Artsakhpress

Հարցազրույց

Մոսկվան կաշխատի իր ձեռքում պահել գործընթացի ղեկը

Radar Armenia-ի զրուցակիցը միջազգայնագետ Շահան Գանտահարյանն է։

Մոսկվան կաշխատի իր ձեռքում պահել գործընթացի ղեկը

Մոսկվան կաշխատի իր ձեռքում պահել գործընթացի ղեկը
ՍՏԵՓԱՆԱԿԵՐՏ, 28 նոյեմբեր, ԱՐՑԱԽՊՐԵՍ։ Զրույցը ստորև․
-Երևանում տեղի ունեցավ ՀԱՊԿ հավաքական անվտանգության նիստը, որի վերջնական փաստաթղթերը Հայաստանը չստորագրեց։ Ինչպե՞ս կգնահատեք տեղի ունեցածը։
-Կարծում եմ՝ օրինաչափ է Երևանի չստորագրելը։ ՀԱՊԿ-ն անպայման պետք է քաղաքական գնահատական տար և հաստատեր, որ Ադրբեջանը ներխուժել է ՀԱՊԿ-ի անդամ՝ ՀՀ ինքնիշխան տարածք և պահանջեր, որ ադրբեջանական զորքերը վերադառնան ելման կետեր։ Նման գնահատական չտալը, կարծում եմ, կապված է սահմանազատման-սահմանագծման գործընթացի հետ, որտեղ ՀԱՊԿ ղեկավարող ՌԴ-ն ուզում է ստանձնել միջնորդի դեր, իսկ միջնորդ լինելը ենթադրում է հավասար հեռավորություններ։
-Հիմա ՀԱՊԿ հռչակագիրը պետք է լրամշակվի։ Հայաստանին կհաջողվի՞ ցանկալի փաստաթուղթ ստանալ, թե՞ սա տարբերակ էր, որ թեման առժամանակ հետաձգվի։
-Կարծում եմ՝ գործընթացը կձգվի որոշ ժամանակով։ Լրամշակված փաստաթղթում պետք է ներառել հայկական կողմի համար կարևորագույն կետեր՝ ռազմագերիների, պահվող անձանց և աճյունների վերադարձը, հրադադարից հետո արցախյան շփման գծի խախտումը, ադրբեջանական զորքերի հեռացումը հայաստանյան տարածքներից, Ադրբեջանի գործադրած ռազմական հանցագործությունների քրեականացման անհրաժեշտությունը և այլն։ Պարզ է, որ ներկա պայմաններում Երևանը չունի դիվանագիտական առաձգականություն։ Այդուհանդերձ, պետք է արծարծել, որ Բաքուն չի կատարում այն պայմանավորվածությունները, որոնք երաշխավորված են ռուսական միջնորդությամբ, և դա ունի իր տրամաբանությունը։ Չի կարելի անցնել մեծ օրակարգերի (ինչպիսին ապաշրջափակումն է) այնքան ժամանակ, քանի դեռ Բաքուն չի գործադրում համաձայնությունները։
-Ինչպե՞ս կգնահատեք նաև ՌԴ նախագահի ու ՀՀ վարչապետի երկկողմ հանդիպումը. ՌԴ նախագահը հայտարարեց, որ Փաշինյանի հետ քննարկել են տարածաշրջանային բնույթի հարցեր, այդ թվում՝ տրանսպորտային ենթակառուցվածքների ապաշրջափակման:
-Ըստ էության, քննարկումը վերաբերում է նոյեմբերի 9-ի հրադադարի համաձայնության 9-րդ կետին։ Մոսկվան կաշխատի իր ձեռքում պահել ամբողջ տարածաշրջանի համար ռազմավարական նշանակություն ունեցող 9-րդ կետի իրականացման գործընթացի ղեկը։ Կարծում եմ՝ քննարկումների ամբողջ մեխը տարածաշրջանային տարողունակություն ունեցող 9-րդ կետի փուլային իրականացման խնդիրներին է վերաբերում։
-Միաժամանակ, Ադրբեջանի ԱԳ նախարարը խոսել է Լաչինի միջանցքը փակելու մասին. արդյո՞ք այս իրավիճակում սա պատահական է։
- Բաքվի պատկերացմամբ Լաչինի միջանցքի փակման հոխորտանքը «Զանգեզուրյան միջանցք»-ի բացման աշխատանքներն արագացնելու համար ճնշման միջոց է։ Հայկական կողմը հաստատակամ պետք է ընդգծի, որ նոյեմբերի 9-ի և դրանից բխած ածանցյալ հայտարարություններում ու փաստաթղթերում «միջանցք» ձևակերպում գոյութուն չունի։
Ալիևի ասածը պարզապես «միջանցք՝ միջանցքի դիմաց» ռազմավարության բանաձևն է։

     

Քաղաքական

Տնտեսական

Հասարակական

Կարմիր Խաչի միջազգային կոմիտեի ուղեկցությամբ Ստեփանակերտից Երևան է տեղափոխվել ևս 3 բուժառու

Արցախը Հայաստանին կապող միակ ճանապարհը Ադրբեջանի կողմից արգելափակելու պատճառով ԱՀ Առողջապահության նախարարության «Հանրապետական բժշկական կենտրոն» ՓԲԸ-ից երեք հիվանդներ այսօր՝ հունվարի 27-ին, Կարմիր Խաչի միջազգային կոմիտեի միջնորդությամբ և ուղեկցությամբ տեղափոխվել են ՀՀ տարբեր մասնագիտացված բժշկական կենտրոններ։

Արցախին նվիրաբերված ավելի քան 250 տոննա հումանիտար բեռ շարունակում է մնալ Գորիս քաղաքում. Տեղեկատվական շտաբ

Ի պատասխան լրատվամիջոցների հարցումների՝ Արցախի տեղեկատվական շտաբը տեղեկացնում է, որ Ադրբեջանի կողմից Արցախն արտաքին աշխարհի հետ կապող միակ ճանապարհի շրջափակման հետևանքով առաջացած հումանիտար ճգնաժամը մեղմելու նպատակով «Հայաստան» համահայկական հիմնադրամի կողմից Արցախի ժողովրդին նվիրաբերած 100 տոննա պարենամթերքը, ՀՀ և արտասահմանյան մի շարք բարեգործական կազմակերպությունների ուղարկած ավելի քան 250 տոննա հումանիտար բեռը, ինչպես նաև Արցախի երեխաների համար նախատեսված ամանորյա նվերները ցավոք սրտի շարունակում են գտնվել Գորիս քաղաքում և դեռևս անհնարին է հասցնել Արցախ՝ ճանապարհի փակ լինելու պատճառով։

Ռազմական

Տեսանյութեր

ավելին

Ամենադիտված

ամիս

շաբաթ

օր

Հունվարի 26-ի հովհարային անջատումների գրաֆիկը

Հունվարի 22-ի հովհարային անջատումների գրաֆիկը

Հովհարային անջատումները կիրականացվեն օրական 2 անգամ 3-ական ժամ տևողությամբ

Հունվարի 25-ի հովհարային անջատումների գրաֆիկը

Հովհարային անջատումները կիրականացվեն օրական 3 անգամ՝ յուրաքանչյուրը 2 ժամ տևողությամբ․ Արցախէներգո

Պետպահուստից խանութներ մատակարարված երեք տեսակ բրինձներից մեկը համային և հոտային խնդիրներ ունենալու պատճառով  հետ է կանչվել շուկայից

Բաքվի պլանը հետեւյալն է՝ մի քանի օրով բացել միջանցքը՝ ակնկալիքով, որ հայերը զանգվածաբար կլքեն իրենց տները. Փաշինյան

Մենք հավատում ենք, որ ունենք անկախության իրավունք, սեփական հայրենիքում ապրելու իրավունք. Արցախի պետնախարարի հարցազրույցը BBC-ի Hard Talk-ին

Պաշտոնատար անձի կողմից պետությանը ավելի քան 49.000.000 դրամի չափով գույքային վնաս պատճառելու դեպքի վերաբերյալ քրեական գործը մեղադրական եզրակացությամբ ուղարկվել է դատարան

Search