Artsakhpress

Հարցազրույց

Որոշ կետերում համընկնում են գլխավոր խաղացողների և Հայաստանի շահերը

Radar Armenia-ի զրուցակիցը միջազգայնագետ, վերլուծաբան Շահան Գանտահարյանն է։

Որոշ կետերում համընկնում են գլխավոր խաղացողների և Հայաստանի շահերը

Որոշ կետերում համընկնում են գլխավոր խաղացողների և Հայաստանի շահերը
ՍՏԵՓԱՆԱԿԵՐՏ, 6 նոյեմբեր, ԱՐՑԱԽՊՐԵՍ: Հարցազրույցը ներկայացնում ենք ստորև.
-Բրյուսելում տեղի է ունեցել Հայաստանի և Ադրբեջանի սահմանազատման ու սահմանային անվտանգության հանձնաժողովի երրորդ նիստը։ Այս հանդիպումը որքանո՞վ էր արդյունավետ։
-Սահմանազատման-սահմանագծման գործընթացները ևս ընթանում են զուգահեռ և միջնորդական մրցապայքարային պարունակում։ Չեմ նախատեսում, որ մոտալուտ կլինի ընդհանուր հայտարարի գալը։ Հրապարակային արդեն ասվել է, որ մի քանի տարբեր քարտեզների մասին է խոսքը։ Հայկական կողմն այս պահին ավելի շեշտակի կարող է պայմանական մոտենալ գործընթացին՝ ասելով, որ ադրբեջանական զորքերը պետք է վերադառնան ելման կետ, որից հետո միայն կարող են շարունակվել բանակցությունները։ Հիմա պահն է, որովհետև նույն պահանջը բարձրաձայնում է նաև միջազգային հանրությունը։ Բաքվի ներխուժումը կապվում է սահմանազատման գործընթացի հետ. ուզում են ճնշել, շտապում են, որ սահմանազատումը լինի։
-ԵՄ-ի և ՌԴ-ի ներգրավվածությունը ի՞նչ ազդեցություն կարող է ունենալ սահմանազատման և սահմանագծման գործընթացի վրա՝ հաշվի առնելով մոդերատորության համար մշտական պայքարը։
-Ըստ էության՝ միջնորդական հակամարտություն է գնում. հայկական կողմը իր հնարավորությունները պետք է փորձի տեսնել։ ԵՄ-ի դիտորդները, փաստահավաքներն ու կարիք գնահատողները կարող են կանխարգելիչ դեր ունենալ Բաքվի հետագա ներխուժման պլաններին։ Իսկ Մոսկվայի ճիգը՝ Արցախի կարգավորումը հետաձգելու, խաղաղապահների առաքելության ժամկետի վերանորոգման առումով ժամանակ կձգի, և դա բխում է նաև մեր շահերից։ Միջնորդական այս մրցապայքարում նրբագույն դիվանագիտություն է պետք կամուրջները պահպանելու ուղղությամբ։
-Նաև խոսվում է մինչև տարեվերջ խաղաղության պայմանագիր կնքելու ցանկության մասին. դատելով նաև Սոչիի եռակողմ հանդիպման արդյունքներից՝ որքանո՞վ է ռեալ սա, կկարողանա՞ն կողմերը գնալ այդ քայլին։
-Դժվար եմ պատկերացնում նման սցենար։ Բոլորը առաջադրում են խաղաղություն, ապաշրջափակում, սահմանազատում, սահմանագծում։ Խնդիրը միջնորդական մրցապայքարն է և տարածաշրջան ներթափանցելու ակտիվ գործողությունները։ Տիրույթների պահպանման կամ նվաճման հակամարտություն է, և դա չի հուշում վերջնական կարգավորումների մասին։
-ՀՀ ԱԳ նախարարն էլ հայտարարեց, որ Ադրբեջանը, ռազմական հաջողության հասնելով 2020թ., կոշտ դիրքորոշում է ցուցաբերում. Ադրբեջանին որքա՞ն կհաջողվի նման դիրքորոշում ցուցաբերել։ Թե՞, այնուամենայնիվ, միջազգային խաղացողների ճնշման ներքո հնարավոր կլինի նրան վերադարձնել ռեալ դաշտ։
-Ադրբեջանը հիմա առաջադրում է իր պատկերացումով սահմանազատում իրականացնել, «միջանցք» ձեռքբերել և Արցախի հարցը թողնել անցյալում։ Առաջին գործընթացը սերտորեն առնչվում է հավաքական Արևմուտք-ՌԴ միջնորդական մրցապայքարի հետ։ Երկրորդի դեպքում համընկնում են Իրանի և Հայաստանի շահերը։ Թեհրանը պարզ դարձրեց, որ Իրանի և Հայաստանի դարավոր սահմանի կարգավիճակը չի փոխվելու, և սկսեց խոսել դեպի Պարսից ծոց-Սև ծով՝ Հայաստանի վրայով տարանցիկ ճանապարհաշինության գործնական փուլի մասին։ Իսկ Արցախի խնդրի վերաբերյալ, բացի Մոսկվայից, մյուս համանախագահողներն ասում են, որ դեռևս չի լուծվել, և կա կարգավիճակի խնդիր։ Ամբողջ խնդիրը, ուրեմն, բացառիկ նուրբ դիվանագիտությամբ յուրաքանչյուր գլխավոր խաղացողի հետ այս հեռանկարները նկատելով շարժվելն է։
Հայկ Մագոյան

     

Քաղաքական

«ՄԱԿ-ի դատարանը վերջին հույսն է ԼՂ-ի հայերի համար»․ Եղիշե Կիրակոսյանը՝ ՄԱԿ-ի դատարանում

Այստեղ՝ այս դատարանում հանդես եմ գալիս որպես վերջին միջոց։ Եթե դատարանն անհապաղ միջոցներ չձեռնարկի, ԼՂ հայերն անհնարին ընտրության առաջ կկանգնեն՝ թողնել իրենց պապենական տները, կամ մնալ այնտեղ և սովամահ լինել:

Հայաստանի շահերը ներկայացնող փաստաբանը ՄԱԿ-ի դատարանում փաստարկված ներկայացրել է Ադրբեջանի իրական նպատակները

Հայաստանի հայցը ներկայացնող փաստաբաններից Լոուրենս Մարտինը ՄԱԿ-ի արդարադատության միջազգային դատարանում ներկայացրեց Ադրբեջանի կողմից Լեռնային Ղարաբաղի շրջափակման հիմնական նպատակները և այն համատեքստը, որում շրջափակումը տեղի է ունենում, մարդասիրական ծանրագույն հետևանքները, որոնք առաջանում են Ադրբեջանի գործողությունների պատճառով, ինչպես նաև հիմնավորեց, թե ինչո՞ւ Ադրբեջանի արդարացումներից ոչ մեկը վստահության արժանի չէ։

ՌԴ-ն Հարավային Կովկասում առաջնահերթ է համարում հայ-ադրբեջանական հակամարտության կարգավորումը

Ռուսաստանն ինտենսիվ կերպով աշխատում է Հարավային Կովկասում կուտակված «հակամարտային ներուժի» հաղթահարման և հայ-ադրբեջանական հարաբերությունների կարգավորման ուղղությամբ, նաև ողջունում է առաջընթացը հայ-թուրքական հարաբերությունների վերականգնման գործում:

Մենք խորապես անհանգստացած ենք Երուսաղեմում տեղի ունեցող բռնություններից. Վահան Հունանյան

Մենք խորապես անհանգստացած ենք վերջին բռնությունների և վանդալիզմի կապակցությամբ, որոնք ուղղված են Երուսաղեմի քրիստոնեական կրոնական հաստատությունների, ներառյալ՝ Հայոց պատրիարքարանի ու Հին քաղաքի հայ բնակիչների դեմ։

Տնտեսական

Հասարակական

Բրիտանական կազմակերպությունը 350 000 ֆունտ ստերլինգ է հատկացրել Լաչինի միջանցքի շրջափակումից տուժածներին

Բրիտանական Start բարեգործական հիմնադրամը 350 000 ֆունտ ստերլինգ է հատկացրել Լաչինի միջանցքի շրջափակումից տուժածների աջակցմանը:

«ԼՂ-ի շրջափակումը լրիվ համապատասխանում է էթնիկ զտման երկարատև քաղաքականությանը»․ ՀՀ-ի շահերը ՄԱԿ-ում ներկայացնող պրոֆեսոր  

«Կասկած չկա, որ Լաչինի միջանցքի շրջափակումը և դրան առնչվող միջոցները հակասում են խտրականության ընդհանուր արգելմանը։ Շրջափակումը խտրական է։ Այն նպատակ է հետապնդում խոչընդոտել էթնիկ հայերին իրենց իրավունքներն իրացնել մյուս մարդկային խմբերի հետ հավասարապես»,-ՄԱԿ-ի Արդարադատության միջազգային դատարանում (ICJ) Հայաստանն ընդդեմ Ադրբեջանի գործով բանավոր լսումների ժամանակ հայտարարեց պրոֆեսոր Լինոս Ալեքսանդր Սիսիլիանոսը։  

Ժամանակավորապես կդադարեցվի ներդրումային և ԳԳԱ հիմնադրամների նկատմամբ պարտավորությունների գծով տոկոսների և տույժերի հաշվեգրումը

Արցախը Հայաստանին կապող միակ ճանապարհը Ադրբեջանի կողմից արգելափակման պատճառով առաջացած ֆինանսական ճգնաժամի մեղմման անհրաժեշտությունից ելնելով` Արցախի ներդրումային հիմնադրամի և Արցախի գյուղի և գյուղատնտեսության աջակցության հիմնադրամի խորհուրդները որոշում են կայացրել հիմնադրամների նկատմամբ ունեցած պարտավորությունների գծով տոկոսների և տույժերի հաշվեգրումը ժամանակավորապես դադարեցնել 2023թ․ փետրվարի 1-ից։

Ամենայն Հայոց Կաթողիկոսը ցավակցագիր է հղել Իրանի նախագահին

Հունվարի 30-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը ցավակցական նամակ է հղել Իրանի Իսլամական Հանրապետության նախագահ Էբրահիմ Ռայիսիին՝ Իրանի Խոյ քաղաքում տեղի ունեցած աղետալի երկրաշարժի կապակցությամբ:

Ռազմական

Տեսանյութեր

ավելին

Ամենադիտված

ամիս

շաբաթ

օր

Հունվարի 26-ի հովհարային անջատումների գրաֆիկը

Հունվարի 25-ի հովհարային անջատումների գրաֆիկը

Հունվարի 30-ի հովհարային անջատումների գրաֆիկը

Հովհարային անջատումները կիրականացվեն օրական 3 անգամ՝ յուրաքանչյուրը 2 ժամ տևողությամբ․ Արցախէներգո

Հունվարի 29-ի հովհարային անջատումների գրաֆիկը

Բաքվի պլանը հետեւյալն է՝ մի քանի օրով բացել միջանցքը՝ ակնկալիքով, որ հայերը զանգվածաբար կլքեն իրենց տները. Փաշինյան

Ադրբեջանական հատուկ ծառայությունները Ստեփանակերտ քաղաքի բնակիչներին տարհանելու վերաբերյալ կեղծ փաստաթղթեր են տարածում

Բնակչությանը կոչ ենք անում բարեխղճորեն կատարել դեկտեմբերի կոմունալ վճարումները․ Տեղեկատվական շտաբ

Այսօրվանից Ստեփանակերտում և Արցախի շրջաններում կդադարեցվի գազալցակայանների աշխատանքը

Search