Artsakhpress

Մշակույթ

Հակոբավանքը վերականգնելով`կհաղթենք մշակութային «պատերազմում». կայացավ «Ս․ Հակոբավանքի և Քոլատակ գյուղի զարգացումը խորագրով» համաժողովը

Արցախի Սուրբ Հակոբավանքի վերականգնման և Քոլատակ գյուղի զարգացման համար պահանջվում է 1 մլն ԱՄՆ դոլար, որից շուրջ 25 հազար դոլարն արդեն հավաքվել է, որով հնարավոր է սկսել վանական համալիրի 1 եկեղեցու շինարարությունը։

Հակոբավանքը վերականգնելով`կհաղթենք մշակութային «պատերազմում». կայացավ «Ս․ Հակոբավանքի և Քոլատակ գյուղի զարգացումը խորագրով» համաժողովը

Հակոբավանքը վերականգնելով`կհաղթենք մշակութային «պատերազմում». կայացավ «Ս․ Հակոբավանքի և Քոլատակ գյուղի զարգացումը խորագրով» համաժողովը
ՍՏԵՓԱՆԱԿԵՐՏ, 26 սեպտեմբերի, ԱՐՑԱԽՊՐԵՍ-ԱՐՄԵՆՊՐԵՍ։ Այս մասին «Ս․ Հակոբավանքի և Քոլատակ գյուղի զարգացում» խորագրով համաժողովին հայտնեց ծրագրի համակարգող Գագիկ Հարությունյանը։
«Վերականգնելով Ս. Հակոբավանքը՝ մենք պաշտպանում ենք մեր ինքնությունը և աշխարհին ներկայանում ենք համաշխարհային մշակույթի կարևոր մասը կազմող մեր ժառանգությամբ: Քոլատակը դարձնում ենք նոր տուրիստական ուղղություն, որի շնորհիվ նոր աշխատատեղեր կստեղծվեն Արցախում: Արցախում ինքներս մեզ նվիրում ենք հոգևոր ու մշակութային կենտրոն»,- նշեց Հարությունյանը: 
Վերջինս նշեց, որ  թշնամին պարբերաբար ապատեղեկատվություն է տարածում, թե Հակոբավանքը աղվանական է։ Հարությունյանը շեշտեց՝ Հակոբավանքը վերականգնելով` կհաղթենք մշակութային «պատերազմում»: Ծրագիրը նախաձեռնել է Արցախի կառավարությունը և Արցախի թեմը` Վրթանես Սրբազանի գլխավորությամբ։ Ծրագրին միացել են հիմնադրամներ, կազմակերպություններ և ուղղակի անհատներ:
«Ամբողջ վանական համալիրը վերականգնելու համար անհրաժեշտ է 1 մլն ԱՄՆ դոլար։ Համալիրի ներսում գտնվող 3 եկեղեցու վերականգնման համար կարող է 350 հազար ԱՄՆ դոլարը բավականացնել։ Ներկա պահին ծրագրի համար 20-25 հազար ԱՄՆ դոլար գումար է հավաքվել: Արցախի կառավարությունը խոստացել է այդ գումարը հասցնել  մինչև մոտ 40 հազար ԱՄՆ դոլարի։ Այսպիսով կկարողանանք առաջին եկեղեցու շինարարությունը սկսել»,- նշեց ծրագրի համակարգողը։  
«ռեԱրմենիա» համագործակցության հարթակի տնօրեն Գևորգ Պողոսյանը նշեց, որ դրամահավաքն իրականացվում  է իրենց հարթակում: Նախագիծը հարթակում ներկայացվել է դեռևս անցյալ տարվա հոկտեմբերին՝ որպես համագործակցության նախագիծ, այնուհետև ձևավորվել է դրամահավաքի արշավ: Նախագծին գումար հանգանակելու համար գործում է հետևյալ հղումը
«Մոտ ապագայում` դեկտեմբերի 15-ին հաջորդող շաբաթ օրը (Սուրբ Հակոբի մահվան օրն է) նախատեսվում է մոտ 200 հոգանոց խմբով ուխտագնացություն դեպի Հակոբավանք, որը կլուծի իրազեկման խնդիրը»,- նշեց Պողոսյանը։
Արցախի թեմն ու Արցախի կառավարությունը նախաձեռնել են Հակոբավանքի վերականգնման գործընթացը մի քանի տարի առաջ:  Արցախի թեմը՝ Վրթանես Սրբազանի գլխավորությամբ, 2022 թ. հայտարարել է Ս. Հակոբավանքի վերածննդի տարի: Հուշարձանագետ Սամվել Կարապետյանի «Հայկական Ճարտարապետությունն ուսումնասիրող հիմնադրամը» աջակցելու է նախագծի իրականացմանը:
  «Մշակութային ժառանգությունը վերականգնող հայ ճարտարապետների ասոցիացիան» տրամադրել է մասնագիտական աջակցություն:  Ճարտարապետ Սամվել Այվազյանը տրամադրել է վանքի վերականգնման նախագիծը։  «Academy Films» ընկերությունը աջակցում է՝ Ս. Հակոբավանքի մասին տեսանյութեր նկարելով: «Spell»-ը ստեղծել է Հակոբավանքի մասին պատմող բովանդակություն: «Spring PR» ընկերությունը նախագծի մասին նյութեր է պատրաստում:  Լուսանկարիչ Սևակ Ասրյանը տրամադրել է հեղինակային լուսանկարներ Հակոբավանքից։  «Արևահովիտ» հարթակը և «Կենաց տուն» ՀԿ-ն միացել են վերականգնման ծրագրի վերամեկնարկին:  
«Ազգագրագետ Լիլիթ Սիմոնյանն այս ընթացքում տպագրեց երկար տարիների իր քրտնաջան աշխատանքի արդյունքը` «Ս. Հակոբ Մծբնա հայրապետի հիշատակը հայոց մեջ» գիրքը, որ ավելի հասկանալի լինի, թե ում է նվիրված վանքն ու ինչ արժեք ունի մեզ համար»,- նշեց ծրագրի համակարգող Գագիկ Հարությունյանը:
Նա նաև ընդգծեց, որ Արցախյան 44-օրյա պատերազմից հետո թշնամու հսկողության տակ է անցել ավելի քան 1500 մշակութային կոթող, որից մոտ 150-ը ոչնչացվել կամ յուրացվել են։

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Դոլարն ու եվրոն թանկացել են

Պետական բյուջեի հարկային եկամուտները և տուրքերը գերակատարվել են ավելի քան 48 տոկոսով

Ստեփանակերտում ԱրՊՀ ուսանողների նախաձեռնած գրական-երաժշտական միջոցառմանը միացել են նաև Շուշիի Խ.Աբովյանի անվան դպրոցի սաները

Վերին Լարսում տրանսպորտի երթևեկությունն արդեն իրականացվում է 12 նոր գոտիներով

Ստեփանակերտում տեղի է ունեցել Մոնթե Մելքոնյանին (Ավո) նվիրված հուշ-երեկո

ՀՀ ՊՆ-ում մեկնարկել են զորամիավորումների, ու զորամասերի համալիր ստուգումները

Քիմ Քարդաշյանը, Շերը և այլ հայտնիներ հորդորել են գնել հայկական գրություններով զարդերն ու աջակցել Էջմիածնի Մայր տաճարի վերանորոգմանը

Մոսկվայի Կրեմլի պատի պանթեոնի տարածքում ծաղիկներ են դրվել Հովհաննես Բաղրամյանի գերեզմանին

Ստեփանակերտում Հաշմանդամների միջազգային օրվա կապակցությամբ միջոցառում է կազմակերպվել

Search