ԱՄՆ Ֆլորիդա նահանգում զոհերի թիվը կտրուկ աճել է, եւ հարյուր հազարավոր մարդիկ դեռեւս առանց էլեկտրականության են մնացել:
ԱՄՆ-ում եւ Կուբայում «Յան» փոթորկի հետեւանքով զոհվել է ավելի քան 50 մարդ
ՍՏԵՓԱՆԱԿԵՐՏ, 2 սեպտեմբերի, ԱՐՑԱԽՊՐԵՍ: Այս մասին հայտնում է AP լրատվական գործակալությունը, փոխանցում է news.am-ը:
Ֆլորիդայում մոտ չորս տասնյակ մարդ է զոհվել: Հեղեղված ճանապարհները եւ կամուրջները շատ մարդկանց թողել են մեկուսացված՝ բջջային կապի սահմանափակ սպասարկմամբ եւ առանց տարրական հարմարությունների, ինչպիսիք են ջուրը, էլեկտրականությունը եւ ինտերնետը:
Ֆլորիդայի նահանգապետ Ռոն ԴեՍանտիսը շաբաթ օրը ասել է, որ գործարար Իլոն Մասկը տրամադրել է մոտ 120 Starlink արբանյակներ՝ օգնելու լուծել կապի հետ կապված որոշ խնդիրներ:
Ֆլորիդայի կոմունալ ծառայություններն աշխատում են էլեկտրաէներգիայի վերականգնման ուղղությամբ: Շաբաթ երեկոյան մոտ 1 միլիոն տներ եւ ձեռնարկություններ դեռեւս հոսանքազրկված էին: Առնվազն 54 մարդ է մահացել՝ 47-ը Ֆլորիդայում, չորսը՝ Հյուսիսային Կարոլինայում եւ երեքը՝ Կուբայում:
Սպիտակ տունը հայտարարել է, որ նախագահ Ջո Բայդենը եւ առաջին տիկին Ջիլ Բայդենը չորեքշաբթի կմեկնեն Ֆլորիդա։
Հյուսիսային Կարոլինայում փոթորիկը տապալել է ծառեր եւ էլեկտրահաղորդման գծեր։ Նահանգում չորս մահերից երկուսը եղել են փոթորկի հետ կապված ճանապարհատրանսպորտային պատահարներից, մյուսները խեղդվել են ջրից եւ ածխածնի երկօքսիդի թունավորումից:
Ֆլորիդայի Ֆորտ Մայերս քաղաքի Պորտ Սանիբել Պիեր նավահանգստում փոթորկի հոսքը ողողել է մի քանի նավակներ:
