Artsakhpress

Հասարակական

Արցախի պետական համալսարանում հոգեբանական աշխատաժողով է կազմակերպվել

Այսօր՝ սեպտեմբերի 26-ին, Արցախի պետական համալսարանում տեղի է ունեցել հոգեբանական աշխատաժողով, որը նախաձեռնել են ԱրՊՀ հոգեբանական կենտրոնը, «Էրուդիցիա» և «էմպաթիա» հոգեբանական կենտրոնները, Ինտեգրատիվ հոգեթերապիայի միությունը:

Արցախի պետական համալսարանում հոգեբանական աշխատաժողով է կազմակերպվել

Արցախի պետական համալսարանում հոգեբանական աշխատաժողով է կազմակերպվել

ՍՏԵՓԱՆԱԿԵՐՏ, 26 սեպտեմբերի, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ աշխատաժողովի նպատակն էր համախմբել հետազոտողներին, մասնագետներին, որպեսզի կիսեն սեփական փորձը հոգեթերապիայի տարբեր դպրոցների սկզբունքների ինտեգրման վերաբերյալ, ինչպես նաև աջակցություն ցուցաբերվի ուսանողներին և մասնագետներին՝ զարգացնելու իրենց ունեցած գիտելիքներն ու կարողությունները:

308509447_1717527111951895_4659433301780856949_n.jpg (1.56 MB)Արցախի մայր բուհի պրոռեկտոր, հոգեբանական գիտությունների թեկնածու, դոցենտ Վիտյա Յարամիշյանը աշխատաժողովի ընթացքում ներկայացրել է «Հետվնասվածքային սթրեսային հակազդումների հաղթահարման խնդիրը 44-օրյա պատերազմից հետո» թեման:

«44-օրյա պատերազմի ընթացքում վճռորոշ նշանակություն, իհարկե, ունեցել են նաև տեղեկատվահոգեբանական պայքարի միջոցները, որոնք հանգեցրին ծանրագույն իրավիճակի: Պետք է խոստովանենք, որ ոչ մի զինատեսակ չէր կարող ընկճել մեր զինված ուժերին, արցախցիներին, եթե չլինեին տեղեկատվական, հոգեբանական ներազդման այն հնարքներն ու միջոցները, որ կիրառել է մեր թշնամին»,-համոզմունք է հայտնել Վ.Յարամիշյանը:

Նրա խոսքով՝ պատերազմից երկու տարի անց էլ բնակչության շրջանում շարունակվում են տագնապը, անորոշությունը, հուսահատությունը: Ըստ բանախոսի՝ հետվնասվածքային սթրեսի հաղթահարմանը նպաստել են նաև ԿԽՄԿ-ն, «Բժիշկներ առանց սահմանի» նախաձեռնության, ԵՊՀ, ՀՊՄՀ, ՀՊԲՀ հոգեբաններ, Սփյուռքի հայ մասնագետներ, ՌԴ խաղաղապահ առաքելության հոգեբաններ: Աշխատաժողովը վարում էր ԱՄՆ Կալիֆորնիայի պետական համալսարանի պրոֆեսոր, հ.գ.դ, Ալեն Ազիզյանը:

308568477_1686387085077568_2883327838897211529_n.jpg (602 KB)«Հոգեբանական խնդիրների հաղթահարման կարևոր ուղիներից մեկը զբաղվածությունն է: Հոգեբանի հետ խոսելիս այցելուն պետք է հասկանա, որ աշխարհում կա մեկը, ով հետաքրքրված է իր խնդիրներով, հույզերով, տագնապներով: Այս դեպքում նրան կարող է օգնել նաև իր մասին պատմելն ու սեփական փորձով կիսվելը»,-նշել է պրոֆեսորը:


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Դոլարն ու եվրոն թանկացել են

Պետական բյուջեի հարկային եկամուտները և տուրքերը գերակատարվել են ավելի քան 48 տոկոսով

Ստեփանակերտում ԱրՊՀ ուսանողների նախաձեռնած գրական-երաժշտական միջոցառմանը միացել են նաև Շուշիի Խ.Աբովյանի անվան դպրոցի սաները

Վերին Լարսում տրանսպորտի երթևեկությունն արդեն իրականացվում է 12 նոր գոտիներով

Ստեփանակերտում տեղի է ունեցել Մոնթե Մելքոնյանին (Ավո) նվիրված հուշ-երեկո

ՀՀ ՊՆ-ում մեկնարկել են զորամիավորումների, ու զորամասերի համալիր ստուգումները

Քիմ Քարդաշյանը, Շերը և այլ հայտնիներ հորդորել են գնել հայկական գրություններով զարդերն ու աջակցել Էջմիածնի Մայր տաճարի վերանորոգմանը

Մոսկվայի Կրեմլի պատի պանթեոնի տարածքում ծաղիկներ են դրվել Հովհաննես Բաղրամյանի գերեզմանին

Ստեփանակերտում Հաշմանդամների միջազգային օրվա կապակցությամբ միջոցառում է կազմակերպվել

Search