Արցախում ևս երկու երկարօրյա դպրոցների շինարարության և կահավորման ծրագիր է հաստատվել։
Հանրապետության ևս երկու համայնքում երկարօրյա դպրոցներ կբացվեն
ՍՏԵՓԱՆԱԿԵՐՏ, 4 հոկտեմբեր, ԱՐՑԱԽՊՐԵՍ: Այս մասին տեղեկացրել են Արցախի Հանրապետության կրթության, գիտության, մշակույթի և սպորտի նախարարությունից՝ մանրամասնելով, որ այս անգամ ծրագրի հովանավորումը ստանձնել է «Բառնաբաս» միջազգային հիմնադրամը։ Նրանց ջանքերով «Երկարօրյա դպրոց» ծրագիրը կներդրվի Խնապատի և Կիչանի համայնքների դպրոցներում։
«Երկարօրյա դպրոցը» ԱՀ կառավարության կողմից իրականացվող ռազմավարական ծրագիր է, որի նպատակն է բարձրացնել կրթության որակը Արցախի բոլոր համայնքներում՝ ապահովելով դասապատրաստում, ժամանց, սպորտ և առողջ սնունդ աշակերտների համար։ Ներկայումս երկարօրյա դպրոցներ են գործում Արցախի սահմանամերձ 14 համայնքներում։