Արցախի Հանրապետության արդարադատության նախարարության համակարգի աշխատողի օրվան նվիրված միջոցառումների շրջանակում գերատեսչությունը համակարգի աշխատանքների առանձնահատկություններով հետաքրքրված ուսանողներին հրավիրում է հունվարի 31-ից մինչև փետրվարի 2-ը ներառյալ մասնակցելու հանդիպումների քաղաքացիական կացության ակտերի գրանցման մարմինների, նոտարական գրասենյակների, իրավաբանական անձանց պետական ռեգիստրի գործակալության, հարկադիր կատարման ծառայության, պետական արխիվի, դատական փորձաքննությունների լաբորատորիայի պատասխանատուների հետ:
Կկազմակերպվեն ուսանողների հանդիպումներ Արդարադատության նախարարության կառուցվածքային և առանձնացված ստորաբաժանումների պատասխանատուների հետ
Այս մասին «Արցապրես»-ին տեղեկացրել են Արցախի Հանրապետության Արդարադատության նախարարությունից՝ մանրամասնելով, որ հանդիպումների ընթացքում ջերմ և անմիջական մթնոլորտում ուսանողներին հնարավորություն կտրվի ծանոթանալու կոնկրետ ոլորտի աշխատանքի առանձնահատկություններին: « Այս հնարավորությունից օգտվել ցանկացող ուսանողներին խնդրում ենք մինչև սույն թվականի հունվարի 30-ը զանգահարել (047) 942659 հեռախոսահամարին կամ հայտեր ներկայացնել minjustnkr@gmail.com էլեկտրոնային հասցեին՝ նշելով ուսանողի ԱԱՀ, կոնտակտային տվյալները, ԲՈՒՀ-ը, համակարգի՝ նախընտրած ուղղությունը»,-նշել են նախարարությունից՝ հավելելով, որ հանդիպումների ժամանակացույցի մասին լրացուցիչ կիրազեկվի:
