Artsakhpress

Հասարակական

Լեհաստանի առաջին տիկինը Երևանում հանդիպել է Լեռնային Ղարաբաղից բռնի տեղահանվածների հետ

Լեհաստանի Հանրապետության առաջին տիկին Ագատա Կորնհաուզեր-Դուդան նոյեմբերի 28-29-ը եղել է Հայաստանի Հանրապետությունում։

Լեհաստանի առաջին տիկինը Երևանում հանդիպել է Լեռնային Ղարաբաղից բռնի տեղահանվածների հետ

Լեհաստանի առաջին տիկինը Երևանում հանդիպել է Լեռնային Ղարաբաղից բռնի տեղահանվածների հետ
ՍՏԵՓԱՆԱԿԵՐՏ, 4 դեկտեմբերի, ԱՐՑԱԽՊՐԵՍ: Ինչպես հայտնեցին ՀՀ-ում Լեհաստանի դեսպանատնից, օդանավակայանում հյուրին դիմավորել են Երևանում Լեհաստանի դեսպան Պյոտր Սկվեչինսկին և ՀՀ արտաքին գործերի փոխնախարար պարոն Պարույր Հովհաննիսյանը։
Այցի երկրորդ օրը Լեհաստանի նախագահի տիկինը հանդիպել է Հայաստանում լեհական համայնքի ներկայացուցիչների, ինչպես նաև աշակերտների և լեհերեն լեզուն ուսուցանող ուսուցիչների հետ։ «Օգնություն Արևելքի լեհերին» ծրագրի շրջանակներում նախագահի կինը նյութական օգնություն է փոխանցել համայնքին, ինչպես նաև կրթական և ուսումնական պարագաներ:  
Երևան կատարած այցի ընթացքում Լեհաստանի առաջին տիկինն այցելել է «Առաքելություն Հայաստան» կազմակերպություն, որտեղ հանդիպել է Լեռնային Ղարաբաղից փախստականների հետ։
«Առաքելություն Հայաստան» բարեգործական հասարակական կազմակերպությունը հիմնադրվել է 1988 թվականին մի խումբ կամավորների կողմից, ովքեր միավորվեցին՝ օգնելու աղետալի երկրաշարժից և Արցախյան պատերազմից տուժածներին ու փախստականներին։
Փախստականների հետ զրույցի ժամանակ առաջին տիկինը հետաքրքրվել է, թե որոնք են ներկա պահին ամենահրատապ պահանջները, ինչպիսի իրավիճակում են գտնվում այսօր և ինչ ակնկալիքներ ունեն ապագայի առնչությամբ:
Հանդիպմանը ներկա էին կազմակերպության փոխտնօրեն Ալլա Հարությունյանը և ՄԱԿ-ի Փախստականների հարցերով գերագույն հանձնակատարի գրասենյակի (UNHCR) ներկայացուցիչները։
Լեռնային Ղարաբաղի ճգնաժամի հետ կապված՝ Լեհաստանի արտաքին գործերի նախարարությունը, համագործակցելով վարչապետի գրասենյակի, Լեհաստանի Հանրապետության ռազմավարական ռեզերվների պետական գործակալության և Ազգային պաշտպանության նախարարության հետ, ի թիվս այլոց իրականացրել է փախստականների համար մարդասիրական փոխադրումներ։ Ի պատասխան ՄԱԿ ՓԳՀ-ի կոչին տրամադրվել է 300.000 ԱՄՆ դոլարի ֆինանսական օգնություն։  Երևանում Լեհաստանի Հանրապետության դեսպանությունը, համագործակցելով «Հայկական Կարիտաս»-ի հետ, տրամադրել է հատուկ օգնություն Լեռնային Ղարաբաղի մի խումբ փախստականների համար, ովքեր ներկայումս բնակվում են Տեղ համայնքում։
Այցի վերջում Լեհաստանի առաջին տիկինը մասնակցել է Հայաստանում լեհ համայնքի ներկայացուցիչների կողմից պատրաստած համերգին։ Ելույթ է ունեցել «Պոլոնիադա» երգչախումբը։ Համերգային մասից հետո Երևանի Կոմիտասի թանգարան-ինստիտուտում նախագահի կինը ծանոթացել է հայկական դասական երաժշտության հիմնադիր Կոմիտասի կյանքին և ստեղծագործական գործունեությանը։

     

Քաղաքական

Անհապաղ պատժամիջոցներ կիրառել Ադրբեջանի դեմ. Եվրախորհրդարանի նոր բանաձևերը

Եվրախորհրդարանն ընդունեց արտաքին քաղաքականության և ԵՄ անվտանգության և պաշտպանության քաղաքականության վերաբերյալ 2 բանաձև, որոնցով կոչ է անում անհապաղ պատժամիջոցներ կիրառել Ադրբեջանի դեմ:

Ռուսաստանի խաղաղապահ առաքելությունը քիչ բան արեց սեպտեմբերին Ադրբեջանի հարձակումը կանգնեցնելու համար․ «Freedom House»

«Freedom House»-ի այսօր հրապարակած «Ազատությունն աշխարհում» զեկույցն անդրադարձել է 2023 թվականին տեղ գտած զինված բախումներին՝ նաև բազմիցս կանգ առնելով Լեռնային Ղարաբաղից հայ բնակչության տեղահանման, աշխարհում ավտորիտարիզմի աճի, օրինակ՝ Ադրբեջանում և Ռուսաստանում իշխող ռեժիմների ապրապնդման վրա։

Հայաստանն ու Ադրբեջանն այժմ հնարավորություն ունեն տևական ցավոտ հակամարտությունից հետո ամուր խաղաղության հասնելու․ Բերբոք

Գերմանիայի ԱԳ նախարար Անալենա Բերբոքը Հայաստանի ու Ադրբեջանի միջև խաղաղության հաստատումը հնարավոր է համարում:

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Գործարկվում է ԼՂ-ից բռնի տեղահանվածների համար ուսուցման դասընթացի և աշխատանքային փորձ ձեռք բերելու աջակցության ծրագիրը

Ադրբեջանի մշակութային ցեղասպանության հերթական զոհը՝ Ստեփանակերտի «Անդրանիկ» փողոցում տեղադրված քանդակները

Բնակարանային ապահովման աջակցությունից առաջինը կօգտվեն 3 և ավելի երեխաներ ունեցող տեղահանված ընտանիքները. փոխվարչապետ

Սեպտեմբերի 19-ի ռազմական գործողությունների հետևանքով գերության մեջ է հայտնվել 16 անձ

Ադրբեջանցիները Ստեփանակերտում հեռացրել են Շառլ Ազնավուրի 100-ամյակին նվիրված հուշարձանը

Ադրբեջանի ԶՈՒ ստորաբաժանումները կրակ են բացել Վերին Շորժայի հատվածում տեղակայված հայկական դիրքերի ուղղությամբ․ ՊՆ

Միգրացիայի և քաղաքացիության ծառայությունը հայտարարում է Ժամանակավոր թափուր հաստիքների մրցույթ

Կխթանվի արտագաղթը, կխաթարվի հավաքական վերադարձի ակնկալիքը. ԱՀ ԱԺ-ն՝ ՀՀ կառավարության՝ բռնի տեղահանվածների վերաբերյալ ծրագրերի մասին

Տեղ գյուղի մոտակայքում երկու ադրբեջանցի զինծառայող անցել են սահմանը․ մեկը բռնվել է, մյուսը՝ փախել

Search