Artsakhpress

Հարցազրույց

Քաղաքացիների օրինապահության և անվտանգության ապահովումն իրականացվում է օրենքով մեզ վերապահված լիազորությունների ողջ ծավալով. ՆԳ նախարար

Ոստիկանության աշխատակցի մասնագիտական օրվա առթիվ Արցախի Հանրապետության Ներքին գործերի նախարար Կարեն Սարգսյանը հարցազրույց է տվել «Արցախպրես»-ին՝ անդրադառնալով համակարգի գործունեության ներկա առանձնահատկություններին, ձեռքբերումներին ու կատարված աշխատանքին:

Քաղաքացիների օրինապահության և անվտանգության ապահովումն իրականացվում է օրենքով մեզ վերապահված լիազորությունների ողջ ծավալով. ՆԳ նախարար

Քաղաքացիների օրինապահության և անվտանգության ապահովումն  իրականացվում է օրենքով մեզ վերապահված լիազորությունների ողջ ծավալով. ՆԳ նախարար

ՍՏԵՓԱՆԱԿԵՐՏ, 30 նոյեմբեր, ԱՐՑԱԽՊՐԵՍ։ Հարցազրույցը ներկայացնում ենք ստորև․

-Պարոն նախարար, ինչպիսի՞ առանձնահատկություններ ունի այսօր ոստիկանության ծառայությունը, կառույցը որքանո՞վ է կարողանում իրագործել իր առջև դրված խնդիրները։

-Ըստ էության, ինչպես բոլոր կառույցների, այնպես էլ ոստիկանության կատարած աշխատանքի գնահատականը կարծում եմ լավագույնս տալիս է հանրությունը: Սակայն, չեմ կարող չնշել, որ համակարգն իսկապես մեծ աշխատանք է իրականացնում Հանրապետությունում հասարակական կարգի պահպանման, հանցագործությունների կանխման և բացահայտման ուղղությամբ: Արցախի ոստիկանն իր ծառայությամբ արտահայտում է մեր բոլոր պատկերացումները՝ երկրի ներքին ու արտաքին անվտանգության վերաբերյալ: Առիթը բաց չթողնելով, իմ երախտագիտությունն եմ հայտնում համակարգի բոլոր ստորաբաժանումների ծառայողներին: Նրանք ոչ միայն իրագործում են իրենց պարտավորությունները, այլ ամենօրյա աշխատանքի արդյունք է այն, որ վերջին մեկ տարվա տվյալներով զգալիորեն նվազել է առանձնապես ծանր, ծանր ու միջին ծանրության հանցագործությունների նկարագիրը: Ոստիկանն իր առաքելությամբ հասարակության մեջ արթուն է պահում միտքը, որ Արցախում օրենքը բոլորի համար հավասար է: Սա սկզբունք է, որով առաջնորդվում է Արցախի ՆԳ նախարարությունը:

-Համակարգում այսօր ի՞նչ խնդիրներ կան և ինչպիսի՞ քայլեր են ձեռնարկվում դրանց հրատապ լուծման համար։

-Կարծեմ իմ հարցազրույցներից մեկում նշել եմ, որ խնդիրների մասին ոչ թե բարձրաձայնելու փոխարեն գերադասում եմ, դրանք լուծելը: Պատերազմի ժամանակ երբ հրթիռակոծության են ենթարկվել խաղաղ բնակավայրերը, մեծապես տուժել են նաև ոստիկանության և արտակարգ իրավիճակների ծառայության կենտրոնական ու տարածքային ստորաբաժանումները: Անցած 2 տարիների ընթացքում ծառայությանը զուգահեռ, մենք ձեռնամուխ ենք եղել վերանորոգել, բարեկարգել, ՆԳՆ ծառայողների համար ստեղծել արդի չափանիշներին համապատասխան պայմաններ: Այս ամենից բացի, նյութատեխնիկական բազայի համալրման և անհրաժեշտ գույքի խնդիր կար, որը դարձյալ լուծվել է և կառավարության միջոցներով և անհատ բարերարների շնորհիվ: Բարեփոխումները սակայն, այսքանով չեն սահմանափակվում: Ինձ համար առաջնայինը նաև Ոստիկանության և Արտակարգ իրավիճակների պետական ծառայության կադրային սպաների ու ծառայողների մասնագիտական ունակությունների բարձրացմանը միտված քայլերն են, որնց ուղղությամբ ամենօրյա աշխատանք է իրականացվում:

-Ո՞րն է Արցախի Հանրապետության ոստիկանության գերխնդիրը։

-Ոստիկանության գերխնդիրը հասարակական կարգի պահպանումն է, բոլոր քաղաքացիների օրինապահության և անվտանգության ապահովումը: Այդ գերխնդիրն իրականացվում է օրենքով մեզ վերապահված լիազորությունների ողջ ծավալով: Մենք ապրում ենք Արցախի համար ճակատագրական ժամանակահատվածում, մեր բնակավայրերի մեծ մասն առաջնագիծ է դարձել: Արցախի սահմանամերձ բնակավայրերում, կրթօջախներում ոստիկանությունը պարեկային ծառայություն է իրականացնում, օրը՝ 24 ժամ լինելով քաղաքացու կողքին: Այսինքն, օրենքով վերապահված պարտականություններից բացի, ոստիկանը պատրաստ է ցանկացած իրավիճակում կատարել նույնիսկ ամենաբարդ առաջադրանքը:

-Ի՞նչ քայլեր են կատարվում ոստիկանության գործունեության արդյունավետության շարունակական բարձրացման ուղղությամբ:

- Նախ նշեմ, որ իր գործառույթներն իրականացնելու համար, ոստիկանությունն առաջնորդվում է օրինականության շրջանակներում և մեծ աշխատանք է կատարում ոստիկանության գործունեության օրենսդրական դաշտի ձևավորման և այդ օրենքները պատշաճ իրագործելու ուղղությամբ: Որպես ոլորտի գլխավոր պատասխանատու, ինձ համար էականը հանցավոր դրսևորումների բացառումն է և պայքարը՝ ներքին անվտանգության ապահովման ուղղությամբ: Մենք փորձում ենք ստեղծել բոլոր անհրաժեշտ պայմանները՝ մեր հայրենակիցների խաղաղ կենսագործունեության համար:

-Ի՞նչ կմաղթեք համակարգի ծառայողներին տոն օրվա առթիվ։

-Կցանականամ, որ յուրաքանչյուր ծառայող, որպես իրավապահ կառույցի ներկայացուցիչ, որոշումներ կայացնելիս, առաջնորդվի ընդհանուր արժեհամակարգի պահանջներով ու պատասխանատու լինի իր խղճի առաջ: Անկոտրում պայքար, ուժ ու համբերություն եմ մաղթում բոլորիս ու բարեկեցություն մեր օջախներին:


     

Քաղաքական

ՄԱԿ անտարբերությունը 120 հազար մարդուն արգելափակելու առնչությամբ ազդակ կդառնա այն մասին, որ այս կառույցը մի կողմ է նետել իր գոյության իմաստը․ Զոհրաբ Մնացականյան

Հայաստանի նախկին արտգործնախարար, Միավորված ազգերի կազմակերպությունում (ՄԱԿ) 2014-2018թթ․ Հայաստանի մշտական ներկայացուցիչ Զոհրաբ Մնացականյանը հոդված է հրապարակել «Newsweek» պարբերականում՝ անդրադառնալով Ադրբեջանի կողմից Արցախը Հայաստանին ու արտաքին աշխարհին կապող միակ ճանապարհի՝ Լաչինի միջանցքի արգելափակմանը և այս հարցում ՄԱԿ-ի անբավարար արձագանքին։ Ներկայացնում ենք «Որքան օգտակար է ՄԱԿ-ը, եթե այն չի պաշտպանում իր հիմնարար սկզբունքները» խորագիրը կրող հոդվածը՝ մասնակի կրճատումներով․ «Միավորված ազգերի կազմակերպությունը, որն իր հիմնադրման պահին ներառում էր 51 անկախ պետություն, այժմ վերածվել է 193 անդամ միավորող կառույցի, ինչը մեծ քայլ է ինքնորոշման համար: Սակայն երբեմն այն, իր կաթվածահարության և անգործության պատճառով, ակամա վավերացրել է էթնիկ փոքրամասնություններին հալածող ավտորիտար պետությունները: Այս պահին հենց դա է տեղի ունենում Լեռնային Ղարաբաղում, որը հայ բնակչության կողմից կոչվում է Արցախ: ՄԱԿ անտարբերությունը մոտ մեկ ամիս 120 հազար մարդուն արգելափակելու առնչությամբ ազդակ կդառնա այն մասին, որ այս կառույցը մի կողմ է նետել իր գոյության իմաստը: Ի վերջո, ՄԱԿ-ի հիմնարար նպատակն է աջակցել բոլոր ժողովուրդների՝ իրենց կամքը խաղաղ պայմաններում արտահայտելու իրավունքին։ Շատ բազմէթնիկ ազգեր հենց այդպես էլ արել են՝ ապրելով ներդաշնակության և ժողովրդավարության մեջ: Սակայն մյուսները, հաճախ հենվելով «պատմության» խեղված տարբերակների վրա, կառուցել են խտրականության, անհանդուրժողականության և բռնության միջավայր: Եթե ՄԱԿ-ը լուրջ է վերաբերում ազատությունը խթանելու և բռնությունը կանխելու իր պարտականությանը, ապա այն չի կարող թույլ տալ ճնշել ազատությունը միայն այն պատճառով, որ դա տեղի է ունենում անդամ պետության սահմաններում: 1990-ականներին և 2000-ականների սկզբին Սերբիայից Սլոբոդան Միլոշևիչը, Ինդոնեզիայից Բ.Ջ. Հաբիբին և Սուդանից Օմար ալ-Բաշիրը բոլորն օգտագործել են իրենց երկրների՝ ՄԱԿ-ում ինքնիշխան պետության կարգավիճակը, այսպես կոչված, «ինքնիշխանության հաստ վարագույրը»՝ անպատիժ գործելու համար: Այս առաջնորդները հակադարձում էին ապացուցված փաստերին՝ հավաստիացնելով ՄԱԿ-ի գլխավոր քարտուղարին և միջազգային հանրությանը, որ իրենց երկրներում ամեն ինչ լավ է: Գործողությունները կանխարգելելու նպատակով նրանք առաջ քաշեցին նեղ շահեր՝ այդպիսով մանիպուլացնելով ՄԱԿ անդամ պետություններին, այդ թվում՝ Անվտանգության խորհրդի հինգ մշտական անդամներին: Մյուսները հետևեցին նրանց օրինակին։ Նման բռնակալների համար ՄԱԿ-ը երբեմն ծառայել է որպես ակամա վահան մարդու իրավունքների կոպիտ խախտումների համար: Կոսովոյի, Արևելյան Թիմորի և Դարֆուրի ժողովուրդների համար, ի թիվս այլոց, դա հանգեցրեց զանգվածային ողբերգության: Տասնամյակներ շարունակ Արցախի ժողովուրդը պայքարել է ազատության համար՝ ընդդեմ Ադրբեջանի բռնապետության, որն իր տանիքի ներքո մարդու իրավունքների ոտնահարման և ճնշումների ապշեցուցիչ ցուցանիշներ ունի: Միևնույն ժամանակ, Արցախը ցուցադրել է ժողովրդավարական ձևով ինքնակառավարվելու կարողություն՝ մարդկանց իրավունքների և ազատությունների նկատմամբ լիակատար հարգանքով: Բաքվի ավտոկրատներն արձագանքեցին՝ պարբերաբար մանիպուլացնելով ինչպես ՄԱԿ-ի անդամներին միջազգային մակարդակով, այնպես էլ՝ իրենց սեփական ժողովրդին՝ երկրի ներսից: Նրանք քարոզչությունն օգտագործել են հայերի՝ որպես թշնամու կերպարը ստեղծելու համար՝ այդպիսով հանգեցնելով միջազգային անգործության և նույնիսկ որոշակի աջակցության իրենց տոտալիտար ռեժիմին: 2020 թվականին Արցախի դեմ ագրեսիայի վերսկսումից ի վեր հազարավոր հայեր սպանվել և խեղվել են, իսկ տասնյակ հազարները՝ բռնի տեղահանվել։ Այժմ՝ դեկտեմբերի 12-ից մինչ օրս, Արցախը շրջափակված է։ Կանայք, երեխաները և տարեցները հայտնվել են թակարդում՝ առանց սննդի, դեղորայքի և այլ հիմնական պարագաների այս սառնամանիքին։ Տեղի են ունեցել գազի և էլեկտրաէներգիայի ընդհատումներ: Այս ամենը հանգեցրել է իրական հումանիտար ճգնաժամի։ Ադրբեջանի մոտ անպատժելիության զգացումը և դրա հետևանք հանդիսացող ռազմական գործողությունները, որոնք արձանագրվել են նաև ՄԱԿ-ի Արդարադատության միջազգային դատարանի կողմից, հավանական շատ ավելի վատ զարգացման նախադրյալներ են: Վտանգներն ավելի են մեծանում Արցախում միջազգային աչքի ու ականջի բացակայության պայմաններում։ Ցեղասպանության կանխարգելման ցանցը զգուշացրել է, որ դա «էթնիկ զտումների և հայերին Արցախից դուրս մղելու» փորձ է։ Դեռևս 1990-ականներին ՄԱԿ-ի նախկին գլխավոր քարտուղար Քոֆի Անանը դրսևորեց խիզախություն և վճռականություն՝ ուժով համոզելով միջազգային հանրությանը վճռականորեն գործելու ծայրահեղ տառապանքի և բռնության պայմաններում: Նա պնդել է մարդկային անվտանգության և ժողովրդի պաշտպանության գերակայությունը, ում անունից էլ գրվել է ՄԱԿ-ի կանոնադրությունը։ «Ինքնիշխանության խիստ ավանդական պատկերացումներն այլևս չեն կարող լիարժեքորեն արձագանքել ամենուրեք ժողովուրդների՝ իրենց հիմնարար ազատություններին հասնելու ձգտումներին», - 1999 թվականի սեպտեմբերին ասել է նա ՄԱԿ-ի Գլխավոր ասամբլեայում: Այդ ժամանակից ի վեր ՄԱԿ-ը վերափոխվել է՝ ստեղծելով պաշտպանության և կանխարգելման հնարավորությունների մշակված համակարգ՝ վաղ նախազգուշացումից և գործողություններից մինչև կանխարգելիչ դիվանագիտություն, խաղաղության հաստատում և խաղաղապահություն: Հայաստանը հետևողականորեն նպաստել է այդ նախաձեռնությանը, մասնավորապես՝ ցեղասպանության կանխարգելման ջանքերին: Արցախում վատթարացող իրադրությունը վերահաս հումանիտար աղետի և բռնության վաղ նախազգուշացման դասական օրինակ է: Եթե արձագանքման քայլեր չձեռնարկվեն, ապա որն է ՄԱԿ բարեփոխման իմաստը: «Both-sidesism»-ը՝ կեղծ, սակայն երկու կողմերին դիվանագիտորեն մեղադրող դիրքորոշումը, և նեղ ու հակասական շահերի խառնաշփոթը ոչինչ չեն անում Արցախի ժողովրդի համար: Ավելին, դրանք սարսափելի ուղերձ են ուղարկում մարդկանց ամենուր և կանաչ լույս են տալիս բռնակալներին: Որպես ՄԱԿ-ում Հայաստանի նախկին դեսպան՝ ես ցավում եմ տեղի ունեցող իրադարձությունների, ինչպես նաև մտահոգված եմ կազմակերպության վստահելիության և ապագայի առնչությամբ: Եկել է ՄԱԿ-ի առաջնորդության ժամանակը, այլապես տուժածները կգան այն եզրակացության, որ կառույցի հանձնառությունները սին են: Նման դավաճանությունը, բարբարոսությանը հետ նմանօրինակ համակերպումը վրդովեցուցիչ կլինի: Արցախի ժողովուրդն արժանի է նույն ինքնորոշման և պառակտումներից ազատ կյանքի, ինչ բոլորս։ ՄԱԿ-ը պետք է սա հասկանա, քանի դեռ ուշ չէ»:

ԵԽԽՎ-ն Բաքվին կոչ է անում ազատել հայ գերիներին և բացել Լաչինի միջանցքը

Հունվարի 26-ին Եվրոպայի խորհրդի խորհրդարանական վեհաժողովն ընդունել է «Առաջընթացը Վեհաժողովի մոնիտորինգային գործընթացներում» (հունվար-դեկտեմբեր 2022թ․) բանաձևը: Քվեարկությամբ ընդունվել են բանաձևում Հայկական պատվիրակության կողմից առաջարկված փոփոխությունները՝ Ադրբեջանի կողմից հայ ռազմագերիներին անհապաղ ազատ արձակելու և Լաչինի միջանցքի առնչությամբ Մարդու իրավունքների եվրոպական դատարանի միջանկյալ միջոցները կատարելու վերաբերյալ:

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Հունվարի 26-ի հովհարային անջատումների գրաֆիկը

Հունվարի 22-ի հովհարային անջատումների գրաֆիկը

Հովհարային անջատումները կիրականացվեն օրական 2 անգամ 3-ական ժամ տևողությամբ

Հունվարի 25-ի հովհարային անջատումների գրաֆիկը

Հովհարային անջատումները կիրականացվեն օրական 3 անգամ՝ յուրաքանչյուրը 2 ժամ տևողությամբ․ Արցախէներգո

Պետպահուստից խանութներ մատակարարված երեք տեսակ բրինձներից մեկը համային և հոտային խնդիրներ ունենալու պատճառով  հետ է կանչվել շուկայից

Բաքվի պլանը հետեւյալն է՝ մի քանի օրով բացել միջանցքը՝ ակնկալիքով, որ հայերը զանգվածաբար կլքեն իրենց տները. Փաշինյան

Մենք հավատում ենք, որ ունենք անկախության իրավունք, սեփական հայրենիքում ապրելու իրավունք. Արցախի պետնախարարի հարցազրույցը BBC-ի Hard Talk-ին

Պաշտոնատար անձի կողմից պետությանը ավելի քան 49.000.000 դրամի չափով գույքային վնաս պատճառելու դեպքի վերաբերյալ քրեական գործը մեղադրական եզրակացությամբ ուղարկվել է դատարան

Search