Artsakhpress

Հարցազրույց

Տարածաշրջանում Բրյուսել-Մոսկվա միջնորդական հակամարտություն է. Շահան Գանտահարյան

Radar Armenia-ի զրուցակիցը միջազգայնագետ Շահան Գանտահարյանն է։

Տարածաշրջանում Բրյուսել-Մոսկվա միջնորդական հակամարտություն է. Շահան Գանտահարյան

Տարածաշրջանում Բրյուսել-Մոսկվա միջնորդական հակամարտություն է. Շահան Գանտահարյան
ՍՏԵՓԱՆԱԿԵՐՏ, 28 հունվարի, ԱՐՑԱԽՊՐԵՍ։ Հարցազրույցը ներկայացնում ենք ստորև.
 
-ՌԴ-ն, անդրադառնալով ԵՄ-ի դիտորդական առաքելության տեղակայման որոշմանն, արձանագրել է, որ Երևանում նախընտրեցին ընտրություն կատարել հօգուտ ԵՄ-ի՝ տրամաբանական ավարտին չհասցնելով ՀԱՊԿ առաքելության ուղղությամբ աշխատանքը։ Ինչպե՞ս կմեկնաբանեք ՌԴ-ի արձագանքը, և ի՞նչ հետևանքներ կարող է ունենալ այն Հայաստանի համար։
-Առաջին անգամը չէ, որ պաշտոնական Մոսկվան նման վերագրումներ է անում։ Այստեղ պատասխան կա նաև Եվրախորհրդարանի բանաձևերին և ԵՄ-ին՝ սահմանի հայաստանյան հատված քաղաքացիական առաքելություններ ուղարկելուն, ինչը նշանակում է, որ Երևանը համաձայնություն է տվել այդ առաքելության ժամանմանը, իսկ Բաքուն՝ ոչ։ Ամբողջ խնդիրը միջնորդական հակամարտությունն է։ Մոսկվան առաջադրում է ՀԱՊԿ ուժեր տեղակայել հայ-ադրբեջանական սահմանին, իսկ ԵՄ-ն կանխում է և քաղաքացիական առաքելություն ուղարկում։ Տարածաշրջանում թեժացող միջնորդական մրցապայքարի համատեքստում պետք է դիտարկել այս հայտարարությունը։
-Ռուսական կողմը նաև հայտարարել է, որ իր խաղաղապահ զորակազմը կարձագանքի Հայաստանում ԵՄ դիտորդների պահվածքին՝ հաշվի առնելով իրավիճակի՝ «գետնի վրա» զարգացումը։ Սա ինչպե՞ս հասկանալ։
-«Գետնի վրա» ասելով՝ Մոսկվան պարզ հասկացնում է, որ գետնի վրա բացառապես ռուսական խաղաղապահ ուժերն են գործում, և դա ունի լեգիտիմ հիմք։ Խոսքը նոյեմբեր 9-ի հրադադարի պայմանավորվածության կամ եռակողմ համաձայնության մասին է․ ոչ միայն հրադադարի, այլև՝ տարածաշրջանի ապաշրջափակման։ Այդ տարածաշրջանային հանգուցալուծումների իրականացման պայմանագրով ներգրավվել է Ռուսաստանը, ինչի մասին էլ հիշեցնում է «գետնի վրա» ասելով։
-Ձեր կարծիքով՝ ստեղծված իրավիճակում Ադրբեջանն ինչպե՞ս կարձագանքի, ի՞նչ քայլերի կգնա, հնարավո՞ր է իրավիճակն օգտագործելով՝ նոր սրացումների դիմի։
-Ադրբեջանը չի համաձայնվում սահմանի իր հատվածում ԵՄ առաքելության տեղակայմանը։ Վետոյի է ենթարկել Փարիզի միջնորդությունը և դրանով առկախել Բրյուսելի քառակողմի վերագործարկումը։ Աշխատում է նոյեմբերի 9-ի ընտրովի կետերի իրականացման վրա․ հիմա առաջնայինը Նախիջևան-Ադրբեջան Հայաստանի հատվածով կապի գործարկումն է, իրենց ասելով՝ «զանգեզուրյան միջանցքը»։ Շտապում են իրականացնել այն, ինչ պայմանավորվել են ռուսական միջնորդությամբ՝ նախքան այլ ուժերի ներգրավման խորացումը։
-Որքանո՞վ է տեղին ՌԴ այս վրդովմունքը, եթե հաշվի առնենք, որ նրանց խաղաղապահ առաքելության հետ կապված հարցեր կան, և հայկական կողմը խոսել է այդ մասին։
-Առաջին հայացքից պարադոքսալ իրավիճակ է։ Մոսկվան երաշխավոր է, եռակողմի համաձայն, վերահսկել Բերձորի միջանցքով կապը։ Միջանցքի երկարատև փակումը չի բխում Մոսկվայի շահերից, որովհետև դա անպայման կնպաստի Արցախի հայաթափմանը։ Իսկ այնտեղ ժողովրդի մնալը պետք է Մոսկվային՝ խաղաղապահ ուժերի ժամկետը երկարաձգելու առումով։ Լավրովի հայտարարությունը, թե կարծում է, որ միջանցքի հարցը շուտով կլուծվի, չի իրականանում, ինչը ևս հարցականներ է ստեղծում։ Մյուս կողմից, եթե այնպես ընկալենք, որ «բնապահպանների» բուն նպատակը «միջանցք՝ միջանցքի դիմաց» է կամ «ճանապարհային կարգավիճակ՝ ճանապարհային կարգավիճակի դիմաց»՝ թեկուզ անցակետեր նշանակելով, ապա Ռուսաստանի ջանքը չեզոքություն պահպանելու միջնորդական ղեկը ձեռքում պահելն է, որպեսզի քաղաքականորեն ընկալելի կլինի։ Չմոռանանք, որ երկու ճանապարհների անվտանգության վերահսկողությունը պիտի իրականացնեն ռուսական զորքերը։
-Ռուսաստանը պնդում է, որ Հայաստանում ամեն գնով ամրապնդվելու՝ ԵՄ փորձերը կարող են վնաս հասցնել հայերի և ադրբեջանցիների արմատական շահերին։ Ձեր կարծիքով՝ դա այդպե՞ս է։
-Կարծում եմ՝ պարզ ասվում է, որ Բրյուսելը չի կարող միջնորդական առաքելություն իրականացնել։ Ըստ Մոսկվայի՝ Բրյուսելի ճիգերը արդյունավետ չեն, քանի որ «գետնի վրա» Ռուսաստանն է հակամարտության մրցավարը։

     

Քաղաքական

Արցախի նախագահը Ֆրանսիային խնդրել է ճնշում գործադրել Ադրբեջանի վրա՝ գերիների ազատ արձակման պահանջով

Արցախի նախագահ Սամվել Շահրամանյանը հարցազրույց է տվել ֆրանսիական Le Figaro պարբերականին, որտեղ անդրադարձել է Արցախի «լուծարման» փաստաթղթին, արցախցիների՝ հայրենիք վերադարձին և այլ հարցերի:

ԱՄՆ-ն համաձայն չէ Ադրբեջանի պնդումների հետ, թե Բրյուսելի հանդիպումը կարող է սրել իրավիճակը տարածաշրջանում․ Մեթյու Միլլեր

Ամերիկայի Միացյալ Նահանգները համաձայն չէ ադրբեջանական կողմի այն պնդումներին, որ ապրիլի 5-ին Բրյուսելում կայանալիք Հայաստան-ԵՄ-ԱՄՆ բարձր մակարդակի հանդիպումը կարող է ապակայունացնել և սրել իրավիճակը Հարավային Կովկասում։

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Եվրանեսթ ԽՎ-ն ԵՄ-ին կոչ է արել մեծացնել մարդասիրական օգնությունը ԼՂ-ից բռնի տեղահանված անձանց

Եվրանեսթ խորհրդարանական վեհաժողովը ԵՄ-ին կոչ է արել մեծացնել մարդասիրական և ֆինանսական օգնությունը ԼՂ-ից բռնի տեղահանված բնակչության շրջանում անչափահասների կարիքները բավարարելու համար։

«Հայաստան» հիմնադրամը շարունակում է աջակցել Լիբանանում գործող հայկական կրթական հաստատություններին

«Հայաստան» համահայկական հիմնադրամը հերթական ֆինանսական աջակցությունն է ցուցաբերել Լիբանանի հայ կրթական հաստատություններին` Լիբանանի հայ համայնքին տրամադրվող շարունակական օգնության ծրագրի շրջանակում:

Հայաստանը շուրջ 30 տոննա մարդասիրական բեռ կուղարկի Գազայի բնակիչներին

Հայաստանի Հանրապետությունը մարդասիրական օգնություն կուղարկի Գազայից տեղահանված և Ռաֆահի անցակետում հաստատված, ծանր սոցիալ-տնտեսական վիճակում հայտնված բնակիչներին։

Հայաստանում աշխատանքի է տեղավորվել ԼՂ-ից տեղահանված շուրջ 12 հազար անձ

Հայաստանում աշխատանքի են ընդունվել Լեռնային Ղարաբաղից բռնի տեղահանված բավականին մեծ թվով անձինք։

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

Search