Artsakhpress

Հասարակական

Ազգային Ժողովում քննարկվել է «ԱՀ 2023թ. պետական բյուջեն»

Դեկտեմբերի 1-ին հրավիրվել է ԱՀ ԱԺ պետաիրավական հարցերի ու ֆինանսաբյուջետային և տնտեսական կառավարման հարցերի մշտական հանձնաժողովների համատեղ նիստ:

Ազգային Ժողովում քննարկվել է «ԱՀ 2023թ. պետական բյուջեն»

Ազգային Ժողովում քննարկվել է  «ԱՀ 2023թ. պետական բյուջեն»
ՍՏԵՓԱՆԱԿԵՐՏ, 1 դեկտեմբերի, ԱՐՑԱԽՊՐԵՍ:  Այս մասին հայտնում են ԱՀ ԱԺ լրատվության և հանրության հետ կապերի բաժնից:
«Այն վարել են ֆինանսաբյուջետային և տնտեսական կառավարման հարցերի մշտական  հանձաժողովի նախագահ Արթուր Հարությունյանն ու  պետաիրավական հարցերի մշտական հանձնաժողովի նախագահի տեղակալ Էդուարդ Աղաբեկյանը:
 
Քննարկվել են իշխանության պետական, տեղական ինքնակառավարման, դատական մարմինների և դատախազության ֆինանսավորման հարցեր:
 
Ստեփանակերտ քաղաքի 2023 թվականի բյուջեն պլանավորվել է 2 մլրդ 442 մլն ՀՀ դրամ, որից սեփական եկամուտները 660 մլն ՀՀ դրամ են պլանավորել, 600 մլն ՀՀ  դրամ՝ տեղական տուրքեր, 51 մլն ՀՀ ՝ այլ եկամուտներ են նախատեսում: Ընդհանուր բյուջեի 1,7 մլրդ ՀՀ դրամը կկազմի պետական դոտացիան:
 
«Շրջակա միջավայրի պաշտպանություն» հոդվածով նախատեսում են 1 մլրդ 79 մլն ՀՀ դրամ, բնակարանաշինության և կոմունալ ծախսերը պլանավորել են 488 մլն ՀՀ դրամ, փողոցների լուսավորման համար՝ 179 մլն ՀՀ դրամ, մշակութային ծրագրերի համար 107 մլն ՀՀ դրամ, «Արտադպրոցական կրթություն» հոդվածով 723 մլն ՀՀ դրամ  են պլանավորել. այս և այլ տվյալները ներկայացրել ու պատգամավորների հարցադրումներին պատասխանել է քաղաքապետ Դ. Սարգսյանը: Դրանք վերաբերում էին Աջափնյակի ջրամատակարարմանը,ՊՈԱԿ-ների աշխատավարձերին և այլն:
 
Ասկերանի շրջանի տարեկան ծախսերը պլանավորել են 200 մլն ՀՀ դրամի չափով, նախորդ տարվա համեմատ՝ 2 մլն 695 հազ ՀՀ դրամով ավել, ոչ ֆինանսական ակտիվների ծախսերը կկազմեն 1 մլն ՀՀ դրամ: Աշխատավարձի ֆոնդը 2 մլն 503 հազ ՀՀ դրամով կավելանա՝ կապված պաշտոնական դրույքաչափերի ավելացման հետ:
 
Սեփական եկամուտները պլանավորել են 146 մլն ՀՀ դրամ, հարկային եկամուտները կկազմեն 96 մլն ՀՀ դրամ, ոչ հարկային եկամուտները՝ 49 մլն ՀՀ դրամ: Պետական դոտացիան գալիք տարի 13 մլն ՀՀդրամով ավել կլինի:
 
Մարտակերտի շրջանի ծախսերը պլանավորել են 458 մլն ՀՀ դրամի չափով, նախորդ տարվա համեմատ 0.17 տոկոսով ավել: Սեփական եկամուտները կկազմեն 122 մլն ՀՀ դրամ,12 մլն ՀՀ դրամով ավել:
 
Մարտունու շրջանի ծախսերը պլանավորել են 476 մլն ՀՀ դրամ: Սեփական եկամուտները կկազմեն 171 մլն ՀՀ դրամ, նախորդ տարվա համեմատ 14 մլն դրամով ավել: Բյուջեի 99.5 տոկոսը կկազմեն ընթացիկ ծախսերը:
 
Պատգամավորական հարցադրումները վերաբերում էին շրջանների կարողությունների զարգացման ծրագրերին, կառուցվող բնակարանների բաշխմանը և այլն:
 
Նախագահի աշխատակազմի ծախսերը ներկայացրել է աշխատակազմի ղեկավար Կ.Շահրամանյանը: 833 մլն ՀՀ դրամ պահպանման ծախսերի գերակշիռ մասը բաժին է ընկնում աշխատավարձի ֆոնդին՝ 713 մլն ՀՀ դրամ, նախորդ տարվա համեմատ 43 մլն ՀՀ դրամ ավելացումը պայմանավորված է պաշտոնական դրույքաչափերի բնականոն աճով:
 
ԱԺ աշխատակազմի պահպանման ծախսերը կազմելու են 794 մլն ՀՀ դրամ, այն 12  մլն ՀՀ դրամով ավել է նախորդ տարվա համեմատ, որից 9 մլն ավելացումը պայմանավորված է  պաշտոնական դրույքաչափերի բնականոն աճով:
 
Պետական նախարարի աշխատակազմի ծախսերը պլանավորված են 231 մլն ՀՀ դրամի չափով, 6 մլն ՀՀ դրամով ավել նախորդ տարվանից: Բյուջեի 89.2 տոկոսը կազմում է աշխատավարձի ֆոնդը:
 
ԱՀ նախագահի կառավարության գործերի կառավարչության պահպանման ծախսերը կազմելու են 349 մլն ՀՀ դրամ:3 մլն ՀՀ դրամը նվազեցումը պայմանավորված է մեկ հաստիքի  ու մի քանի հոդվածներով ծախսերի կրճատմամբ:
 
Ծախսերի 78 տոկոսը բաժին է ընկնում աշխատավարձային ֆոնդին/274 մլն ՀՀ դրամ/: Ծրագրային  ծախսերը  կազմում են 413, որից 313 մլն ՀՀ դրամը  նախատեսված է պատվիրակությունների ընդունման համար:
 
Դատական  համակարգի  ծախսերը նախատեսված է 733 մլն ՀՀ  դրամ, որից 650 մլն ՀՀ դրամը աշխատավարձի ֆոնդն է:
 
Դատախազության պահպանման ծախսերը նախատեսված են 602 մլն ՀՀ դրամ ,8 մլն ՀՀ դրամ ավելացումը պայմանավորված է դասային աստիճանների փոփոխությամբ, կրճատվել են ներքին գործուղումների ծախսերը:
 
Արդարադատության նախարարության բյուջեն կկազմի 507 մլն ՀՀ  դրամ,48 մլն ՀՀ դրամ ավելացումը պայմանավորված է աշխատավարձերի բնականոն աճով,3 մլն ՀՀ դրամ նախատեսված է ներքին գործուղումների,1 մլն ՀՀ դրամ «Մասնագիտական ծառայություններ» հոդվածով, 2 մլն 800 հազ ՀՀ դրամով էլ ձեռք կբերվեն սարքավորումներ:
 
Համատեղ նիստը շարունակվել է օրվա երկրորդ կեսին: Քննարկման են ներկայացվել քննչական և պետական տեսչությունների կառավարման  կոմիտեների, հաշվեքննիչ պալատի, պետական վերահսկողական ծառայության , մարդու իրավունքների պաշտպանի, քաղաքացիական ծառայության խորհրդի, կենտրոնական ընտրական հանձնաժողովի 2023թ ֆինանսավորման հարցերը:
 
Քննչական կոմիտեի ծախսերը կկազմեն 580 մլն ՀՀ դրամ, որի 88.5 տոկոսը կազմում է աշխատավարձի ֆոնդը, այն 96 մլն ՀՀ դրամով ավել է լինելու՝ պայմանավորված հաստիքների ավելացմամբ ու գործակիցների փոփոխությամբ:
 
ԱՀ հաշվեքննիչ պալատի 2023 թվականի ծախսը՝ պալատի խորհրդի նախագահ Տիգրան Ծատրյանի փոխանցմամբ՝ կազմելու է  197 մլն 617.6 հազ ՀՀ դրամ, որը աճել է  նախորդ տարվա նախատեսվածից 3 մլն 533.7 հազ ՀՀ դրամով:
 
ԱՀ պետական վերահսկողական ծառայության հանրային ծառայությունների ապահովման համար 2023 թվականի պետական բյուջեի նախագծով նախատեսվել է 222 մլն 867,3 հազ. ՀՀ դրամ: Ծառայության պետ Մ. Աբրահամյանը մանրամասն ներկայացնելով  ֆինանսների բաշխումը ըստ առանձին հոդվածների, նշել է, որ   2022 թվականի 9 ամիսների կտրվածքով պետական բյուջեի նախագծով Ծառայության համար նախատեսվել էր 164 մլն 496,6 հազ. ՀՀ դրամ:
 
ԱՀ պետական տեսչությունների կառավարման կոմիտեի նախագահ Լ. Սարգսյանի տեղեկացմամբ՝ կոմիտեի պահպանման ծախսերը նախատեսվում է 339 մլն 441 հազ 800 ՀՀ դրամ, որից աշխատավարձի ֆոնդը կազմելու է 326 մլն 297 հազ 700 ՀՀ դրամ, որը կազմում է կոմիտեի ընդհանուր բյուջեի 96 տոկոսը:
 
Մարդու իրավունքների պաշտպան Գեղամ Ստեփանյանի խոսքով՝ 2023թ. պաշտպանի աշխատակազմին հատկացվելիք գումարը կազմելու է  82 մլն 333 հազ 400 ՀՀ  դրամ, որը նախորդ տարվա համեմատ աճել է 4 մլն 565 հազ 500 ՀՀ դրամով: Աշխատավարձի ֆոնդը ավելացել է 4 մլն 502 հազ900 ՀՀ դրամով, որը պայմանավորված է գործող օրենսդրության համաձայն պետական ծառայողների աշխատանքնային ստաժի գործակիցների ամենամյա և համապատասխանաբար
 
«Պետական ծառայության վարձատրության» մասին օրենքի համաձայն կիսամյակային պարգևատրության ֆոնդի աճով, ինչպես նաև ԱՀ Մարդու իրավունքների պաշտպանի օգնականի մեկ միավոր հաստիքի ավելացմամբ: Աշխատավարձային ֆոնդը կազմում է 75 մլն 683 հազ 700 ՀՀ դրամ:
 
Քաղծառայության խորհրդի 2023թ-ի պահպանման ծախսերը նվազել են  525 հազ ՀՀ դրամով՝ կազմելով 123.8 մլն ՀՀ դրամ:
 
Համաձայն կենտրոնական ընտրական հանձնաժողովի նախագահի տեղակալի  ներկայացրած տեղեկատվության՝ 2023թվականին կենտրոնական ընտրական հանձնաժողովի բյուջեի ծախսը կազմելու է 92 մլն 935.8 հազ ՀՀ դրամ, որը նախորդ տարվա համեմատ  աճել է 4 մլն 588.3  հազ ՀՀ դրամով՝ պայմանավորված աշխատավարձի բնականոն աճով:
 
Զեկուցողները պատասխանել են պատգամավորների առաջադրած հարցերին»:

     

Քաղաքական

«ՄԱԿ-ի դատարանը վերջին հույսն է ԼՂ-ի հայերի համար»․ Եղիշե Կիրակոսյանը՝ ՄԱԿ-ի դատարանում

Այստեղ՝ այս դատարանում հանդես եմ գալիս որպես վերջին միջոց։ Եթե դատարանն անհապաղ միջոցներ չձեռնարկի, ԼՂ հայերն անհնարին ընտրության առաջ կկանգնեն՝ թողնել իրենց պապենական տները, կամ մնալ այնտեղ և սովամահ լինել:

Հայաստանի շահերը ներկայացնող փաստաբանը ՄԱԿ-ի դատարանում փաստարկված ներկայացրել է Ադրբեջանի իրական նպատակները

Հայաստանի հայցը ներկայացնող փաստաբաններից Լոուրենս Մարտինը ՄԱԿ-ի արդարադատության միջազգային դատարանում ներկայացրեց Ադրբեջանի կողմից Լեռնային Ղարաբաղի շրջափակման հիմնական նպատակները և այն համատեքստը, որում շրջափակումը տեղի է ունենում, մարդասիրական ծանրագույն հետևանքները, որոնք առաջանում են Ադրբեջանի գործողությունների պատճառով, ինչպես նաև հիմնավորեց, թե ինչո՞ւ Ադրբեջանի արդարացումներից ոչ մեկը վստահության արժանի չէ։

ՌԴ-ն Հարավային Կովկասում առաջնահերթ է համարում հայ-ադրբեջանական հակամարտության կարգավորումը

Ռուսաստանն ինտենսիվ կերպով աշխատում է Հարավային Կովկասում կուտակված «հակամարտային ներուժի» հաղթահարման և հայ-ադրբեջանական հարաբերությունների կարգավորման ուղղությամբ, նաև ողջունում է առաջընթացը հայ-թուրքական հարաբերությունների վերականգնման գործում:

Մենք խորապես անհանգստացած ենք Երուսաղեմում տեղի ունեցող բռնություններից. Վահան Հունանյան

Մենք խորապես անհանգստացած ենք վերջին բռնությունների և վանդալիզմի կապակցությամբ, որոնք ուղղված են Երուսաղեմի քրիստոնեական կրոնական հաստատությունների, ներառյալ՝ Հայոց պատրիարքարանի ու Հին քաղաքի հայ բնակիչների դեմ։

Տնտեսական

Հասարակական

Բրիտանական կազմակերպությունը 350 000 ֆունտ ստերլինգ է հատկացրել Լաչինի միջանցքի շրջափակումից տուժածներին

Բրիտանական Start բարեգործական հիմնադրամը 350 000 ֆունտ ստերլինգ է հատկացրել Լաչինի միջանցքի շրջափակումից տուժածների աջակցմանը:

«ԼՂ-ի շրջափակումը լրիվ համապատասխանում է էթնիկ զտման երկարատև քաղաքականությանը»․ ՀՀ-ի շահերը ՄԱԿ-ում ներկայացնող պրոֆեսոր  

«Կասկած չկա, որ Լաչինի միջանցքի շրջափակումը և դրան առնչվող միջոցները հակասում են խտրականության ընդհանուր արգելմանը։ Շրջափակումը խտրական է։ Այն նպատակ է հետապնդում խոչընդոտել էթնիկ հայերին իրենց իրավունքներն իրացնել մյուս մարդկային խմբերի հետ հավասարապես»,-ՄԱԿ-ի Արդարադատության միջազգային դատարանում (ICJ) Հայաստանն ընդդեմ Ադրբեջանի գործով բանավոր լսումների ժամանակ հայտարարեց պրոֆեսոր Լինոս Ալեքսանդր Սիսիլիանոսը։  

Ժամանակավորապես կդադարեցվի ներդրումային և ԳԳԱ հիմնադրամների նկատմամբ պարտավորությունների գծով տոկոսների և տույժերի հաշվեգրումը

Արցախը Հայաստանին կապող միակ ճանապարհը Ադրբեջանի կողմից արգելափակման պատճառով առաջացած ֆինանսական ճգնաժամի մեղմման անհրաժեշտությունից ելնելով` Արցախի ներդրումային հիմնադրամի և Արցախի գյուղի և գյուղատնտեսության աջակցության հիմնադրամի խորհուրդները որոշում են կայացրել հիմնադրամների նկատմամբ ունեցած պարտավորությունների գծով տոկոսների և տույժերի հաշվեգրումը ժամանակավորապես դադարեցնել 2023թ․ փետրվարի 1-ից։

Ամենայն Հայոց Կաթողիկոսը ցավակցագիր է հղել Իրանի նախագահին

Հունվարի 30-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը ցավակցական նամակ է հղել Իրանի Իսլամական Հանրապետության նախագահ Էբրահիմ Ռայիսիին՝ Իրանի Խոյ քաղաքում տեղի ունեցած աղետալի երկրաշարժի կապակցությամբ:

Ռազմական

Տեսանյութեր

ավելին

Ամենադիտված

ամիս

շաբաթ

օր

Հունվարի 26-ի հովհարային անջատումների գրաֆիկը

Հունվարի 25-ի հովհարային անջատումների գրաֆիկը

Հունվարի 30-ի հովհարային անջատումների գրաֆիկը

Հովհարային անջատումները կիրականացվեն օրական 3 անգամ՝ յուրաքանչյուրը 2 ժամ տևողությամբ․ Արցախէներգո

Հունվարի 29-ի հովհարային անջատումների գրաֆիկը

Բաքվի պլանը հետեւյալն է՝ մի քանի օրով բացել միջանցքը՝ ակնկալիքով, որ հայերը զանգվածաբար կլքեն իրենց տները. Փաշինյան

Ադրբեջանական հատուկ ծառայությունները Ստեփանակերտ քաղաքի բնակիչներին տարհանելու վերաբերյալ կեղծ փաստաթղթեր են տարածում

Բնակչությանը կոչ ենք անում բարեխղճորեն կատարել դեկտեմբերի կոմունալ վճարումները․ Տեղեկատվական շտաբ

Այսօրվանից Ստեփանակերտում և Արցախի շրջաններում կդադարեցվի գազալցակայանների աշխատանքը

Search