Artsakhpress

Քաղաքական

Նյութական վնասների հարցերի կոմիտեի նախագահը հորդորում է զերծ մնալ չճշտված, իրականության հետ կապ չունեցող տեղեկություններ տարածելուց

Արցախի Հանրապետության նյութական վնասների հարցերի կոմիտեի նախագահ Վահրամ Ղահրամանյանը հայտարարություն է տարածել՝ նշելով, որ կառույցի գործունեության թափանցիկությունն ու հրապարակայնությունը ապահովելու համար հաճախ է հարցազրույցներ տալիս և ամենայն անկեղծությամբ ու պատասխանատվության բարձր զգացումով պատասխանում ցանկացած հարցի։

Նյութական վնասների հարցերի կոմիտեի նախագահը հորդորում է զերծ մնալ չճշտված, իրականության հետ կապ չունեցող տեղեկություններ տարածելուց

Նյութական վնասների հարցերի կոմիտեի նախագահը  հորդորում է զերծ մնալ  չճշտված, իրականության հետ կապ չունեցող տեղեկություններ տարածելուց
ՍՏԵՓԱՆԱԿԵՐՏ, 1 դեկտեմբերի, ԱՐՑԱԽՊՐԵՍ: «Կոմիտեի գործունեության թափանցիկությունն ու հրապարակայնությունը ապահովելու համար ժամանակ առ ժամանակ հարցազրույցներ եմ տալիս և ամենայն անկեղծությամբ ու պատասխանատվության բարձր զգացումով պատասխանում մեզ ուղղած ցանկացած հարցի։ Որպես Կոմիտեի նախագահ, ուղղակի պարտավոր եմ արձագանքել վերջին հարցազրույցի հետ կապված մեր քաղաքացիների թողած մեկնաբանություններին ու արտահայտած կարծիքներին, հակառակ դեպքում մարդիկ կմտածեն՝ եթե չեն արձագանքում, չեն հակադարձում, ուրեմն այդպես էլ կա, իրենք ճիշտ են։
 
Հաշվի առնելով, որ շահառուներից շատերը չեն ճանաչում, իսկ ճանաչողներից որոշների հիշողությունը շատ կարճ է՝ չուզենալով, բայց ստիպված, մի երկու բան պիտի ասեմ. 20 տարեկանից ներգրավված եմ եղել Արցախյան շարժմանը։ Երջանիկ պատահականությամբ կենդանի ենք մնացել, միշտ ծառայել ու հիմա էլ ծառայում ենք հայրենիքին ու մեր ժողովրդին։ Պետական պաշտոնը եթե պատշաճ ես վարում, նախ ծանր բեռ ու պարտավորություն է՝ բարձր պատասխանատվություն, այլ ոչ թե արտոնություն։ Համենայնդեպս ես այդպես եմ մտածում։
 
Կոմիտեն նյութական վնաս կրած անձանց աջակցության գումարները վճարել է բացառապես մինչև Կոմիտեի ստեղծումը, այսինքն՝ 2021թ․ կայացրած որոշումների հիման վրա։ Կոմիտեն, իր կայացրած որոշումներով, բացառության կարգով, վճարել է սոցիալապես ծանր վիճակում գտնվող ընդամենը 5 շահառուի, որոնցից երեքը՝ զոհվածի ծնող, մեկը՝ երկու ոտքը կորցրած զինհաշմանդամ, մեկն էլ՝ կյանքին վտանգ սպառնացող հիվանդությամբ տառապող ու արտերկրում բուժման կարիք ունեցող տեղահանված։ Վեցերորդը չկա, եթե այդ մասին, այսինքն վեցերորդի մասին խոսվի, ուրեմն կեղտոտ հերյուրանքներ ու բամբասանքներ են։ Մենք անցյալը չենք փորփրել, թե ով ի՞նչ է արել, ինչ սխալներ ու անարդարություններ է թույլ տվել։ Գիծ ենք քաշել ու շարժվել առաջ։ Սահմանել ենք հստակ սկզբունքներ ու առաջնահերթություն տվել.
 
բոլոր պատերազմներում զոհված ազատամարտիկների ընտանիքների անդամներին
 
1-ին և 2-րդ կարգի զինհաշմանդամներին,
 
3-րդ կարգի զինհաշմանդամներին,  պատերազմական գործողությունների հետևանքով տեղահանվածներին, բազմազավակներին...
 
պատերազմական գործողությունների մասնակիցներին և նրանց ընտանիքների անդամներին։
 
Մենք բաց ենք բոլորի համար, Կոմիտեի նախագահի մոտ ամեն օր քաղաքացիների ընդունելություն է կազմակերպվում։ Եվս մեկ անգամ հստակեցնում եմ.  մինչև հիմա վճարված գումարների հետ Կոմիտեն բացարձակապես կապ չունի, բացի նշածս 5 հոգուց։ Բոլոր վճարումները կատարվել են մինչև Կոմիտեի ստեղծումը կայացված որոշումների հիման վրա։ Կոմիտեն պատասխանատու է 2022թ․ կայացված որոշումների, ավելի ստույգ 2022թ․ ապրիլից հետո կայացված որոշումների համար։ Փորձելով ըմբռնումով մոտենալ, հասկանալով մարդկանց սոցիալական ծանր վիճակը, խնդրում և հորդորում ենք մեր քաղաքացիներին տարածել միայն ճիշտ տեղեկություններ, չճշտված, իրականության հետ կապ չունեցող բամբասանքներ չտարածել։ Դա շատ վատ անդրադարձ է ունենում։
 
Մեր կողմից հավելեմ, որ խարդախության բազմաթիվ դեպքերի ենք առնչվել՝ մեր քաղաքացիների կողմից կատարված, որի դեմ անողոք պայքարելու ենք»,-ընդգծել է ԱՀ Նյութական վնասների հարցերի կոմիտեի նախագահը։

     

Քաղաքական

«ՄԱԿ-ի դատարանը վերջին հույսն է ԼՂ-ի հայերի համար»․ Եղիշե Կիրակոսյանը՝ ՄԱԿ-ի դատարանում

Այստեղ՝ այս դատարանում հանդես եմ գալիս որպես վերջին միջոց։ Եթե դատարանն անհապաղ միջոցներ չձեռնարկի, ԼՂ հայերն անհնարին ընտրության առաջ կկանգնեն՝ թողնել իրենց պապենական տները, կամ մնալ այնտեղ և սովամահ լինել:

Հայաստանի շահերը ներկայացնող փաստաբանը ՄԱԿ-ի դատարանում փաստարկված ներկայացրել է Ադրբեջանի իրական նպատակները

Հայաստանի հայցը ներկայացնող փաստաբաններից Լոուրենս Մարտինը ՄԱԿ-ի արդարադատության միջազգային դատարանում ներկայացրեց Ադրբեջանի կողմից Լեռնային Ղարաբաղի շրջափակման հիմնական նպատակները և այն համատեքստը, որում շրջափակումը տեղի է ունենում, մարդասիրական ծանրագույն հետևանքները, որոնք առաջանում են Ադրբեջանի գործողությունների պատճառով, ինչպես նաև հիմնավորեց, թե ինչո՞ւ Ադրբեջանի արդարացումներից ոչ մեկը վստահության արժանի չէ։

ՌԴ-ն Հարավային Կովկասում առաջնահերթ է համարում հայ-ադրբեջանական հակամարտության կարգավորումը

Ռուսաստանն ինտենսիվ կերպով աշխատում է Հարավային Կովկասում կուտակված «հակամարտային ներուժի» հաղթահարման և հայ-ադրբեջանական հարաբերությունների կարգավորման ուղղությամբ, նաև ողջունում է առաջընթացը հայ-թուրքական հարաբերությունների վերականգնման գործում:

Մենք խորապես անհանգստացած ենք Երուսաղեմում տեղի ունեցող բռնություններից. Վահան Հունանյան

Մենք խորապես անհանգստացած ենք վերջին բռնությունների և վանդալիզմի կապակցությամբ, որոնք ուղղված են Երուսաղեմի քրիստոնեական կրոնական հաստատությունների, ներառյալ՝ Հայոց պատրիարքարանի ու Հին քաղաքի հայ բնակիչների դեմ։

Տնտեսական

Հասարակական

Բրիտանական կազմակերպությունը 350 000 ֆունտ ստերլինգ է հատկացրել Լաչինի միջանցքի շրջափակումից տուժածներին

Բրիտանական Start բարեգործական հիմնադրամը 350 000 ֆունտ ստերլինգ է հատկացրել Լաչինի միջանցքի շրջափակումից տուժածների աջակցմանը:

«ԼՂ-ի շրջափակումը լրիվ համապատասխանում է էթնիկ զտման երկարատև քաղաքականությանը»․ ՀՀ-ի շահերը ՄԱԿ-ում ներկայացնող պրոֆեսոր  

«Կասկած չկա, որ Լաչինի միջանցքի շրջափակումը և դրան առնչվող միջոցները հակասում են խտրականության ընդհանուր արգելմանը։ Շրջափակումը խտրական է։ Այն նպատակ է հետապնդում խոչընդոտել էթնիկ հայերին իրենց իրավունքներն իրացնել մյուս մարդկային խմբերի հետ հավասարապես»,-ՄԱԿ-ի Արդարադատության միջազգային դատարանում (ICJ) Հայաստանն ընդդեմ Ադրբեջանի գործով բանավոր լսումների ժամանակ հայտարարեց պրոֆեսոր Լինոս Ալեքսանդր Սիսիլիանոսը։  

Ժամանակավորապես կդադարեցվի ներդրումային և ԳԳԱ հիմնադրամների նկատմամբ պարտավորությունների գծով տոկոսների և տույժերի հաշվեգրումը

Արցախը Հայաստանին կապող միակ ճանապարհը Ադրբեջանի կողմից արգելափակման պատճառով առաջացած ֆինանսական ճգնաժամի մեղմման անհրաժեշտությունից ելնելով` Արցախի ներդրումային հիմնադրամի և Արցախի գյուղի և գյուղատնտեսության աջակցության հիմնադրամի խորհուրդները որոշում են կայացրել հիմնադրամների նկատմամբ ունեցած պարտավորությունների գծով տոկոսների և տույժերի հաշվեգրումը ժամանակավորապես դադարեցնել 2023թ․ փետրվարի 1-ից։

Ամենայն Հայոց Կաթողիկոսը ցավակցագիր է հղել Իրանի նախագահին

Հունվարի 30-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը ցավակցական նամակ է հղել Իրանի Իսլամական Հանրապետության նախագահ Էբրահիմ Ռայիսիին՝ Իրանի Խոյ քաղաքում տեղի ունեցած աղետալի երկրաշարժի կապակցությամբ:

Ռազմական

Տեսանյութեր

ավելին

Ամենադիտված

ամիս

շաբաթ

օր

Հունվարի 26-ի հովհարային անջատումների գրաֆիկը

Հունվարի 25-ի հովհարային անջատումների գրաֆիկը

Հունվարի 30-ի հովհարային անջատումների գրաֆիկը

Հովհարային անջատումները կիրականացվեն օրական 3 անգամ՝ յուրաքանչյուրը 2 ժամ տևողությամբ․ Արցախէներգո

Հունվարի 29-ի հովհարային անջատումների գրաֆիկը

Բաքվի պլանը հետեւյալն է՝ մի քանի օրով բացել միջանցքը՝ ակնկալիքով, որ հայերը զանգվածաբար կլքեն իրենց տները. Փաշինյան

Ադրբեջանական հատուկ ծառայությունները Ստեփանակերտ քաղաքի բնակիչներին տարհանելու վերաբերյալ կեղծ փաստաթղթեր են տարածում

Բնակչությանը կոչ ենք անում բարեխղճորեն կատարել դեկտեմբերի կոմունալ վճարումները․ Տեղեկատվական շտաբ

Այսօրվանից Ստեփանակերտում և Արցախի շրջաններում կդադարեցվի գազալցակայանների աշխատանքը

Search