Համազգային թատրոնը պատրաստվում է մեկնել Գերմանիա՝ մասնակցելու Հաննովեր քաղաքում կայանալիք թատերական փառատոնին, այդ շրջանակներում բեմ բարձրացնելով «Իմ ընտանիքը իմ ճամպրուկում է» մոնոներկայացումը, որի գործողությունները տեղի են ունենում Արցախյան ազատամարտի տարիներին:
Համազգային թատրոնը Գերմանիայում բեմ կբարձրացնի Արցախյան ազատամարտի տարիների մասին պատմող մոնոներկայացում
ՍՏԵՓԱՆԱԿԵՐՏ, 5 հոկտեմբերի, ԱՐՑԱԽՊՐԵՍ-ԱՐՄԵՆՊՐԵՍ: Այս մասին տեղեկացրել է Համազգային թատրոնի տնօրեն և գեղարվեստական ղեկավար Նարինե Գրիգորյանը:
«Այդ փառատոնի հանդիսատեսը տիրապետում է ռուսերենին, ուստի խաղալու եմ ռուսերեն, որպեսզի նյութը մատչելի ու հասանելի լինի նրան: Ուզում եմ՝ ներկայացման միջոցով նրանք ևս իմանան մեր պատմությունը, Արցախյան պատերազմը տեսնեն մեր տեսանկյունից»,-շեշտել է Նարինե Գրիգորյանը: