Այսօր թենիսիստ Կարեն Խաչանովը դուրս եկավ Ավստրալիայի բաց առաջնության քառորդ եզրափակիչ։
Շարունակեք հավատալ մինչև վերջ․ Խաչանովն իր աջակցությունն է հայտնել Արցախին
ՍՏԵՓԱՆԱԿԵՐՏ, 22 հունվարի, ԱՐՑԱԽՊՐԵՍ: Հանդիպումից հետո նա կրկին տեսախցիկի վրա գրառում է կատարել՝ իր աջակցությունը հայտնելով Արցախին, փոխանցում է armsport-ը:
Խաչանովը տեսախցիկի վրա գրել է՝ «Keep believing all the way until the end! Artsakh Stay Strong» («Շարունակեք հավատալ մինչև վերջ։ Մնա՛ ուժեղ, Արցախ»)։ Հիշեցնենք, որ նա նմանատիպ գրառում էր կատարել նաև նախորդ հանդիպումից հետո։
Նրա մրցակիցը ճապոնացի Յոսիհիտո Նիշիոկան էր։ Հանդիպումը տևեց 2 ժամ և ավարտվեց 6:0, 6:0, 7:6 (7:4) հաշվով։ Քառորդ եզրափակչում Խաչանովը կհանդիպի Սեբաստիան Կորդայի հետ։
