադիոյի և հեռուստատեսության բարձրագույն խորհուրդը (RTÜK) նոր տվյալներ է հրապարակել խորհրդարանական ընտրություններին ընդառաջ պետական TRT հեռուստաընկերության կողմից ներքաղաքական կուսակցություններին տրամադրած հեռուստաժամանակի վերաբերյալ:

Թուրքական պետական հեռուստաալիքն ակնհայտ կողմնապահություն է արել նախընտրական ամսվա ընթացքում

Թուրքական պետական հեռուստաալիքն ակնհայտ կողմնապահություն է արել նախընտրական ամսվա ընթացքում

ՍՏԵՓԱՆԱԿԵՐՏ, հոկտեմբերի 30, ԱՐՑԱԽՊՐԵՍ-ԱՐՄԵՆՊՐԵՍ: Ինչպես հաղորդում է «Արմենպրես»-ը՝ վկայակոչելով թուրքական «Թարաֆ» պարբերականը, խորհրդի անդամ Էրսին Օնգելը հայտնել է, թե ընտրություններին մասնակցող քաղաքական կուսակցություններից յուրաքանչյուրի քանի թեկնածուի կամ անդամի է TRT-ն հրավիրել որպես հյուր:

Ըստ այդ տվյալների՝ վերջին մեկ ամսում TRT-ն 37 հյուր է ընդունել իշխող «Արդարություն և զարգացում» կուսակցությունից, իսկ ընդդիմադիր քեմալական Հանրապետական ժողովրդական, «Ազգայնական շարժում» և քրդամետ Ժողովուրդների դեմոկրատական կուսակցություններից որևէ հյուրի չի հրավիրել:

Ավելի վաղ Օնգելը հրապարակել էր տվյալներ պետական հեռուստաընկերության կողմից կուսակցություններին տրամադրած եթերաժամանակի վերաբերյալ, որում երևում էր TRT-ի ակնհայտ կողմնապահությունը: Տվյալների համաձայն՝ TRT հեռուստաընկերությունը նախընտրական 25 օրվա համար իշխող «Արդարություն և զարգացում» կուսակցությանը (ԱԶԿ)՝ 30 ժամ, քեմալական Հանրապետական ժողովրդական կուսակցությանը (ՀԺԿ)՝ 5 ժամ, «Ազգայնական շարժում» կուսակցությանը (ԱՇԿ)` 1 ժամ և 10 րոպե, իսկ քրդամետ Ժողովուրդների դեմոկրատական կուսակցությանը (ԺԴԿ)՝ ընդամենը 18 րոպե, ինչը հարյուր անգամ պակաս է իշխող կուսակցությանը տրամադրված եթերաժամանակից:

Թուրքիայի արտահերթ խորհրդարանական ընտրությունները կկայանան 2015 թվականի նոյեմբերի 1-ին: Պատգամավորական մանդատների համար կպայքարեն 16 կուսակցություն, որոնցից հիմնական պայքարի մեջ կմտնեն իշխող «Արդարություն և զարգացում» կուսակցությունը (ԱԶԿ), ընդդիմադիր քեմալական Հանրապետական ժողովրդական կուսակցությունը (ՀԺԿ), «Ազգայնական շարժում» կուսակցությունը (ԱՇԿ) և քրդամետ Ժողովուրդների դեմոկրատական կուսակցությունը (ԺԴԿ): ԱԶԿ-ն, ՀԺԿ -ն և ԺԴԿ-ն իրենց թեկնածուների շարքում առաջադրել են նաև հայերի, ովքեր նախորդ խորհրդարանական ընտրություններում արդեն պատգամավոր էին ընտրվել: Երկրի ներսում և դրսում ընտրություններում օգտագործելու նպատակով տպագրվել է 75 միլիոն 288 հազար 955 քվեաթերթիկ: Ընտրություններին կմասնակցի 54 միլիոն 49 հազար 940 մարդ Թուրքիայում և ևս 2 միլիոն 899 հազար մարդ արտերկրում:


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Արցախի նախկին վարչապետն արձագանքել է Նիկոլ Փաշինյանին

ՀՀ առողջապահության նախարարությունը նոր կորոնավիրուսով վարակը կանխելու խորհուրդներ է ներկայացնում

Բանակի օրվա առիթով Սուրբ Պատարագ և պարգևաբաշխություն Մայր Աթոռ Սուրբ Էջմիածնում

Թուրքիայում ուժեղ երկրաշարժի տեսանյութը հայտնվել է համացանցում

Կամո Վարդանյանը նշանակվել է ՀՀ ԶՈւ ԳՇ հետախուզության գլխավոր վարչության պետի տեղակալ

Ռուսաստանում կինն ընկել է 9-րդ հարկից, վեր է կացել եւ գնացել. տեսանյութ

Փաշինյանն Արցախի նախագահի թեկնածուներին ուղղված կոչով հանդես եկավ

«Մոր և մանկան առողջության պահպանման կենտրոն»-ում գրանցված է արտամարմնային բեղմնավորման կարիք ունեցող 86 զույգ. նախարար

Արցախը Մայր Հայրենիքին կապող հաջորդ կարևոր երակը կլինի Խնձորեսկ-Մեխակավան-Հադրութ մայրուղու կապիտալ կառուցումը. Արայիկ Հարությունյան (տեսանյութ)

Search