Չինաստանում նոր թափ են հավաքում կառավարության հակաքովիդային միջոցառումների ակտիվացման դեմ բողոքի ակցիաները, ընդ որում ցուցարարները նաև քաղաքական հակակառավարական կարգախոսներ են հնչեցնում։ Հազարավոր ցուցարարներ դուրս են եկել Շանհայի փողոցներ:
Չինաստանում բողոքի հակակորոնավիրուսային ցույցերը վերաճել են հակակառավարական ցույցերի
ՍՏԵՓԱՆԱԿԵՐՏ, 27 նոյեմբեր, ԱՐՑԱԽՊՐԵՍ։ Tert.am-ի փոխանցմամբ, այս մասին գրում է BBC-ին:
Ուսանողները ցույցեր են անցկացրել նաև Պեկինի և Նանկինի համալսարաններում։
Շանհայում բողոքի ցույցի ժամանակ մարդիկ բացահայտ բղավում էին «Սի Ծինփի՛ն, հեռացի՛ր», «Կոմունիստական կուսակցությո՛ւն, հեռացի՛ր» կարգախոսները։ Նման կարգախոսները բավականին անսովոր են Չինաստանում, որտեղ կառավարության և պետության ղեկավարի ցանկացած ուղղակի քննադատություն, որպես կանոն, տխուր է ավարտվում, գրում է աղբյուրը։
Բայց վերլուծաբանները նշում են, որ կառավարությունը կարծես թե շատ լուրջ թերագնահատել է աճող դժգոհությունը հակաքովիդային քաղաքականության վերաբերյալ: Դժգոհությունը կապված է հատկապես Սի Ծինփինի հետ, որը վերջերս խոստացել է, որ խիստ քաղաքականությունը կշարունակվի:
