Երուսաղեմի հայկական թաղամասում հինգ տարի տևած վերակառուցումից հետո իր դռներն է վերաբացել Հայաստանի պատմության թանգարանը:
Երուսաղեմում բացվել է հայկական թանգարան
ՍՏԵՓԱՆԱԿԵՐՏ, 17 հունվարի, ԱՐՑԱԽՊՐԵՍ։ Armeniatoday.news-ի փոխանցմամբ, այս մասին հայտնում է The Times Of Israel-ը։
Տնօրեն Ցողիկ Կարակաշյանը նշել է, որ թանգարանը նախատեսված է ծառայելու որպես «հայերի կյանքի ուղեցույց»։
Մինչ վերակառուցումը թանգարանի շենքը, որն ի սկզբանե եղել է 1850-ականներին կառուցված ուխտավորների պանսիոնատ, ծառայել է որպես վանք, մանկատուն ցեղասպանությունից փրկված երեխաների համար, սեմինարիա և, վերջապես, փոքրիկ թանգարան և գրադարան։
Թանգարանի կենտրոնական ցուցանմուշը 5-րդ կամ 6-րդ դարերի խճանկարն է՝ զարդարված էկզոտիկ թռչուններով և խաղողի որթերով: Հայտնաբերվել է 1894 թվականին հին հայկական վանական համալիրի տարածքում։ Այն ունի հայերեն մակագրություն՝ նվիրված «բոլոր հայերի հիշատակին և փրկությանը, որոնց անունները Տերը գիտի»։
«Մենք ողջ մնացինք, քանի որ մարդիկ գիտեին, թե ով ենք մենք, և այսօր մենք պատրաստ ենք պատմել պատմության և ժառանգության, մշակույթի, ինչպես նաև մեր զարգացման և կատարելագործման մասին»,- ասել է թանգարանի էքսկուրսավար Արեգ Կախքեջյանը: Թանգարանը ցուցադրում է հայկական նյութական արվեստը, ինչպես նաև պատմում է տարածաշրջանում գոյատևման հայկական պատմությունը:
Երուսաղեմում ապրում է մոտ 6000 հայ, որոնցից շատերը ցեղասպանությունից մազապուրծ եղած մարդկանց ժառանգներ են։ Բայց հայերի կապը սուրբ քաղաքի հետ գալիս է դարերի խորքից՝ ուշ Հռոմեական կայսրության ժամանակ վանականներից ու ուխտավորներից մինչև Երուսաղեմի հայ թագուհիները։
