Ոստիկանության պետ գնդապետ Արտյոմ Հարությունյանի կողմից հաստատված հիմնական միջոցառումների պլանի համաձայն Արցախում սեպտեմբերի 20-ից 30-նն ընկած ժամանակահատվածում կազմակերպվել և անց է կացվել «Կանեփ-Կակաչ 2022» համալիր միջոցառման երկրորդ՝ ավարտական փուլը:
Համալիր միջոցառման արդյունքում հայտնաբերվել են արգելված թմրաբույսեր աճեցնելու և թմրամիջոցներ ապօրինի պահելու մի շարք դեպքեր
ՍՏԵՓԱՆԱԿԵՐՏ, 30 սեպտեմբերի, ԱՐՑԱԽՊՐԵՍ։ Այս մասին տեղեկացրել են Արցախի Հանրապետության ՆԳՆ ոստիկանությունից:
Քրեական հետախուզության վարչության անմիջական վերահսկողությամբ՝ Հանրապետության ողջ տարածքում ոստիկանության Ստեփանակերտ քաղաքի վարչության և շրջանային բաժինների ծառայողները սահմանված կարգով իրականացրել են ստուգումներ:
Համալիր միջոցառման արդյունքում ի հայտ է բերվել մշակումն արգելված թմրաբույսեր ապօրինի ցանելու և աճեցնելու, ինչպես նաև թմրամիջոցներ ապօրինի պահելու մի շարք դեպքեր, որոնց կապակցությամբ կազմվել են համապատասխան ակտեր: Չմշակված բույսերը ոչնչացվել են տեղում՝ այրման եղանակով:
Արդյունքները կհրապարակվեն երկուշաբթի օրը: