Artsakhpress

Մշակույթ

«Փարիզ-Ստեփանակերտ-Երևան» փառատոնի ֆրանսիացի նախաձեռնողները հիացած են արցախցիների հաստատակամությամբ

Այսօր՝ հոկտեմբերի 6-ին, Ստեփանակերտի  Շառլ Ազնավուրի անվան մշակույթի կենտրոնի դահլիճում  Սիլվեն Տեսոնի«Ձյան հովազը» ֆիլմի ցուցադրությամբ Արցախում եզրափակվել է  «Փարիզ- Ստեփանակերտ -Երևան» փառատոնը, որ մեկնարկել էր հոկտեմբերի 4-ին Ֆրանսիայի մայրաքաղաք Փարիզից:

«Փարիզ-Ստեփանակերտ-Երևան» փառատոնի ֆրանսիացի նախաձեռնողները հիացած են արցախցիների հաստատակամությամբ

«Փարիզ-Ստեփանակերտ-Երևան» փառատոնի ֆրանսիացի նախաձեռնողները հիացած են արցախցիների հաստատակամությամբ
ՍՏԵՓԱՆԱԿԵՐՏ, 7 հոկտեմբեր, ԱՐՑԱԽՊՐԵՍ: «Արցախպրես»-ի հաղորդմամբ մինչ ֆիլմի ցուցադրությունը,  հեռավար ձևաչափով ներկաներին փառատոնի նախաձեռնողների և  անձամբ իր կողմից  ուղերձով է դիմել ֆրանսիացի հայտնի գրող, հրապարակախոս Սիլվեն Տեսսոն, ով նաև «Ձյան հովազը» ֆիլմի դերակատարներից է:
 23.jpg (117 KB)
Нет описания.«Այս անգամ թեև չհաջողվեց Արցախ այցելել, սակայն կփորձենք անպայման գալ և ֆիզիկապես ներկա լինել Արցախում՝ Ֆրանսիա-Ստեփանակերտ նոր փառատոների շրջանակներում: Թեև Ֆրանսիայից Հայաստան հեռավորությունը մեծ է,   սակայն այստեղ գալով, մենք օտարություն չենք զգում և խորապես, հոգով ու  սրտի բոլոր թելերով  կապված ենք ձեր երկրի հետ: Ոչինչ մեզ չի կարող արգելել, որպեսզի մտքով, հոգով ու սրտով ձեզ հետ լինենք: Մենք անպայման պիտի ձեր ձայնը բարձրացնենք Եվրոպայում, որպեսզի Ադրբեջանը վայրկյան անգամ չմտածի, թե անպատիժ կերպով կարողանալու է Արցախի հետ վարվել այնպես,  ինչպես կցանկանա: Մեզանից որևէ մեկը չի կասկածում, որ Արցախն ինքնիշխան կլինի, ինչը մեր ցանկությունն ու  երազանքն է: Չնայած բոլոր սպառնալիքներին, որոնք առօրյա են, դուք դիմակայում եք, և շարունակում եք ապրել ձեր երկրում: Սա հենց այն ուղերձն է, որը  ողջունում ենք, որով հիանում ենք և որը  փոխանցելու ենք մեր հասարակությանը»,- ասել է ֆրանսիացի հեղինակը՝ փոխանցելով նաև  «Լը Ֆիգարո Մագազին» պարբերականի փոխտնօրեն Ժան-Քրիստոֆ Բյուիսոնի, ֆրանսահայ հայտնի լրագրող, գրող Վալերի Թորանյանի և  կինոռեժիսոր, պրոդյուսեր Նիկոլա Բարի ողջույնները արցախցիներին:
 
Այնուհետև կայացել ֆիլմի ցուցադրությունը: Այս տարի Սեզար մրցանակի արժանացած  փաստավավերագրական ֆիլմի   գործողությունները տեղի են ունենում Տիբեթական  լեռներում, ուր   լուսանկարիչ Վենսան Մյունիեն և գրող Սիլվեն Տեսսոնը  բարձրացել են հովազ որոնելու:  Այդ ընթացքում նրանց փնտրտուքը վերածվում է  բնության ու մարդու ներդաշնակության,  սպասոումի ու համբերատարության մասին փիլիսոփայության և վայրի բնության գեղեցկության շուրջ մտորումների ու երկխոսության:
 1.jpg (115 KB)
Կինոդիտումից հետո, Արցախի Հանրապետության ԿԳՄՍ նախարարության մշակույթի և երիտասարդության վարչության միջոցառումների կազմակերպման և կապերի բաժնի վարիչ Արուս Գասպարյանը մեզ հետ զրույցում նշեց, որ փառատոնն Արցախում հասել է իր նպատակին, հետարքրություն առաջացնելով երիտասարդ սերնդի շրջանում:
 
Նրա խոսքով՝  երկօրյա  կինոդիտումներին մասնակցել են դպրոցական  տարբեր տարիքի աշակերտներ, բուհերի  ուսանողներ:
 
307072320_8874253962600579_7214985598371888793_n.jpg (416 KB)«Փառատոնն արցախցի հանդիսատեսին հնարավորություն ընձեռեց դիտել ֆիլմեր, որոնք համացանցում դեռ չկան:  Մասնակցությունն ու հետաքրքրությունը ֆիլմերի նկատմամբ գերազանցել են սպասումները: Նույնիսկ տարբեր դպրոցներից առաջարկներ եղան ֆիլմերը ցուցադրել իրենց կրթօջախում, հաշվի առնելով, որպեսզի բոլոր աշակերտները հնարավորություն ունենան դիտելու: Թույլտվությունն արդեն ստացել ենք և կսկսենք այս  ֆիլմերը ներկայացնել նաև կրթօջախներում»,-մանրամասնեց Ա. Գասպարյանը:

     

Քաղաքական

Հասարակական

Անչափահասների թունավորման դեպքերի պատճառները պարզելու ուղղությամբ իրականացվում են քրեադատավարական միջոցառումներ. ԱՀ դատախազություն

Այսօր ժամը 13:50-ից սկսած Արցախի Հանրապետության առողջապահության...

Արցախի մայրիկների ակումբի նախաձեռնությամբ կիրականանան պատերազմում զոհված և վիրավորված հերոսների երեխաների ամանորյա երազանքները

Ապրիլյան և 44-օրյա պատերազմում և դրանից հետո զոհված հերոսների,...

Պետնախարար Ռուբեն Վարդանյանը խորհրդակցություն է անցկացրել «Արևիկ» բուժմիավորումում եւ ծանոթացել երեխաների առողջական վիճակին

Արցախի Հանրապետության պետական նախարար Ռուբեն Վարդանյանն...

Հայաստանի և Ռուսաստանի գլխավոր դատախազները քննարկել են երկուստեք հետաքրքրություն ներկայացնող հարցեր

Հայաստանի Հանրապետության գլխավոր դատախազ Աննա Վարդապետյանը...

Ռազմական

Տեսանյութեր

ավելին

Ամենադիտված

ամիս

շաբաթ

օր

Դոլարն ու եվրոն թանկացել են

Պետական բյուջեի հարկային եկամուտները և տուրքերը գերակատարվել են ավելի քան 48 տոկոսով

Ստեփանակերտում ԱրՊՀ ուսանողների նախաձեռնած գրական-երաժշտական միջոցառմանը միացել են նաև Շուշիի Խ.Աբովյանի անվան դպրոցի սաները

Վերին Լարսում տրանսպորտի երթևեկությունն արդեն իրականացվում է 12 նոր գոտիներով

Ստեփանակերտում տեղի է ունեցել Մոնթե Մելքոնյանին (Ավո) նվիրված հուշ-երեկո

ՀՀ ՊՆ-ում մեկնարկել են զորամիավորումների, ու զորամասերի համալիր ստուգումները

Քիմ Քարդաշյանը, Շերը և այլ հայտնիներ հորդորել են գնել հայկական գրություններով զարդերն ու աջակցել Էջմիածնի Մայր տաճարի վերանորոգմանը

Մոսկվայի Կրեմլի պատի պանթեոնի տարածքում ծաղիկներ են դրվել Հովհաննես Բաղրամյանի գերեզմանին

Ստեփանակերտում Հաշմանդամների միջազգային օրվա կապակցությամբ միջոցառում է կազմակերպվել

Search