Artsakhpress

Հարցազրույց

«Չի բացառվում, որ գործընթացները տեղավորվեն տարածաշրջանի նոր քարտեզագծման ծրագրերի պարունակում». Գանտահարյան

Պաղեստինա–իսրայելական ռազմական բախման զարգացումների շուրջ Radar Armenia-ն զրուցել է միջազգայնագետ Շահան Գանտահարյանի հետ։

«Չի բացառվում, որ գործընթացները տեղավորվեն տարածաշրջանի նոր քարտեզագծման ծրագրերի պարունակում». Գանտահարյան

«Չի բացառվում, որ գործընթացները տեղավորվեն տարածաշրջանի նոր քարտեզագծման ծրագրերի պարունակում». Գանտահարյան
ՍՏԵՓԱՆԱԿԵՐՏ, 9 հոկտեմբերի, ԱՐՑԱԽՊՐԵՍ։ Հարցազրույցը ներկայացնում ենք ստորև.
- Ինչպե՞ս կմեկնաբանեք պաղեստինա–իսրայելական այս ռազմական բախումը։ Սա սպասելի՞ էր։
 
- Բազմաթիվ հանգամանքներից պետք է կենտրոնանալ երկու առանցքի վրա։ Նախ, մինչ այն պահը, որ կոնֆլիկտը չի լուծվել, և պաղեստինցի ժողովուրդը իրավազրկվել է, ուրեմն ցանկացած պահի կարող է էսկալացիա գրանցվել։ Բայց սա «էսկալացիա» եզրով չի բնութագրվում, ոչ էլ «գործողություն» տերմինով։ Սա պատերազմ է, ինչպես հայտարարել է պաշտոնական Թել Ավիվը։ Երկրորդ․ եթե ավելի գլոբալ դիտարկենք, տարածաշրջանում ընթանում են բեկումնային իրադարձություններ, կտրուկ շրջադարձեր։ Իրան-ԱՄՆ–Էր–Ռիադ-Թեհրան հարաբերություններում շրջադարձեր են գրանցվում․ իսկ սա ստատուս քվոյի կտրուկ փոփոխություն է։ Պատերազմական գործողությունները կարող են որոշակի կանգառ վերցնել այս գործընթացներից և վերահաշվարկների տեղի տալ։
 
- Իսրայելի ուղղությամբ կրակոցներ են եղել նաև Լիբանանից․ սա ի՞նչ էր նշանակում։
 
- Մինչ այժմ սահմանափակ գործողություններ են։ «Հեզբոլլահ»–ը հրթիռակոծել է լիբանանյան գրավյալ տարածքների իսրայելյան հենակետերի վրա․ Իսրայելն էլ պատասխանել է։ Ամիսներ առաջ հարավային Լիբանանից պեղեստինյան զինյալ խմբավորումների կողմից նույնն էր պատահել իսրայելական ռազմակետերի ուղղությամբ։ «Հեզբոլլահ»–ը չէր ներքաշվել։ Այս անգամ կա «Հեզբոլլահ»–ի սահմանափակ մասնակցություն և զգուշացում ու սպառնալիք։ Առայժմ հարավային Լիբանանում իրավիճակը հանգիստ է։
 
- Ձեր կարծիքով՝ սա երկա՞ր կտևի, և ի՞նչ հանգուցալուծում կարելի է ակնկալել։
 
- Իսրայելյան հակահարվածները շարունակվում են։ «Համաս»–ի զինյալները դեռևս իսրայելյան տարածքներում կռվում են։ Թել Ավիվը դիմել է Կահիրեին, որպեսզի միջնորդի գերեվարվածների հարցով։ Իրավիճակը խոսում է տարողունակության մասին, ինչը կբերի տարածաշրջանում նոր բեկումնային գործընթացների խորացմանը։ Համատարած համոզում է, որ իսրայելյան հզոր բանակի միֆը քանդվել է․ համակարգի դյուրաբեկությունը, մանավանդ՝ գերեվարվածների քանակը, կստիպեն Իսրայելին՝ գնալ բանակցությունների։ «Համաս»–ի այս գործողության տարողունակությունը խոսում է նախապես երկար ժամանակ ծրագրավորված լինելու մասին։ Իսկ դա միանշանակ ենթադրում է պետական աջակցություն։ Չի բացառվում, որ գործընթացները տեղավորվեն ընդհանրապես տարածաշրջանի նոր քարտեզագծման ծրագրերի պարունակում։
 
- Սա ի՞նչ ազդեցություն կունենա տարածաշրջանի վրա՝ հաշվի առնելով Իրանի ու Ադրբեջանի ընդգծված հարաբերությունները հակամարտող կողմերի հետ։
 
- Նախ, արձանագրենք, որ իսրայելյան մամուլը եղածը համարում է իսրայելյան 9/11․ ինչը ենթադրում է հզոր, անակնկալ հարված և Իսրայելի կողմից հանկարծակիության գործոնի, հարվածի տակ ընկած լինելու իրողություն։ 9/11-ը, սակայն, միայն հարված ու քանդում չէր․ դա հանգեցրեց աշխարհաքաղաքական գործընթացի, աշխարհակարգային տարողությամբ ահաբեկչական-հակաահաբեկչական հարաբերակցությունը տարածվեց տարբեր աշխահագրություններում և, հատկապես, միջին արևելյան տարածաշրջանի վրա։ Բեկումնային, հետցնցումային իրավիճակը, կարծում եմ, այս հանգամանքներով պիտի ընկալել և սպասել նոր ցնցումների, նոր բախումների և քաղաքական նոր դասավորումների, ընդհուպ՝ մինչև նոր քարտեզագրում։
 
Ինչ վերաբերում է Բաքու-Թեհրան հարաբերությունների վրա ունենալիք ազդեցությանը, քաղաքական տրամաբանությունը հուշում է, որ իսրայելյան գործոնի ներգրավումը տարածաշրջանում՝ Ադրբեջանի ճամփով, սպառնալիք է Թեհրանին։ Անկարան դա կօգտագործի Թեհրանի հետ իր ռազմաքաղաքական բազարների ընթացքում։ «Զանգեզուրի միջանցքի»-ի ուղղության փոփոխության մասին Անկարայի հայտարարությունը պիտի դիտարկել այդ համատեքստում նաև։

     

Քաղաքական

Արարատ Միրզոյանն Անթալիայում հանդիպել է Մոզամբիկի արտաքին գործերի նախարարի հետ

Անթալիայի դիվանագիտական ֆորումի շրջանակներում Հայաստանի Հանրապետության արտաքին գործերի նախարար Արարատ Միրզոյանը հանդիպում է ունեցել Մոզամբիկի Հանրապետության արտաքին գործերի նախարար Վերոնիկա Մակամոյի հետ:

Այսօր նշում ենք ՀՀ դիվանագետի օրը

Այսօր մենք նշում ենք ՀՀ դիվանագետի օրը։

Արարատ Միրզոյանն ու Տոյվո Կլաարը քննարկել են տարածաշրջանային վերջին զարգացումները

Մարտի 1-ին Անթալիայի դիվանագիտական ֆորումի շրջանակներում ՀՀ արտաքին գործերի նախարար Արարատ Միրզոյանը քննարկում է ունեցել Վրաստանում ճգնաժամի և Հարավային Կովկասի հարցերով ԵՄ հատուկ ներկայացուցիչ Տոյվո Կլաարի հետ:

Բորիս Սահակյանը նշանակվել է Սուրբ Աթոռում ՀՀ դեսպան

ՀՀ նախագահ Վահագն Խաչատուրյանը հրամանագիր է ստորագրել, համաձայն որի՝ Բորիս Սահակյանը նշանակվել է Սուրբ Աթոռում ՀՀ դեսպան:

Տնտեսական

Հասարակական

ԼՂ-ից բռնի տեղահանվածների բնակապահովման ծրագրից օգտվելու պայմաններից կլինի ՀՀ քաղաքացիությունը․ փոխնախարարը մանրամասնում է

Լեռնային Ղարաբաղից բռնի տեղահանված անձանց բնակարանային մատչելիության ապահովման պետական ծրագրով աջակցությունն իրականացվելու է բնակելի տուն կառուցելու, բնակելի տուն կամ բնակարան ձեռք բերելու եղանակներով, ինչպես նաև այն անձինք, ովքեր օբյեկտիվ պատճառներով այդ հնարավորությունները չեն ունենա, ապա նրանց հնարավորություն կտրվի ապրել սոցիալական բնակարաններում։

Եթե պատժվեին Սումգայիթը կազմակերպողները, գուցե և չլինեին Բաքվի, Գանձակի, Մարաղայի ջարդերը, ԼՂ էթնիկ զտումը. Գարդման-Շիրվան-Նախիջևան համահայկական միություն

Գարդման-Շիրվան-Նախիջևան համահայկական միությունը հայտարարություն է տարածել Սումգայիթի ցեղասպանության 36-րդ տարելիցի կապակցությամբ:

Հռոմի պապն աղոթք է հղել ԼՂ-ից տեղահանված հայ բնակչության և Հայաստանի խաղաղության համար

Նորին Սրբություն Ֆրանցիսկոս պապը 2024 թվականի փետրվարի 28-ին ընդունել է Վատիկան ժամանած Հայ Կաթողիկե եկեղեցու Սինոդի անդամներին՝ Տանն Կիլիկիո Կաթողիկե Հայոց Կաթողիկոս - Պատրիարք Ամենապատիվ և Գերերջանիկ Տ.Տ. Ռաֆայել Պետրոս 21-րդ Մինասյանի գլխավորությամբ։

ՀՀ տարածքում կան փակ ավտոճանապարհներ, Լարսը բաց է

Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ:

Ռազմական

Տեսանյութեր

ավելին

Ամենադիտված

ամիս

շաբաթ

օր

Ադրբեջանցիները Ստեփանակերտում հեռացրել են Շառլ Ազնավուրի 100-ամյակին նվիրված հուշարձանը

Բնակարանային ապահովման աջակցությունից առաջինը կօգտվեն 3 և ավելի երեխաներ ունեցող տեղահանված ընտանիքները. փոխվարչապետ

Կխթանվի արտագաղթը, կխաթարվի հավաքական վերադարձի ակնկալիքը. ԱՀ ԱԺ-ն՝ ՀՀ կառավարության՝ բռնի տեղահանվածների վերաբերյալ ծրագրերի մասին

ԼՂ-ից բռնի տեղահանվածների բնակապահովման ծրագրից օգտվելու պայմաններից կլինի ՀՀ քաղաքացիությունը․ փոխնախարարը մանրամասնում է

Միգրացիայի և քաղաքացիության ծառայությունը հայտարարում է Ժամանակավոր թափուր հաստիքների մրցույթ

Տեղ գյուղի մոտակայքում երկու ադրբեջանցի զինծառայող անցել են սահմանը․ մեկը բռնվել է, մյուսը՝ փախել

Բնակարանային մատչելիության պետական աջակցության ծրագրի շահառու են լինելու նաև 44-օրյա պատերազմին հաջորդող ժամանակահատվածում ԼՂ բռնի տեղահանվածները

Ադրբեջանցիները Ստեփանակերտում ապամոնտաժել են Շառլ Ազնավուրի հուշարձանը

Սեպտեմբերյան մարտական գործողությունների հետևանքով 181 զինծառայող զոհված է ճանաչվել, 11 զինծառայող՝ անհետ կորած

Search