Artsakhpress

Հասարակական

«Հավերժի վավերագրություն» ցուցահանդեսը նորովի բացահայտեց Լեռնային Ղարաբաղի մշակութային ժառանգությունը

«Հավերժի վավերագրություն. Արցախ» խորագրով լուսանկարչական ցուցահանդեսում տեղ են գտել համանուն մրցույթին մասնակցած լուսանկարիչների հիսունից ավելի աշխատանքներ, որոնք պատկերում են Արցախի պատմամշակութային ժառանգությունը:

«Հավերժի վավերագրություն» ցուցահանդեսը նորովի բացահայտեց Լեռնային Ղարաբաղի մշակութային ժառանգությունը

«Հավերժի վավերագրություն» ցուցահանդեսը նորովի բացահայտեց Լեռնային Ղարաբաղի մշակութային ժառանգությունը
ՍՏԵՓԱՆԱԿԵՐՏ, 5 դեկտեմբերի, ԱՐՑԱԽՊՐԵՍ-ԱՐՄԵՆՊՐԵՍ: Ցուցադրության բացման հանդիսավոր արարողությունը տեղի ունեցավ դեկտեմբերի 5-ին Հայաստանի պատմության թանգարանում:
Լուսանկարները՝ Հայկ Հարությունյանի
Թանգարանի տնօրեն Դավիթ Պողոսյանի խոսքով՝ ցուցահանդեսն իրականացվում է Հայաստանի պատմության թանգարանի և Եղիշե Չարենցի անվան գրականության և արվեստի թանգարանի համատեղ կազմակերպած «Հավերժի վավերագրողները. Արամ, Արա, Արտաշես Վրույրներ» ցուցադրության շրջանակում հայտարարված «Հավերժի վավերագրություն. Արցախ» խորագրով հեղինակային լուսանկարների մրցույթի արդյունքում։
«Մրցույթի գաղափարն առաջացավ ոչ միայն Վրույրներին նվիրված ցուցահանդեսի կոնտեքստից, այլև այն իրավիճակից, որում հայտնվեցինք. դա Լեռնային Ղարաբաղի բռնազավթման, էթնիկ զտման հետ էր կապված և ինչ-որ առումով պատմական նմանություններ եղան այն տարիների հետ, երբ Վրույրներն էին աշխատում»,-ասաց Պողոսյանը:
Ըստ նրա՝ ներկայացված լուսանկարները շատ հետաքրքիր են և պատմում են վտանգի մեջ գտնվող պատմամշակութային ժառանգության մասին: Պողոսյանը հույս ունի, որ այդ ժառանգությունը կպահպանվի ու չի արժանանա այն հուշարձանների բախտին, որոնք պահպանվել են միայն Վրույրների լուսանկարներում:
Թանգարանի զարգացման գծով փոխտնօրեն Արուսյակ Ղազարյանն էլ հիշեցրեց, որ Վրույրները զբաղվել են հնագիտական լուսանկարչությամբ և վավերագրել են մեր պատմաճարտարապետական հուշարձանները՝  Ջուղայի խաչքարերը, Անիի կոթողները, որոնք կամ ոչնչացված են, կամ ոչնչացման եզրին են: «Այսօր անորոշ է նաև Արցախի հուշարձանների ճակատագիրը: Այս մրցույթին մասնակցել են և՛ պրոֆեսիոնալ, և՛ սիրողական մակարդակում աշխատող լուսանկարիչներ, որոնք լուսանկարել են ոչ  միայն հայտնի, այլև անհայտ, քիչ ճանաչված հուշարձանները»,-պատմեց Ղազարյանը՝ ընդգծելով, որ մրցույթը լայն արձագանք է գտել և ավելի քան վաթսուն հայտ են ստացել:
Ցուցահանդեսին խորհրդանշական մրցանակների արժանացան լավագույն լուսանկարների հեղինակները:
«Լավագույն գեղարվեստական լուսանկարներ» անվանակարգում մրցանակներ տրվեցին Ավետիս Ավետիսյանին «Մատաղիսի Սուրբ Եղիշե եկեղեցի» աշխատանքի համար, Լիլիան Գալստյանին՝ «Մենք ենք մեր սարերը» հուշարձանի լուսանկարի համար, Էլինա Աղաջանյանին՝ «Շուշիի Սուրբ Ղազանչեցոց եկեղեցի» նկարի համար:
«Լավագույն վավերագրական լուսանկարներ» անվանակարգում մրցանակների արժանացան Ներսես Մատինյանը՝ «Երից Մանկան վանք» լուսանկարի համար,  Զոհրաբ Ըռքոյանը՝ «Կամուրջ՝ Հակարիի արևելյան վտակ» աշխատանքի համար և Սարգիս Գասապեանը՝ «Երկրագիտական թանգարանի մուտքի դուռը. Ստեփանակերտ» լուսանկարի համար:
Հատուկ մրցանակ տրվեց Մարիա Մինասյանին՝ «Ստեփան Շահումյանի արձան» լուսանկարի համար:
Լուսանկարիչ, ռեժիսոր Ավետիս Ավետիսյանը մրցույթին ներկայացրել է այն լուսանկարները, որոնք հիշարժան է համարում: «Տարբեր տարիների արված լուսանկարներ են. կա պատերազմի օրերին արված լուսանկար, որում Շուշիի Սուրբ Ամենափրկիչ Ղազանչեցոց  եկեղեցում աղոթող մարդու դիմանկարն է, Գանձասարը և Մատաղիսի Սուրբ Եղիշե եկեղեցին: Հնարավոր չէ տեղի պատմական, մշակութային, կրոնական ամբողջ ժառանգությունը լուսանկարներով պատկերել, և այդ ամենը մենք այսօր փաստացի չունենք և չգիտենք, թե ինչ կլինի այդ ժառանգության ճակատագիրը, ուստի նման միջոցառումները կարևոր են  ճանաչողական առումով»,-ընդգծեց Ավետիսյանն ու հավելեց՝ այն, ինչ կորցրել ենք, անգնահատելի է:
Լուսանկարչուհի Լիլիան Գալստյանը մասնակցում է մրցույթին, քանի որ ցանկանում է, որպեսզի անընդհատ խոսվի Լեռնային Ղարաբաղի մասին, որպեսզի չմոռացվեն այնտեղի վանքերը, եկեղեցիները, տեսարժան վայրերը: «Ընկերուհիներիս հետ ամռանն անպայման գնում էինք որևէ տեղ հանգստանալու, իսկ օգոստոսի վերջին օրերն անպայման անցկացնում էինք Արցախում: Բաց չէի թողնում որևէ գեղեցիկ կադր: Գուցե անհավանական հնչի, բայց հույս ունեմ, որ մի օր մենք կվերադառնանք այնտեղ»,-հույս հայտնեց նա և հավելեց, որ հինգ լուսանկար է ներկայացրել մրցույթին:  
Ցուցահանդեսը բաց կլինի  մեկ ամիս:

     

Քաղաքական

Մակրոնը փորձում է երրորդ համաշխարհային պատերազմ հրահրել. Պետդումայի նախագահ

Ֆրանսիայի նախագահ Էմանուել Մակրոնը, փորձելով պահպանել իր իշխանությունը, ավելի լավ բան չի մտածել, քան փորձել հրահրել երրորդ համաշխարհային պատերազմ։

Միրզոյանն ու Բայրամովն այսօր կհանդիպեն Բեռլինում

Մյունխենում փետրվարի 17-ին կայացած եռակողմ հանդիպման ժամանակ ձեռք բերված պայմանավորվածության համաձայն, այսօր և վաղը Հայաստանի և Ադրբեջանի արտգործնախարարներ Արարատ Միրզոյանի ու Ջեյհուն Բայրամովի գլխավորած պատվիրակությունները կհանդիպեն Բեռլինում։

Բաքուն շարունակում է նոր տարածքային պահանջներ ներկայացնել ՀՀ-ին. Միրզոյանը՝ Զինաթափման համաժողովի բարձրաստիճան հատվածում

Հարավային Կովկասում անվտանգային իրադրությունը մնում է անկայուն, քանի որ Ադրբեջանը չի հրաժարվում Հայաստանի Հանրապետության նկատմամբ իր ագրեսիվ քաղաքականությունից:

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Գործարկվում է ԼՂ-ից բռնի տեղահանվածների համար ուսուցման դասընթացի և աշխատանքային փորձ ձեռք բերելու աջակցության ծրագիրը

Ադրբեջանի մշակութային ցեղասպանության հերթական զոհը՝ Ստեփանակերտի «Անդրանիկ» փողոցում տեղադրված քանդակները

Սեպտեմբերի 19-ի ռազմական գործողությունների հետևանքով գերության մեջ է հայտնվել 16 անձ

Ադրբեջանի ԶՈՒ ստորաբաժանումները կրակ են բացել Վերին Շորժայի հատվածում տեղակայված հայկական դիրքերի ուղղությամբ․ ՊՆ

Այն ամենը, ինչ կապված է Արցախի հետ, փորձում են «կափարիչ» դնել դրա վրա և փակել այդ հարցը, բայց պետք չէ գնալ այդ ճանապարհով. Սամվել Շահրամանյան

Քարվաճառի շրջանի Ծար գյուղի Սուրբ Սարգիս և Սուրբ Գրիգոր եկեղեցիները՝ ադրբեջանական մշակութային վանդալիզմի հերթական զոհ

Միգրացիայի և քաղաքացիության ծառայությունը հայտարարում է Ժամանակավոր թափուր հաստիքների մրցույթ

Բնակարանային ապահովման աջակցությունից առաջինը կօգտվեն 3 և ավելի երեխաներ ունեցող տեղահանված ընտանիքները. փոխվարչապետ

Արցախ վերադառնալու իրական հնարավորություն կա. Վարդան Օսկանյան

Search