Artsakhpress

Մշակույթ

Ադրբեջանը Բերձորի Սուրբ Համբարձում եկեղեցին մզկիթի վերածելու նախագիծ ունի. նույն վտանգը նաև Աղավնոյի մատուռին է սպառնում

Ադրբեջանը մշակել է Բերձորի Սուրբ Համբարձում եկեղեցին մզկիթի վերածելու նախագիծ։

Ադրբեջանը Բերձորի Սուրբ Համբարձում եկեղեցին մզկիթի վերածելու նախագիծ ունի. նույն վտանգը նաև Աղավնոյի մատուռին է սպառնում

Ադրբեջանը Բերձորի Սուրբ Համբարձում եկեղեցին մզկիթի վերածելու նախագիծ ունի. նույն վտանգը նաև Աղավնոյի մատուռին է սպառնում
ՍՏԵՓԱՆԱԿԵՐՏ, 8 օգոստոսի, ԱՐՑԱԽՊՐԵՍ։ Այս մասին NEWS.am-ի հետ զրույցում ասել է Ստեփանակերտի Մեսրոպ Մաշտոց համալսարանի Կովկասագիտության կենտրոնի ղեկավար Հովիկ Ավանեսովը։
Նա պատմեց, որ Ադրբեջանի «Հուշարձանների պաշտպանության հասարակական միավորում» կազմակերպությունը նախագծի վերաբերյալ նաեւ լուսանկար է հրապարակել։ Ըստ նախագծի, ապամոնտաժվում է գմբեթի վեղարն ու զանգակատունը, կցակառուցվում՝ երկու մինարեթներ։
«Նախագիծը հաստատվել է Ադրբեջանի նախագահ Ալիեւի հրամանի համաձայն։ Նմանատիպ հրաման Ալիեւը տվել է դեռեւս այն ժամանակ, երբ հերթական ապօրինի այցով գտնվում էր օկուպացված Հադրութի շրջանում։ Իրենց հիմնական նպատակն օկուպացված հայկական բոլոր բնակավայրերում հայկական մշակութային ժառանգությունը վերացնելն է։ Այն եկեղեցիներն ու մշակութային արժեք ներկայացնող հաստատությունները, որոնք կառուցվել են անկախության ժամանակաշրջանում, որոնք հնարավոր չեն աղվանականացնել, Ալիեւի հրամանով վերածում են մզկիթի կամ այլ կառույցների»,- ասաց կենտրոնի ղեկավարը։
Հովիկ Ավանեսովը շեշտեց, որ դա բացահայտ պատերազմական հանցագործություն է.
«Հաշվի առնելով այն հանգամանքը, որ միջազգային բոլոր կոնվենցիաներով նմանատիպ ժառանգության ոչնչացումը կամ վերածումն այլ կառույցների համարվում է ոչ միայն մշակութային ցեղասպանություն, այլ նաեւ որպես պատերազմական հանցագործություն։ Վտանգը բավականին մեծ է, հաշվի առնելով այն, որ չնայած մեր՝ միջազգային ճանաչում ունենալուն, Շուշիի Ղազանչեցոց եկեղեցու հետ կապված տեսանք՝ ինչպես վերաբերվեցին ու խեղաթյուրեցին։ Այս նույն վտանգը ոչ միայն Սուրբ Համբարձում եկեղեցուն է սպառնում, այլ նաեւ Աղավնոյի մատուռին, ու այն պատմամշակութային ժառանգությանը, որը մնալու է օկուպացվող այդ բնակավայրերում»։
Հովիկ Ավանեսովի կարծիքով՝ Ադրբեջանի կողմից իրականացվող այդ գործընթացը կանգնեցնելու միակ եղանակը միջազգային կառույցներին դիմելն է. «Ելքն այն է, որ միջազգային լուրջ ազդակներ գործադրվեն կամ բանակցությունների միջոցով հնարավոր լինի՝ ռուս խաղաղապահներն այստեղ դիտակետ տեղադրեն, որպեսզի թույլ չտրվի այն մզկիթի վերածելը կամ պայթեցնելը»։
Նշենք, որ Սուրբ Համբարձում եկեղեցու կառուցումը սկսվել է 1996 թվականից, ավարտվել է 1998 թվականին։
Հիշեցնենք, որ Արցախի տարածքային կառավարման ու ենթակառուցվածքների նախարար Հայկ Խանումյանը Աղավնոյի եւ Բերձորի բնակիչներին տեղեկացրել է, որ մինչեւ օգոստոսի 25-ը պետք է լքեն իրենց տները։

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Թաղավարդում մահվան ելքով դժբախտ պատահար է տեղի ունեցել

Ռուբեն Վարդանյանն արձագանքել է Նախագահ Հարությունյանի առաջարկին

Անվտանգության խորհրդի նիստում Արցախի հարցով միաձայն հայտարարություն է ընդունվել

Դոլարի փոխարժեքը նվազել է

Սամվել Բաբայանը Ստեփանակերտում հանդիպել է քաղաքացիների հետ

Սպառվող էլեկտրաէներգիայի ծախսերի որոշ մասի սուբսիդավորումը կիրականացվի նախկին կարգերի համաձայն

Հայաստանում տեղակայված ընկերությունը ընդգրկվել է ԱՄՆ-ի պատժամիջոցների նոր ցանկում

Ադրբեջանի ԶՈւ ստորաբաժանումները կրակ են բացել հայկական մարտական դիրքերի ուղղությամբ

Մեխիկոյում կազմակերպված ցուցահանդեսում Հայաստանը ներկայացել է հայկական ժանյակի ցուցադրությամբ

Search