Ասկերանի շրջանի ջրամատակարարման համակարգում գործող պոմպակայանը սնուցող տրանսֆորմատորի աշխատանքը խաթարվել է կարճ միացման պատճառով, ինչի հետևանքով ջրազրկվել են Նախիջևանիկ, Վարդաձոր և Արանզամին համայնքները:
Ասկերանի շրջանի ջրամատակարարման համակարգի վթարի պատճառով երեք համայնք է ջրազրկվել
ՍՏԵՓԱՆԱԿԵՐՏ, 11 օգոստոսի, ԱՐՑԱԽՊՐԵՍ։ Այս մասին տեղեկացրել են «Ջրամատակարարում» ՓԲ ընկերությունից։
«Մասնագետները գործադրում են բոլոր ջանքերը վթարը վերացնելու համար: Նախնական տվյալներով՝ խնդիրը լուծելու համար կպահանջվի 4-ից 5 օր:
Ընկերությունը հայցում է սպառողների ներողամտությունը և ապավինում նրանց համբերատարությանը»,- նշված է հաղորդագրության մեջ։
