Ֆրանսիան լիովին հավատարիմ է մնում Հայաստանի և Ադրբեջանի միջև շարունակվող բանակցություններին աջակցելուն՝ Բրյուսելի, Պրահայի և Վաշինգտոնի հանդիպումներից հետո:
Փարիզը հանձնառու է մնում հայ - ադրբեջանական բանակցություններին աջակցելուն
ՍՏԵՓԱՆԱԿԵՐՏ, 27 նոյեմբեր, ԱՐՑԱԽՊՐԵՍ։ Azatutyun.am-ի փոխանցմամբ, այս մասին հայտարարել է Ֆրանսիայի արտգործնախարարության խոսնակը:
Խոսնակին հարց էր ուղղվել՝ պատրաստվո՞ւմ է արդյոք Ֆրանսիան առաջարկել նախագահ Էմանյուել Մակրոնի մասնակցությամբ Հայաստանի և Ադրբեջանի ղեկավարների հանդիպում կազմակերպելու տարբերակներ:
Ադրբեջանի նախագահը նախօրեին հայտարարել է դեկտեմբերի 7-ին Բրյուսելում նախատեսված՝ Հայաստանի վարչապետի հետ հանդիպումը չեղարկելու մասին, քանի որ Նիկոլ Փաշինյանը ցանկություն էր հայտնել, որ դրան մասնակցի նաև Ֆրանսիայի նախագահը: Իլհամ Ալիևը պնդում է, թե Ֆրանսիան չի կարող միջնորդ լինել, քանի որ կողմնակալ է:
