Artsakhpress

Հասարակական

Առողջապահության նախարարության պատասխանատուները մանրամասներ են ներկայացրել երեխաների թունավորման դեպքի վերաբերյալ

Սննդային թունավորմամբ Արցախի Հանրապետության առողջապահության նախարարության «Արևիկ» բուժմիավորում է տեղափոխվել ընդհանուր առմամբ 26 երեխա, որոնց ցուցաբերվել է համապատասխան բժշկական օգնություն:

Առողջապահության նախարարության պատասխանատուները մանրամասներ են ներկայացրել երեխաների թունավորման դեպքի վերաբերյալ

Առողջապահության նախարարության պատասխանատուները մանրամասներ են ներկայացրել երեխաների թունավորման դեպքի վերաբերյալ

ՍՏԵՓԱՆԱԿԵՐՏ, 8 դեկտեմբերի, ԱՐՑԱԽՊՐԵՍ։ Այս մասին Արցախպրես-ի թղթակցի հետ զրույցում տեղեկացրել է «Արևիկ» բուժմիավորման մանկաբույժ Էռնեստ Լալայանը:

318439351_843609710169992_624338592748333935_n.jpg (75 KB)

«Հիմնական մասը  «Արևիկ» բուժմիավորման ընդունարան է դիմել ժամը 13:00-ից հետո՝ մինչև ժամը 17:00-ն: Բոլորի մոտ նույն գանգատներն են եղել՝ փսխումներ, փորլուծություն և ջերմություն: Դիմողները եղել են 1 տարեկանից սկսած, ինչպես նաև դպրոցահասակ երեխաներ, որոնք կաթնամթերք են օգտագործել: Կլինիկորեն միջին ծանրության էր նրանց վիճակը: Ցուցաբերվել է ամբուլատոր բուժօգնություն, կատարել ենք ներերակային ֆիզոթերապիա, մոտ 2 ժամից բոլոր երեխաների վիճակը եղել է բավարար»,-ասել է բժիշկ-մանկաբույժը:

Նրա տեղեկատվությամբ՝ գիշերվա ընթացքում բուժմիավորում է դիմել ևս տասը հոգի, որոնց ցուցաբերվել է ամբուլատոր բուժօգնություն:

«Բոլորի վիճակը տվյալ պահին բավարար է գնահատվում՝ առանց գանգատների: Վերջնական պատասխանները կլինեն մոտ 3 օրից»,-նշեց Է. Լալայանը:

«Համաճարակաբանության և հիգիենայի կենտրոն» ՊՈԱԿ-ի գործադիր տնօրեն Օֆելյա Գրիգորյանի խոսքով՝ օպերատիվ աշխատանքի արդյունքում հետազոտություններ են իրականացրել ինչպես Ստեփանակերտի համար 7 դպրոցում, այնպես էլ կաթնամթերք արտադրող համապատասխան ընկերության արտադրամասում, որի 23 աշխատակից անալիզ է հանձնել:

318656407_1099092337423320_8140693593844619913_n.jpg (59 KB)

«Սուր գաստրիտ համախտանիշով «Արևիկ» բուժմիավորում են ընդունվել 1-5 տարեկան երեխաներ: Աշխատում ենք ըստ կարգի: Դեռևս թթվասերի արտադրանքը դադարեցված է, քանի որ սանիտարահիգիենիկ ստուգումներ պետք է իրականացնել, որից հետո պատասխանները պարզ կլինեն»,-նշել է Օ. Գրիգորյանը՝ տեղեկացնելով, որ ստուգումներ են սկսվել նաև հանրապետության շրջաններում. բողոքներ դեռևս չեն արձանագրվել:


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Search